1
Gutpela tingting i mekim haus bilong em yet, em i mekim 7- pela pos long ston.
2
Em i kilim ol animol bilong em, em i tanim wain bilong em na em i stretim tebol bilong em.
3
Em i salim ol wokmeri bilong em i go aut na em i save singaut antap long het bilong biktaun i go daun,
4
"Husat em i man nating? Larim em i kam long sait!" Em i save toktok long man i nogat gutpela tingting,
5
"Kam kaikai ol kaikai bilong mi na dringim wain mi tanim pinis.
6
Lusim dispela kain pasin bilong yu long raun olsem man nating na bai yu stap, wokabaut long stretpela rot long kisim gutpela tingting.
7
Husat i laik stretim man bilong tok bilas bai kisim nem nogut na husat i laik stretim man nogut bai i kisim tok nogut.
8
Noken stretim man bilong tok bilas, bilong wanem em bai i no i nap laikim yu, stretim man i gat gutpela tingitng na em bai i laikim yu.
9
Givim i go long man i gat gutpela tingting na em bai i gat moa gutpela tingting, skulim stretpela man na em bai i pulap wantaim gutpela tingitng.
10
Pasin bilong pretim God Yawe em i stat bilong olgeta gutpela tingting na save bilong Holi pela em pasin bilong kisim gutpela tingting.
11
Long mi tasol, ol dei bilong yu bai mi surukim planti moa i go na ol yia bilong laip bilong yu bai kamap planti moa.
12
Sapos yu i gat gutpela tingting, yu gat gutpela tingting bilong yu yet na sapos yu save tok bilas, yu yet bai karim hevi."
13
Meri i nogat gutpela tingting i no save long wanpela samting, ol i no skulim em na em i no save long wanpela samting.
14
Dispela meri em i sindaun long dua bilong haus bilong em, antap long sia bilong ol ples antap bilong biktaun.
15
Em singaut i go long ol lain i wokabaut long liklik han rot bilong biktaun na long ol manmeri i wokabaut i go stret long rot.
16
" Husat man nating em i no gat nem larim sanap long hap," em i save mekim kain toktok long ol lain i nogat gutpela tingting.
17
"Wara em i stilim i swit na bred bilong ples hait em i gutpela tru."
18
Tasol em i no save long ol man i dai pinis, ol i stap long hap, ol lain em i singautim ol i kam, ol i stap long bikpela tudak bilong ples daun.