¹ Ivah mah tagenda tavere Isu mesaiyah toh tumikivi tagevah pavuma agegeh mikunombe, tagevah tivigauneh taganah. ² piyavekinah tigevah ah kunda tivenoh, tinda asimah ah karuvoh kah awamusah kavah, kah kamana kavah, oh kah awaenah tigeh tagekah tigetih maroh isaga-emah, pipah arah-enah avoraeh Isu kanakenah kanawapah ago kanagasaeh. ³ Ha atagana kawinavah kambaripa ugagasano. Nanaviyemah, piyaga vah aindi avorakiye waya wawah kamana akayumah Anutu igama enah potaeh, amoh yagarah vah paguta mekanakiye, piya yagaravah agevah mamavih pagivuwamah kunda enah urikiye. ⁴ piyagaravah age kevaya igagipamah agewah inata asaga-umah Anutu kamana tasah akedanah pundanah Anutu ti mono danah veh kinake. Piya pikana, agevah Anutunda mono namapindi mesuimah ayamah ginah kavah oimikieh nagenepah Anutu naeh ikieh. ⁵ Kagevah napienah ,nagevah tigege mitoh yagavah, nagevah pindanagah vah urimitoh nah? ⁶ Ivavah, ago agagasae nanaomavayah agepah akuniemah, agewah kanatah, agawah pagutah kanakiye. ⁷ Nanaviyemah, pih kakamah pugaindah kamanah akakayunah enavah ago avorataineh, kayagarah kevayah age akunitaeh ivawamah piyagah agaruvatakive. ⁸ Aindi, kamanah akayukenavah pagutah kanakiveh, tave Isu vah awamuwa pindisah pondaomah egukiyeh. Taveremba vah toh kanakiviyaga vah ambah asore potakiyeh. ⁹ Kamanah akayukenah yagarah mekanakivi yagavah, agewah keh yagaramatisah aumeyandah enavah urikieh esegienawah, araenah wakeh kambari eriyah, ¹⁰ ayamah kambarienah yagah pumaminda enavah kambah tagane, pindanavah kegivayah mamavi puwakiveh kinatah avorakiye, nanaviemah, igevah kambah egaraeh iyumah urikenah kamanakavah. ¹¹ Pih agorakah Anutuvah aisagakieh kah eriyah kaogienawah windah pigo igevah imatiti pikive-eh pih kambarienagah. ¹² pinah ago omandah pumarandah enawapah piyambaneh, ayamavah kamana ajikikenah yagavah asikuneh. Pipah kambah taga kamanakavah imatiti putaine, hegevah taverah imupumah kaharaga enagevah putaeh. ¹³ Ayamah yagavah tageveh isah kamana Anututi oitanoiye tigekah, nanatavarah, tigeh kegivayah oyafaremba vah avuwaeh. Nanaviye mah, Anutu age agoh utamarataeh tigekah amaru pumaminda enah toh tivavikena, awamusa pindi ogimah esegimah mindanah tagah kamana kamatiti poh. ¹⁴ Taveremba vah piki-isah tigekavah kega-eh hutae Isu ogi mono kamana omah tageka kega-eh iye, tigevah Isu mesaiyanda esegi enawah urikiveye. ¹⁵ Piyavikanah, nanatavarah, esegimah asimagina hayakuro agamah posenda enah tageh puriyakitombe kamanah keh awaenah rekeh. ¹⁶ Ivabah taveremba vah Isu mesaiyah agewah , taverembah Anutu age tagekah avuwaginah tamiye aumah ogimah miyavamiyavah puwakenah ogienah tagevah urikuneh aindi kagoya enah vindisah. ¹⁷ Ogimah mimah kagevah kanda yokepoh ayamah ogi eriyanah Anutu kamana wanah.