¹ Man i ken amamas husat i no save wokabaut long tingting bilong ol man nogut o i no save wokabaut wantaim ol manmeri bilong mekim sin o sindaun wantaim ol man i save tok baksait. ² Tasol em i save amamas long lo bilong God Yawe na long dispela lo bilong em tasol em i save tingim long dei na nait. ³ Em bai i kamap olsem dispela diwai ol i planim arere long liklik han wara na i save karim ol kaikai long taim bilong en na ol lip i no save pudaun, olgeta samting em mekim bai i kamap gutpela tasol. ⁴ Ol man nogut ol i wankain olsem hap skin bilong sit kaikai i kirap tasol na win i kam na rausim i go. ⁵ Olsem na ol manmeri bilong mekim sin bai i no inap sanap long kot o ol sin manmeri bai i no inap kam bung wantaim ol stretpela manmeri. ⁶ God Yawe i tok long helpim ol stretpela manmeri, tasol pasin bilong ol man nogut bai i bagarap.