¹ Anoyambu yagara-ma awaena kaema imatiti kinah-ti eisagaitae, yagara wige, kegavaya taga kamana-ka kavuwae nagenepa kambae, piyavipa ayeama taga kamana-pa avinduwe. ² Nana taga kamana tagepindi windiye pigo tagege ayaema yaga viyaga pikiye. ³ Andara enaeh, andara puma-ge andara paru-ena tagege waikiye, Anutu Tavaremba Isu Mesiya Anutu yagarae pipindi ogih avame pindi wasana kavu kakenanah. ⁴ Nagevah namundanah puwe nagevah kaisa yagaran dondo agu yosagauwe tagah kamana pindi wakenaga, piyamba tagevah Anutun-da puwaya kamana-vah urune. ⁵ Ivawa namupu gatuwe kagekavah, wayapa puwaya kamana kanda-ma windiye tagevah ka-andoge towindoge tasivu gano. ⁶ Pih Anutu avuwandaena tagevah piyamba wakune tagevah Anutun-da puwaya kamana egama wakune. Pih puwaya kamana paih avitambe piya-emah ageti voh. ⁷ Piyama ayaema kambari onah kinah ayaema aukai watae, piya-ema kamba umah aratae piyama Isu Mesiya-va Anutun-da yagara-va kanataema. Pih kinapa kambari onah kina-ne. ⁸ Tige titih aga-iyo, tigevah ah tigekuvapiyo pindana eriya pikivendana-va, piyapa ayaema amudana urikiveye. ⁹ Kegivaya paitama wa-epa kegivaya asima posenda kamana pindi esegima, pih yagara-va agevah avawambawe yagara vape mindiye. ¹⁰ Kah yagara-ma kageti kanakivi-pa posenda kamana kamba u-urite kanakivi-pa, ag avamete nakapindi iyo ah ayavene ah otoh. ¹¹ Kavinando kegavaya ayavene otakivipa. Agevenape pavih danah pih otaeh. ¹² Nagevah okaena enah tigeti kaima isagakena, piyavipa isapipa kamba kaima isagau kuwe irurugu kenah asa kambae. Piyavi-ka napiyo-ka kanakuwe. ¹³ Namana-ma yakarandondo ageh utatao, igeh ogih yagae ugata kiviye.