1
Harim mi, taim mi singaut, God bilong mekim stretpela pasin.Taim mi kam long yu, givim mi ples bilong malolo. Yu marimari long mi nau na harim beten bilong mi.
2
Yupela ol manmeri, hamas taim bai yupela i daunim biknem bilong mi i kamap liklik? Hamaspela taim bai yupela i laikim ol kain kain rabis samting na bihainim ol pasin bilong giaman? Sela*.
3
Tasol yupela i mas save olsem God Yawe i save makim ol man i save bihainim laik bilong em yet. God Yawe bai i harim mi taim mi singaut long em.
4
Yupela i mas wokabaut wantaim pret, tasol yupela noken mekim sin! Tingim Bikpela long bel bilong yu taim yu slip long bet na stap isi. Sela*
5
Mekim ofa bilong paia i kukim olgeta, long stretpela pasin na putim bilip bilong yupela insait long God Yawe.
6
Planti i tok, "Husat bai i soim mipela sampela samting i gutpela?" God Yawe, larim glori long pes bilong yu i kam antap long mipela.
7
Yu bin putim amamas long bel bilong mi i winim amamas bilong ol arapela taim wit na nupela wain i kamap planti long gaden bilong ol.
8
Long bel isi bilong yu mi inap slip gut, long yu wanpela, God Yawe, yu lukautim mi na mi i stap gut.