¹ Nagevah Polinaeh, Isun-dah mono kamana urikenah Anutu aumah vatakah utanah tanadiye Timotih taganan dokeh. ² Tasigevah mah kamana kaemah eisah komepah Anutu tu-andondoh kah Anutu tavarembah andarah puritah kiyeh tandah paru-enah waikiye. ³ Tagevah Anutu tavarembah aisah nunamuh uneh. ⁴ Tagevah tamatitih enavah Isu Isu Mesiyah takah kegitah vayah tivuvah kenana-vah Anutu utaridandih wawayah. ⁵ Pih yaveginah avemepah esegih napi-enah nanavi-emah Anutu mandah kumapindih yokepuritae-pah, tigevah agoh avigisaeh paitamah enah agopitae danavah esegih napi-enavah kandarah enah Anutu-vah taga tagah kamana pindih mindiye, ⁶ E-yemah tigetih kanatipah, pih ogih kmana omavah nanindah vapah avoraeh agaemah aukau-ih taverah avoravae, pavih kamasah pundiye tisiyeh kavah, tisigevah pindagavah ambah agamah arataseh Anutun-dah anda enavakah taga tagah kamana. ⁷ Pih ogih kamana-pah Epafrsih tisah agamah putae, ogih eriyah yagara reneh, agevah kah eriyah amatith yagarae. Tagepah ogimandoh tomemah Isu Mesiyah eriya-pah puritae. ⁸ Epafrasi-vah tasigepah urasih mitaeneh pih avukakeh nanavah pih Awamusah pindisa-vah. ⁹ Tageh pih kamana avitombepah kavuh gakenana-vah, tagevah kambah miyaruneh Anutu tih nunamu-mah avigah kenah nagevah tiyome-mah avimah ara-iyomah ageh aumarakah. Piyaveginah Awamusah omah tigeh tigupindih puma-mah vikiye agamah arakenahna-vah napi-enavah tigeh pindih avagitamah waikiye. ¹⁰ Tagevah piyamah nunamuneh Taverembah awamepindih nasikuneh ayaemanah vikivembepah avuvagah kiyeh piyavekinah ogih eriyah pikiveneh. Piyaveh kinah Anutu mah agamah arakiveyeh ayaemah yagavah pindanah napi-enavah tavepuvakiyeh. ¹¹ Tagevah nunamuh yompepah, tigevah esegi-enaritah asimagirih ayaemah kundaenah uriyomah, tigevah pasemandoh mimah kundaenavah pagivenoh tigevah timundanah piyomah. ¹² Tagevah nunamuh yombepah pindanah penoma-e pigoh tigevah timupumah Tavarembakah aisah otaiyoh, agevah ogih gi-andoh egaraekah tigevah ogi-enah uresindana-vah agevah utaritandih danah. Tigevah ayaemah Anutun-dah wawayah, pih wawah wah Anutu aumarah mindeneh. ¹³ Tagevah tunundanah omah amendah pindih minduneh agevah tumbah tavawutae tavawu-mah Agevah kiapindih tatatae, Agevah avugavih yagara. ¹⁴ Anutu yagara-mah tumbah ikapu-mah tawavu-mah agundaenah utagitae. ¹⁵ Masih yagara-vah anutu ogah yagara tarasa-vah kambah agakune. Agevah amaruh yagarae Anutu ayaemah enah pumarah taheneh. ¹⁶ Agetasah ayaemah enah avoratae, ayaemah enah mandarisah enah mamavi-sah enah, ayaemah enah putipah agenda-e. Eraneh kiniyoh anoyambuh yagarayoh gamaniyoh taveh agih windih kinanoh. ¹⁷ Agevah amaru-enah mindanah avoratae, ayaemah enah atokaemah nanagih putaeh. ¹⁸ Mono namapah Isu auneh Isu-vah mono namah anoyambuye. Agevah mono namah omandah agowaneh Agevah amaruh purindah pisawa-pah asitae pigoh Isu-vah mono namatasah anoyambu-yeh Agevah amaruh maruh amburitae. ¹⁹ Piyah putaginah Anutu-vah amuputae piyah peginah ayaemah auma-vah agendae, ayaemah a-umavah Isu pindih windiye, ²⁰ pigoh yagara-vah ayaema enah putaeh masih yagara wambah kurata-sah takae yaverah, ugah ayaema-ena mandarih windiyoh mamavih windiyoh. ²¹ Pigoh tigevah, kayaga-vah Anutu pagasa-rah vitaeh napi-enah pindih kamah potatae kaogi-enah tigeh putaen danagah. ²² Pigoh Ivawah Anutu-vah tagegeh kah andavariyeh Isu aumah purih tahidana-mah, taveraweh mandoh mi-iyomah putaeh, agevah agegih vo-enavah kambae Anutu orivah, ²³ pigoh kakeh mevepumah timatitih pikive-pah piyavumah girih esegih marah asimah esegiviyoh tigepindih Anutu kamana windiyeh, piyah viyemah kamana-kah avekah, piyah viyemah kamanapah piyah urimiyeh ayaemanah enavah Anutu putaemah mandah omah amendah pindih, pih ogih kamana-pah, nagevah Polinae, Anutun-dah eriyah yagara naeh. ²⁴ Ivawah Poli-vah, nagevah tigendah tiharisih enah urikenah naundepah Isun-dah kundaenah kawindah yagara-mah orah. ²⁵ Mono namandah eriyah kinandae nanah eriyah Anutu poikivi-pah egamah pukuveh tiyome-mah Anutu kamana nagarih kamana neh. ²⁶ Kamana-pah kakamah witineh, pih kamana-pah paitaka-yah waitineh yagara-reh taanuh gitaneh, pih kamaneh agevah tutah avoratae keveyah agundaenah kavinda-nah yagara-mah orah. ²⁷ Pih tuandondo-vah ogi-enavayah Anutu agakenae pigoh ayaemah wawayah ayaemah auka-ih mindeh kinambindah, pigoh Isu-vah tigegeh mindiye-mah esegih napi-enavah Isu-vah tave-eh tigevah ogi-enavah mandah kumapindi-sahurikivene. ²⁸ Pipah ke-emah umah arombepah, tagevah umah arombe-pah kamana-pah ayaemah kinakah umah arombe-pah, tagevah ayaemah posendah enah pu-uyah kombeh ayaemah kinah pigoh tagevah ayaemah wawah ivameteh tavarembah orih kanombepah igevah agundae-nah Isu pindih kavikiye. ²⁹ Nagevah eriya-pah pumagih esegih eriyah puveh nanavi-emah Isu esegih enah namikiye.