¹ Tige yagaraginu ,makamana kaiyopa ogure-enavah kamba vikivembe kae.Piyavipiyo kavinah magah ogure-enah pikivembah,pigo-emah tavarembati kah avaka yagarava Isu mesia ,kavanah yagara. ² Isu vah agewa purike nawah amitatae tagetaka egina Anutu vah totava buriteh nomah piyavipiyo tage tasapah kambae.Kagapah ayaemah ginamite takae mavindisah . ³ Pinago rakavah ageti kanune.Mokana wae kamana aegarah kunombe kavah. ⁴ Kawinah undanah '' Anutu pah aganduve ikivipah'',pigoe agewah Anutu indah wae kamana wapah kambah aegarae,kambari yagara gana tagah kamanapa agepindi kambawindi-e. ⁵ Piyavipiyo kevayah Anutu kamana aegarah kivikavah,pigo Anutu geh agomin dusemah napikuse. ⁶ Memi kavinah undanah Anutu geh atokaevah ukue ikivikavah pigoya Isu nasitisah pumah nasenoh. ⁷ Aviyoh,kasavah kamanapah kambah kaeweh tigetivah,mopaisah agoh avitambe wakamana kaewe.Paisah wakamana nemah moh ago avitambe kamana. ⁸ Ivavah kasawa kamana kaewe kageti,pipah taganema Mesaiya kekage pindige,pipah anaviemah tunu enahwa atagasah ginah tagah kane toro ambah aewasah pu-aeh. ⁹ Kevaya kaneti ago miuemah ginah undanah agandowapah akasiah vikivi kagavah tunu-enavah vindi mikie ivandoh. ¹⁰ Kewayah agando wakawa avunda enavindi mikivi mimah kagavah kaneti mikie undanah mavindisa ka-ogure ena-omah kamba aiware-ikie agepah. ¹¹ Piyavipiyo kevayah aga-anaka aekitah puwakivi kavah tunu-enavah nasiki-e,kampanapi-enah vindi nasiki-e,kamba napi-enah omah aoraraka rikewae. ¹² Kagetkaewe,yagarandondo,anavi-emah ageraka agunda-enah ago meka gaindi-e . ¹³ Kageti kaewe,navanembah pipah ago napeneh kevaya emaginah agovike narivah.Kageti kaewe,masi mavi yagara ,pipa anaviemah kekinapa ago agitane. Kageti kaewe yagaran dondo, pipah avaviemah kavagambapah Anutu pah ago agandane. ¹⁴ Kageti kaewe,nanah viemah ago agamah yokepene amaru enavindiage-emah kageti kaewe,masi mavi yagara, anah viemah kageva esegi vundane,eginah Anutu kamana vapah kagepindi windi-e,eginah keginapah akagasane. ¹⁵ Mamah gavah hakavuvano omah mavindi sanah gavah akavuvano. Kavina gavah mamah gakavu wakivipa, Anutu dah avunda enavapah kambaviki-e agepindi . ¹⁶ Mayambah mavindisah ayaemah nagevah,kandasi wamah agama kau-kagavuama gina kamo-enah pempepah Anutu tisah kambakanae, pipah mamah vindisah awame-enah. ¹⁷ Mamah vindisah ogure enavah pakivikie agorah. Piyavipiyo wasanami Anutu aegarah kive kagavah miyavah mikiveye. ¹⁸ Yagara nembah giyo,kanapa agoh wakarasae . Kamasah pumah avitambe kambari isu vah kanakiye,ivavah okenah kambari isuvah kanae.Pinago rakavah ago wakarah sawaemah agune. ¹⁹ Tage pindisawae, piyavipiyo tage pindisa kinapah kambae. Igevah tatate watepah, pitasikipah tage kinapah kambah mindae. ²⁰ Pipah tigevah Anutu tisah awamusah yagarah ago-ureye, umagiri tagah kamanapah ago agandae. ²¹ Ma-isah kaeyopah tigekavah taga kamanapah kah agandae mayah kaewe. Piyavipiyo kambari enawapah tagandana vindivah kambawikiye. ²² Kambari yagarah mavah undana Isukavah Anutu yagarah yanemaiye ? piyagara Isundah kama yagarah, piyavi kanah Anutu-ndah geh Isundah gehisagavah kambaripah kambah umah yokepie. ²³ Kawinah gavah kambaripah kambah uh-agai kivene yagaravah kagava kandarena yagara wati pikivembepa awambah kagepah agunda enavah ukagakie. ²⁴ Mokageh gapindovah, anamah vayah avitambe agovimah ginah kage kapindido wieno. Anaevaya avitaki vembeh kagekapi wikivi kamah pumah Isu pindi geh Anutu pindi mikivene. ²⁵ Pipah tagah kamana watamitae miyavah tavah musah mekuno-embekaga. ²⁶ Nageh esagi purita kenah awa-enavah kaewe, igaru wasanami timatiti enah asorea pusanagavah Isu pindisah. ²⁷ Tige tindavah, age tisah avamusah uritambepah ugah wienomah kavamusah pindi. Ekinaka winah kavaposendah enavah apugayake nomah.Tige tiguh pindiago mindiye , piyavika wasana kovakambah pugaya kienavikie. Pipah awamusah yagara omah posendah enapugaya kiye araketa pumah aogi-enah undanah kambaripah enah pugarah kiye. ²⁸ Piyaviga yakaran dondovah,Isu pindi atokae maginah tageva kamba tanipumah esegipukune agemeh kanakivipah. ²⁹ Kanara yagarah emah napinda napinda, kageva agamahaetomah ayaemah ginami pendanavah parutu-pipahIsu pindi avoratae.