¹ Bikpela dei bilong God Yawe i kam nau na bai ol i skelim ol samting namel long ol yet, wanem ol i bin stilim bilong yupela. ² Em i olsem, bai mi bungim ol manmeri long olgeta hap i kam na bai ol i pait long biktaun Jerusalem na bai bagarapim ol haus na mekim pasin nogut long ol meri. Na kisim ol i go kalabus, tasol sampela bilong ol bai ino inap pinis olgeta. ³ Tasol God Yawe bai i go pait wantaim ol dispela lain manmeri na i pait wantaim ol olsem em i save pait long dei bilong bikpela pait. ⁴ Long dispela dei tupela lek bilong em bai i sanap long Maunten Oliv na i stap long sait bilong Jerusalem long hap san i kamap. Maunten Oliv bai i bruk namel long hap san i kam antap na hap san igo daun na bai bikpela ples daun i kamap, Orait hap maunten bai i go bek long not na hap bai igo long saut. ⁵ Olsem na bai yu ranawe long ples daun long tupela maunten bilong God Yawe na bihainim dispela ples daun i go long ples Asel. Yu bai i ranawe olsem yu bin ranawe long graun guria olsem long taim bilong Osia king bilong ol Juda. Na God Yawe em God bilong mi bai i kam na ol stretpela manmeri bai i kam wantaim em. ⁶ Long dispela dei bai i no gat lait, tasol bai i no gat kol na i no gat liklik wara bilong nait tu. ⁷ God Yawe tasol i save long dispela dei, bai i no gat dei na nait, avinun tasol bai lait i kamap . ⁸ Long dispela taim bai ol wara i gat laip bai i kam aut long Jerusalem. Hap bilong en bai i go long solwara long hap san i kamap na narapela i go long solwara bilong hap san igo daun, em bai i kamap long taim bilong san na ren. ⁹ Long dispela taim God Yawe bai i stap king long olgeta hap graun. Dispela taim bai Yawe tasol i stap, wanpela God tasol, na wanpela nem bilong em tasol. ¹⁰ Olgeta graun bai i kamap olsem Araba, long Geba i go long Rimon em saut long Jerusalem. Jerusalem bai i sanap na i stap yet long ples bilong em yet, long dua bilong Benjamin na i go long namba wan dua na i go long Kona Dua na long Tawa bilong Hananel i go long ples king i save krungutim wain. ¹¹ Bai ol manmeri i stap gut long Jerusalem na bai hevi bilong bagarapim ol olgeta bai ino inap kamap long ol long God gen. Jerusalem bai i stap orait. ¹² Em bai i hevi olsem God Yawe bai i pait long ol manmeri long narapela hap i laik kam pait long Jerusalem. Em i olsem, ol bai i sanap yet long lek na bai mit bilong ol i sting. Ai bilong ol bai sting na ol tang bilong ol tu bai i sting insait long maus. ¹³ Long dispela taim bai i gat bikpela pret long God Yawe i kamap namel long ol. Wanwan bai i holim han bilong narapela na bai han bilong narapela i go antap long han bilong narapela. ¹⁴ Juda tu bai i pait wantaim ol Jerusalem. Ol bai i bungim ol gutpela samting long ol kantri i stap klostu long en, olsem gol, silva na ol gutpela klos i planti tumas. ¹⁵ Ol hevi bai kamap long ol bikpela hos, ol pikinini hos, ol kemol, ol donki na olgeta narapela animol i stap long ol dispela kemp bai i kisim wankain hevi. ¹⁶ Em bai i kamap olsem olgeta dispela lain kantri i laik i kam pait long Jerusalem, abrus long en olgeta yia bai ol i go long lotuim King, God Yawe i gat olgeta strong long bikpela dei bilong bung long haus bung. ¹⁷ Em bai i kamap olsem sapos wanpela insait long ol narapela kantri i no go long Jerusalem long lotuim King, God Yawe, em bai God Yawe ino inap givim ren long ol. ¹⁸ Ol lain manmeri long Isip ino inap go insait long Jerusalem, God Yawe bai i larim ol i kisim hevi. Ol manmeri ino inap i go antap long bikpela bung bilong stap long haus bung. ¹⁹ Dispela bai i kamap olsem pei nogut bilong Isip na ol narapela lain kantri ino inap go long bikpela bung bilong i stap long haus bung. ²⁰ Tasol long dispela dei ol tok ol i raitim long belo i hangamap long nek bilong ol hos i tok olsem, "Stap narakain i go long God Yawe," na ol dis i stap long haus bilong God Yawe bai i olsem ol dis i stap long alta. ²¹ Olgeta sospen i stap long Jerusalem na Juda bai i stap holi i go long God Yawe na olgeta husat manmeri i kisim ofa i kam bai i kaikai na dring long en. I no longpela taim na ol bisnis lain bai i stap long haus bilong God Yawe.