¹ जे होगाज दास बनीन वोझा अेठा हाय तोताही आपु मालकाल होगज मानपान दिईन योग्य माना जोजे इयाखातुर की देवा नाव आने हिकवुलो (संदेश) इया निंदा नैय वेरा जोजे ² आने तिया मालक विश्वास थोवनारो हाय तियाय ते पाहु हाय तियाल तिया अपमान वेरा नैय जोजे. खोटो शिक्षण आने खेरी संपत्ती इया विषयाम ³ जाहा केडोबी काही अलग पद्धती कि हिकवे आने ख्रिस्ता येशु आपे प्रभु इया जी सुवचने आणी देवा सेवे शुध्द हिकवन मानतो नाहा. ⁴ ताहा तो गोर्वावाय फुगी गेहेलो हाय आने तियाल कायज हमजुतो नाहा तियाऐवजी तो चुलाहे (भोडणे) आणे शब्दकलह तियाकाई गांडवालो वेलो हाय या गोठी पेने येवो भांनगोड निंदा खाराब विचार वेहे. ⁵ मन बिगडी जाहे आने खेरायने दुर जाते ताहा भक्ती ही कमावुलो साधन हाय ऐहडी कल्पना केनारा माहा की घेडी-घेडी भांगडो (भांगणे) वेतेहे तियाने दुर इया ⁶ खरेखर वेअतेहे ताहा खुशीकी देवा सेवा केअतेहे ताहा मिलणारो समाधान ई खुप मोठो लाभ (फायदो) हाय ⁷ काहाल आपु जगाम काईज लाले नाहा, आने आपुकी इया जगामेने काईज बारे लिई जाता आवतो नाहा. ⁸ जाहा आपुल अन्न (खावुलो) पोतडे हाय ताहा ओताकिईज आपु ,खुश राआ जोजे. ⁹ पेन जो धनवान वेरा मागेहे ते परिक्षाम आने सापडेहे ताहा तोओ अति मुर्खपणा आने हानिकारक अभिलाषा आहारी बनिन नाश वेताहा ¹⁰ काहालका पैशावाय प्रेम होगोज वाईटा (खारावुअ) लक्षण (मुळ) हाय कोअताक लोक तिया लोभावाय विश्वासमेने दुर गेहले हाय, तिया खातोर तियाही सोताल खुब दु:ख किईले दलो हाय. हाराेबाेध ¹¹ हे देवाआ माहा, तु इया गोठीने दुर रेअे न्यायपण, सुभक्ती, विश्वास आने प्रीती, सहनशीलता आने लीनता (नम्र) इया फासला लाग ¹² विश्वासा खातुर हारो युध्द (लडाई) केअ जीया खातुर तुल हादलो हाय तिया सार्वकालीन जीवनाल तिई थोव तुयू अलग- अलग साक्षी देणारा हुबर हारी साक्षी देदीही. ¹³ जो बादान जीवन देहे तिया देवा हुबर आने पतंय तिलाता हुबर जियाय हारी साक्ष देदली तिया ख्रिस्ता येशुहुबूर माय तुज आज्ञा केअतोहो (दिहु) ¹⁴ आपु प्रभु येशू ख्रिस्त प्रगट वेरीतावलुग निष्क्लंक, आने निदोष राआ जोजे तिहाल ही आज्ञा पालन केअ 15 जो धन्यवाद, एकुज सार्वभौम/ पदपिका राजाआ राज आने प्रभुअ प्रभु ¹⁵ जिया एकालुज अमरत्व (अमर जीवन) हाय जो अगम्य उजवाडाल रेअहे, ¹⁶ तियाल केअडाय माहाय नाहा वेयो आने केअडावाय भी नाहा वेअता आलो तोतेतीया प्रगट वेरलो तियाज देहामे देखावीई तियाल मानपान आने सार्वकालीन सामर्थ्य हाय आमेन ¹⁷ इया युगामेने धनवानान आज्ञा केअ की, गार्विष्ठ वेरा माआ, पैसा जो चंचल हाय तियाप तियाही आशा थोवा माआ पेन देवजो खुब जाहको तिया नावा खातोर होगोज पुरो केहे तियाप आशा थोवा. ¹⁸ हारो तो केरा, कामाम धनवान (मालदारो) उदार आने (परोपकारी) मदत केअनारे जोजे ¹⁹ जे खेरोपणा की जीवन ते मजबुत विईन आगला दिहामे हारो आधार वेरीई, ऐहकी साठा (गोळा) सोतेखातोर केरा ²⁰ तीमथ्या, तोअपाही विश्वासावाय साभांली राखा देदली ठेव धरोहण शिक्षण सांबालजे अधर्मा (वाईट/ खराब) खाली नकामी गोठी पेने दुर (वटवठीने) आने चुकीकीई जियाल बनवुल्या गाआयीने “विद्या” आखेते हे तियावेलाने परस्पर विरोधी मनाहीने दुर जो. ²¹ ती विघा लिईने कोअताक विश्वासाने भरमाय गेले हाय देवा कृपा तुमाआरी रेअे.