¹ God Yawe i tingting long ol Israel na i tok klia olsem em i putim skai na mekim as pos bilong graun, husat i mekim gut long spirit bilong man na putim insait long man. ² "Lukim, mi laik mekim Jerusalem i kamap olsem kap bilong kirapim ol manmeri i stap klostu long dispela hap bai ol i no inap long ranawe. Na tu wankain samting bai i kamap long Juda insait long dispela bagarap i kamap long Jerusalem. ³ Long dispela dei, mi bai mekim Jerusalem olsem hevipela ston long olgeta manmeri. Husat i traim long apim dispela ston, em bai i hevi tumas long em. Na olgeta lain manmeri long kantri bai bung na birua long dispela biktaun. ⁴ Long dispela dei, God Yawe i tokaut klia olsem, Mi bai mekim tingting bilong ol hos i paul nambaut na ol man bilong sindaun long hos i belhat. Mi bai opim ai bilong mi long haus bilong Juda, tasol mi bai pasim ai bilong olgeta hos bilong ol manmeri. ⁵ Orait ol lida man bilong Juda bai i toktok long bel bilong ol. Bikpela God Yawe em i God bilong mipela, olsem na ol samting bilong Jerusalem i kamap strong bilong mipela. ⁶ Long dispela dei, mi bai mekim ol lida bilong Juda i stap olsem pot i stap namel long paia, olsem lait bilong tos i sanap namel long wit long ol bai daunim olgeta manmeri long han kais na han sut. Na Jerusalem bai i stap gut long ples bilong em yet. ⁷ God Yawe bai i helpim ol haus sel bilong ol Juda pastaim, orait na biknem long haus bilong Devit na biknem bilong ol lain husat i save i stap insait long Jerusalem bai i no inap bikpela long olgeta Juda. ⁸ Long dispela dei, God Yawe bai i kamap olsem banis bilong ol samting bilong Jerusalem. Orait long dispela dei, ol lain husat i nogat strong namel long ol bai i kamap olsem Devit. Orait haus bilong Devit bai i kamap olsem God. Olsem ensel bilong God Yawe i stap long ai bilong ol. ⁹ Long dispela dei mi bai stat long bagarapim olgeta kantri ol i save birua long Jerusalem. ¹⁰ Tasol mi bai kapsaitim spirit bilong bel sori long haus bilong Devit na olgeta samting bilong Jerusalem, ol bai lukluk long mi olsem man ol i bin katim em. Ol bai sori long mi olsem man i sori long wanpela pikinini man bilong ol. Ol bai singaut na krai long mi olsem ol i singaut na krai long ol namba wan pikinini man bilong ol. ¹¹ Long dispela dei, bikpela sori na krai long Jerusalem bai i olsem sori na krai bilong Adad Rimon long ples Mekido. ¹² Graun bai i stap long sori, wanwan lain tumbuna bai lusim ol arapela lain tumbuna. Ol lain tumbuna long haus bilong Devit bai i stap ol yet na ol meri bilong ol bai i stap ol yet long ol man bilong ol. Ol lain tumbuna long haus bilong Natan bai i stap ol yet na ol meri bilong ol bai i stap ol yet long ol man bilong ol. ¹³ Ol lain tumbuna bilong haus bilong Livai bai i stap ol yet na ol meri bilong ol bai i stap ol yet long ol man bilong ol. Ol lain tumbuna bilong Simei bai i stap ol yet na ol meri bilong ol bai i stap ol yet long ol man bilong ol. ¹⁴ Ol lain tumbuna i stap ol yet long ol narapela, wanwan lain tumbuna bai i stap ol yet na ol meri bilong ol bai i stap ol yet long ol man bilong ol."