¹ Nagandoh nanandoh, tageh kanomben danavah ogi-enarakah yaneh. ² Tigevah tagepah agoh agandae, tagevah taveh kundaenah esegavune Filipai kinakah taninda-nah vuneh. Piyavipah Anutu age-eriyavah tamiye kamana-vah wimikune nombekah pih kundaenah tigeh pindih. ³ Esegih kamana tigepah urimune pih kamana-pah kaogi-enah vapah kavindiye, agoh wapah kambah araketah pundiye. ⁴ Anutu-vah tageh utaratan diyeh tamatitih enavah piyah viyeh tagevah ogih kamana-pah ugah urimukune, piyaveh ginah makamana-pah urimune. Tagevah pih kamana-pah peviyoh kah urimune. kambae, tagevah Anutu-kah timupiyo-mah urimune. Nanavi-emah Agekah kandavindive napi-enagah pindive agekah kagakiye. ⁵ Tigevah agoh agagasae, kambah kayaga-vah kambarih kamana ka-une tisiwasi-mah pindanah urikenavah ka-une, tagevah ogih kamana ka-une tigendaena-gah tavumah miyetih urikenah ka-une. kambae, Anutu-vah ayaemah pepah agaeh. ⁶ Tagerah tasih enah piyoh-marah ka-une. Tagevah Isun-dah eriyah kinatae piyave gitah tigeti-sah kaesanah ureno-vah ka-une. ⁷ Piyavipah tigeh tivakapih mikune kamasa-pah pumah inogih yagara-vih evavuh vitae sapumah. ⁸ Pih ki-isah, tagevah tigekah taviye tamutisah Anutun-dah ogih kamanpah urimune, piyavipah tagege-vah tauare-pah amukune. Nanvi-emah, tigevah tagetakah puwaeh. ⁹ Nagavah ragitah, tigevah napiyoh tageh tave eriyah pompeh gavah, tagevah kundaena ripah kambah timukune. Piyah gavah, tagevah Anutun-dah ogih kamana wapah urimune. ¹⁰ Anutu-geh tigege agakive, tagevah akunindah enah agovah egarakune pigoh taga tagah ki-egamah kaogih kah egarakune. ¹¹ Kamasah kih tigeri-pah agakive pigoh tageh pombedana-vah agamah arakiveye tigevah kakapah avavambah pisah pumah yagara-vah. ¹² Tagevah tigepah esegih puritaune tindah aseoh vurita-mah Anutu-tih wakenah avugaeh, nanavi-emah, Agevapah kega-eye tigekah kumavah pindih erasa-enah vapindih. ¹³ Piyah veginah pinah agovakah tagevah Anutu kavah aisah atanoh, nanavi-emah, pindaga-vah Anutu kamana urikevepah tagevah umah aratimune, tagevah wasana mikamana-pah ka-urune. Kambae, tagevah Antu kamana-kah urukunr, nanavi-emah, pih kamana-pah tigeh tivakapih timatitih kinambih tih eriyah pikiye. ¹⁴ Piyaveginah nagakava-gih tavah mono namah omandaena egarayoh Isu pindih moh Judiyari. Nanvvi-emah, tigevah tiyarisi enavah tigetu takavah uriyo piyamah Juda kinambi uresapu-mah. ¹⁵ Juda tuandondo Isu Taveremba egutane Anutun-dah onah kinapa egutane. Igega tagaru-mah ave-ih tagaitane. Igevah Anutu kavah kamba imupene, kambae, nanavi-emah igeh kundaena wayah wawah imikenagah peye. ¹⁶ Toginambi-geh kamana ikenavah nokaemah akutatatan-dae, nanavi-emah, igege imah urisanaga-vah, piyaveginah agundaena vipah kaogih naninda kanda puwae. Agundena anawapah avovorah atuvatih igetah tumikiye. ¹⁷ Tagevah tagah karagih tipa pagasarah mikune, piyavipah tandah paru-enavah tigege vikiye. Tandavah asivaeh tagevah tavuwae tige tigekenah. ¹⁸ Tagevah taverakah tavugae tigekah kanakena. Nageh nepah Poli naeh, tigetih kanakena gavah navugipi-yo keh yagara mavah tageh kavah keh akuniye. ¹⁹ Tagevah e-indi urukunombe danaga-vah, amupiye, anoku umah taveh agih urikenaga-vah toipah tagevah Anutu kanaki vindaga-kah urukune? Tige yagah towinagih imatitih kinah yagah urukune? ²⁰ Tigeta-kah namutisah tave nagih uruve.