¹ Neni mona gizo pave Jon luhuwo gizehulo naku none lamine Gaius takanuve. Neza mulune u lamine gelege tu wone nane. ² Akunone lamine ve, numuna nologetuve geza muki netaku mine lamine ilini kumu. ³ Neza nolize napa lamine izuve leza zuhote iki gei monowa lamine kumu lane. ⁴ Nolize izuwone nene, nolize ma'a izeka uwone mamine oko nomive. Zigipe hane zuho monowa lamine lisihito niwa kumu. ⁵ Zogone lamine ,geza gonakamu muluko lamine emeka nane. Akunoka uwokagesi , ito gevena ma'asi wowa niku. ⁶ Gevenalite gei monowa lamine nomolane liki lave, mona numuku.Gevena ma'a muluko keme nike to lisihi oke toka nane Geza monowa lamine lisihi moloka nane vegena ma'a Omosa Anutu u muhele noi akawalo. ⁷ Nanemu Omosa napa ulizeto wane ineta ma lamine Zuta wena vemoha nize manelitine tiki tiki wama ve. ⁸ Nene mine oka wokosa lezasi amine mine monowa molalone. Wena wemoha ma'a lo te oka wokosa lezasi Omosa limine gonauve lisihi mine lone. ⁹ Neza luhuwo gize hulo wena wemoha mona nuku uwone neiha Diotrepas eza'a hamo wogoi olosa gele ake luhowo gizuwone tamive . Te oka wokosa neza woko nikelo gamena ei mono wala muki nikelone, ito gamoze muki golesa noline,leli kumu amine monowa nene gatuno amize.Te oka wokosa, naku note ma kelemize lamine amive. Ito akawa hizewo liowo noike ito gevena ma'a te kelemize milalisa ane, kimisele hulokave mona numu kuti. Zogone lamine, geza monowa golesalo emeta mozo,teo noize monowa lamine taka emetezo.Vegena monowa lamine emeteka noine, ei nene Omosa mine neive,monowa lamine molosa mine nene Omosa emeta mive noive. ¹² Mona vegena mukilite gamoze lamine Demetrius kumu lawe , Omosami gonauve lamine neive. Ezasi mona monowa lamineku noive. Lezasi nikuine lamine gihileve. Te oka vokosa leli gamoze ma lamine gihile neive. Neza gamoze wai gizehulo geitaka olona neiha, muki gamoze gize hulo molona okave . Te o noiha neza gane gelenu vone nene gei nikege talo gamena alitekave , goka vekau nike mineko gamoze logemelove . Omosa Anutu zouwa si minilizo, uwoka gete holiseve niligitave. Nezasi holiseve loko noluze, hamo hamo akunone nenesi lokemezo.