¹ Pigoh, naganah tigetih isah kaenah kambae pitakavah Taveremba-vah pavigoh kanakiye tokanae. ² Napi-emah, tigetitih agokasah piyama ka-ah kukina atamah piyama kuyagara kanasuma kanakiye. ³ Piyama wasana-mi utaeh," ayaemana ugah windiye kaena-vah kamba asore putiye, pigo pindaga-vah, tave kundi-enah igeta-pa kanakiye. Pih kanata-pa tanogih yagara-enah pekanah pisapu-ma piyah iyarisu keve kavindiye pigondo-enah kana kiritah. ⁴ Tige nagando naokitawah tunundana vindih kamita tigepah ka-a kuyara katamah age yagara gamba kanakivi tige-e. ⁵ Tigevah kaneoma yagara ewasanarih mitae pikana-tapa. Tunuenah mandave asenao mantave ageh yagara kamba mintuseh. ⁶ Piyavi-ema tokinambi wesapuma amindapindi miyoma ikevah asekamba iwetami. Tagevah ogima mimah evapuma miyesoh wasana-mah oginapi-enah pumah misapumah misoh. ⁷ Nanavi-emah, kegiva-ya imendamiye, igevah asekawe yesapuma. ⁸ Tagevah pitagavah awaewena-rah mikune, ayaema yagavah oginapi-enavah mikune, tagevah ogitutasana-ne tamatiti-enah pureno. Wasana-ka kavuwakena-vah agatamah pureso tasinomupi pureso Tavereh pigoh kanama amba tasiva pikiye. ⁹ Nanavi-emah, Anutu-vah kamba utaratae amondanah urikenah kavah, piyaveginah Taverembake Isu Mesiya tumba tavavikiye. ¹⁰ Agendo tagetaka tumba puritae, piya vikata tauma umah agege mikune, taumah umah minda kunompe ago puwanda kunombe. ¹¹ Piyaviganah kakakina kawuwano, esegih potoh amatiti-ena, kamasa puma kagekanda pempesa puma. ¹² Tagevah tivugune, taganagi tukah tivigune, tigevah kekivah tivakapi mimah tave eriya pikivi-ka mavokiyo, tigepindih, tave yagara-ma eriya kinah wapamite. ¹³ Pitapa, tagevah tivigaune pikina ogimah igaiyoma, avuwah kenae oma pindiva, nanavi-ema, igevah eriya pute-ene. Tigevah aivaka pipah tinda paru-enavah wiyeno. ¹⁴ Tagevah esegih kamana urimune tige tanata varagah: Kegitavaya kaogima minde kinapa, ege-ena potaiyoma imatiti-enah vindiyo ipindi kaogienah punda kivipa, iyopiyo kegiva-ya esegienah kegivayah kamba urinda kivekinapa kaogi-enah potaiyo ayaema kinapa. ¹⁵ Tigevah akama kaogi-enah potaki bembe-pa agevah kamba ogi-enah pukatakiye. Tigevah agama ogi-enah pindana-vah puitaiyo kagenape tonapih ayaema kinah yagavah ogi-enapoto. ¹⁶ Tigevah timundanah ayaema yagavah. ¹⁷ Nunamu ayaema yagayo. ¹⁸ Ayaema enavah Anutu kah aisah otayo, nanavi-ema pindana-va Anutu aumarakae tigevah Isu Mesiya pindi peneh. ¹⁹ Awamusa omah eriya-pa agano. ²⁰ Onakinambi kamana-pa agaitae. ²¹ Agamah akimah ogivikivih upevevo. ²² Kaogi-ena vindisa atate pagasara ewasana-rih miyo. ²³ Anutu-va andaparuh yagara kanah kawaena-ma arataka puratatae kiye. Kaogih awamusa-pa taupah ugaweye kinah Isu Mesiya kanakivi-pa ayogi-enavamba tavavikiye ayogima mikusome kavah, arataka puma mikunombe kavah. ²⁴ Kevaya ke-egae yagara-ma yokepuma miye ayaema yagah pindana-va ugapuma avorakiye. ²⁵ Taganah, nunamu-enah purataeyo. ²⁶ Ayogi-enah ayaema tagando poitano kanara-ena. ²⁷ Nagevah tiviguwe, Taveremba agerah, tigevah ma isapa isumah tagando-viki vimiyo. ²⁸ Isu Mesiya Tave yagara manda andara-enae tigege vikiye.