¹ Nenise Pol galapusove. yesu mesia ulizeto neni Pol,wekoma Timoti kisi nusike gei Filimon to luhuvo nene nogizu sive, gei zogole lamine nane. ² Alunote Apia, Akipus,Omosa mi gonauve, gei numuku minika na gevena to kisi ve. ³ Omosa Anutu gipela Yesu nasahili zou wau minilo. ⁴ Muki gamena Omosa Anutu taka numuna loleketoka nuve. ⁵ Gei gamoze ma giluvone muki Omosa mi gevenala zuho gelene itekave. ⁶ Numuna lekeli kumu wanohizeko loko to elevole oko, Omosa lakati amuzo talo nikumu. ⁷ Zogone, muluneu laneta giluve, naneta kumu, gei muki Omosami gevena muluniku nasahili kemeka nane, nenemo elevole nokemene. ⁸ Nemine okavoko muki elevole gemelosauha, geitove. ⁹ Te,iho, gevena, kumu geleka mulute nenemo akahe gizekave. nenemu hana oko nolo gimuve. Neni, Pol. Mota wane molokuve. Yesu mesia gonau minetoko uwake. ¹⁰ Itine gei loka nuve, gipene Onesimus kumu. Omosami sukulu gamoze galapuso nusike lome nuve. ¹¹ Gomu gei gona lane tona mineve, te iho itine gezasi nezesi gona lane noto letave. ¹² Itine ihe gei nanitaka nomisiluve. Lune gane emenuvake. ¹³ Ove lolosa uvone,neiho gei gona menuko galapuso numuku toko mine live loko. ¹⁴ Te'iho, gei muluko togolosa okalove.Nenemu gezaka gelenito tomolozo. ¹⁵ Nene monavemu Onesimas, gei gamena koma ma hulogetave. Itine ihe eito oko mineva mineva ilizo. ¹⁶ Gonau ve lamineve. Neni mulune emenuve. Gezasi muluko emezo. Omosa mi sikalahuto. ¹⁷ Nemine oka voko zogo lamine minusi ne mamine oko ezasi minilizo. ¹⁸ Ineta geito tolo lumo okavokoma lonemezo. Nenise tolisihi ogetaloze. ¹⁹ Nenise ,Pol, anetunu luhuvo nogizuve. Geise nate onolipe tolisihi ogetalo sauve. ²⁰ Gei zogone lisihi nane. Gei inta ma lolo ilipe, Omosa mi ulizeto, Geikisi nezasi Omosami lulou nusive. ²¹ Neni geleko tonuve. Geikogo muki gamoze mehenalo molalosane loko gelenuve. ²² Gamoze ihe ma logemelona neni okalo numuno tovava ozo. Gelenuvone, Omosa Anutu lekeli numuna gelelosaive. Te okavoko nene, lekeli nizetaka ihe nimisele losaive . ²³ Epapras ,neni galapuso numuko zogoneve, Yesu Mesia gulivelo lamineve nologetave. ²⁴ Nemine okavoko , Maki, Alitakus, Temas, Luk ,Leli mukito Omosami gonauve nune . ²⁵ Yesu Mesia laminela'a gei lukou minelive. Lamineve.