¹ Nagevah Pita naeh, Isun-dah eriyah kinandae, kah posendah yagara utamaratae. Nagevah mah kamanapah tegetih isagauwe kegah Isukah kamatitih pikivempeh kavah tagevah kamasa pumah posendah kinapah Isu kah tamatitih puneh. Kagegeh nagegehpah kamasah tamatitih puneh Anutun-dah ogih napi-en keh Isu tageh tavavikenah yagarae. ² Agusaena vakeh andarah paruena vakeh tasige pindih avoramah tave-enavikiye Anutu taveh napiena vapindih Isu taverene-e. ³ Anutu vah ayaema enavah napopen dana-vah ago tamiye, pigoh tageh ogimimah ogih taumah umamikenah Anutu napi-ena-e, keh tagepah utamah taveh agigeh esegi-enavakeh . ⁴ mandagah pindana yagah agevah tamitae, amaruh enavakeh utamarae, piyaveginah ava-atando ogi-enavah urikivene piyave kinah kagevah mamavindisah kaogienah avoripah kaogih napi-ena vindisah avora-e. ⁵ Nanavi-emah, amarusah enavah kamatitih enah poyakoh ogih napi-enah kageh kandah poyagoh. ⁶ piyagah ogih napi-enah yagah, kagevah kaumagandah kah kauyagah kauh umah awaeh vuriteh woh, kagevah kayarisi-enah pigoh kayarisi-enah, kagevah taga-enah manah poh Anutun-dah; ⁷ Anutun-dah yokegeh napi-enah yagah, kagevah tasinatah varavah ogi-enah potaeyoh tovinapah ogi-enah potandarah tasigah varah-vah ogih poyaiyoh. ⁸ Pigoh pindanah kagetih vindah kinapah tave-enah kagetih pekana-pah, kagevah ugavah kamikivene piyavih kivipah okaenah nanindah avorah kiveneh taveramba-pah Isu Mesiyah agakivene. ⁹ Pigoh kegavayah ayaemanah kavindah kivi-pah, agevah kamba agakiye, nanavi-enah orikaneh napi-enavah agoh asuva-uwaeh Isu-vah akunda-enavapah agoh u-agasae. ¹⁰ Piyaveginah nagavarah, amaruh napi-enah pukivembe-pah piyamaneh, kagevah ogimah avoh Anutu gambah kegahe ukivipah agevah agoh utagatan diyeh eriyah yagara ka-emah, pigoh piyavuh kivembepah kambah wareh kiveneh. ¹¹ Pih ki-ih, ogaenara-kah kaverapah kaumah omanda-nah windiyeh ayaemah yagah miyavah miyavah enavah mandah kumatih windiyeh kevayah tavah wikenah yagara-vah Isu Mesiya-e. ¹² Piyavikah nagevah ayaemah yagavah yokepukuve ayaemah kinapah wimikuve, kambae kagevah agoh agandaneh kamba-e kagevah tagah kamana pindih mindaneh. ¹³ Pipah kanaraneh piyambah napuwe, nagevah amanah namapindih mindah kanah, pindanagah kapageh pekinah ugamekinah pindanagah napiyoh. ¹⁴ Nanavi-emah nagevah agaroh puvah kuweh, nanavi-emah taverembah Isu Mesiyah purakiyeh. ¹⁵ Piyah veginah, nagevah ayaemah esegi-enah nepah maisa-pih kaitauweh, pigoh pureh kanapah napiyoh. ¹⁶ Tagevah mono kamana urite wombeh kinambi tavah piyah ugamuneh, Taverembah Isu Mesiyah esegi-enah urindiye kayagavah tumikiyeh. Tagevah ugah kamanapah kambah uneh tageh napi-enah retasavah. Kamba-e. Tageh yompepah toretasah agauneh Isu Mesiyah agaombepah esegih enah urindiyeh. ¹⁷ Anutu, Tavereh tavaremba-e, taveh igih amitae Anutun-dah taveh kani-omah asagah kokindeh ginah piyah iyeh, "Mevipeh Nageh yagarae iyeh, navurah kayah navugae; nageh navurah kayah navugae." ¹⁸ Tageh avombe-pah Anutu-vah piyah uyeh, Isu Mesiya geh paruh amutih asumin daganah. ¹⁹ Tagevah onah kinambih kaemaran dekah tamah titih puneh Isu Mesiya paita kah. Nanah kamana payah kaemaran depah esegimah upewewoh nanavi-emah kaneh omah ivasa-enah tamiyeh tunundah navindih miyeh kinah iyopikenae igevah agateh ginih wakive. Pih kani-pah tamami-mah avorakiyeh avayasah nori-omah tindah vindisah asikiyeh. ²⁰ Ayaema namah avovorih, kagevah agaoh onah kamana kah kavinah pisah naoi-ena visah avorah viyeh. ²¹ Nanavi-emah, kah yagaramah aumavisah onah kamana-pah kambah avorah viyeh wasana-mah utaeh. Kambae. Kegivayah Anutun-dah Awamusa-omah awitah kivipah, pih kinapah Awamuh omah asitah viyeh Anutu kamana vimikenah. Piyaveginah Anutun-dah Awamusah omah tageh tauma-vah topiyeh aga-iyomah Anutu kamana.