1
Gutpela save i no save singaut? Ol gutpela tingting i no save singaut bikmaus?
2
Antap long het bilong ol maunten sait long rot, ol i bung wantaim, Gutpela save i kisim graun bilong em na i sanap.
3
Long pes bilong ol dua bilong i go insait long biktaun, long rot bilong biktaun, em i singaut.
4
''Em long yupela, ol manmeri tasol, em mi singaut; dispela singaut bilong mi i bilong ol pikinini man bilong pikinini bilong ol man.
5
Yupela husat i nogat gutpela tingting, kisim skul long gutpela save na yupela husat i save mekim ol longlong pasin, yupela mas i gat gutpela tingting long het bilong yupela.
6
Harim, long wanem bai mi toktok long ol samting i gat nem, taim mi opim maus bai mi mekim ol gutpela toktok tasol.
7
Long maus bilong mi, mi save mekim ol gutpela tok na ol pasin nogut i wok long bagarapim maus bilong mi.
8
Olgeta tok i kamaut long maus bilong mi i tru, insait long em tok i no tanim o kisim man i go long rot nogut.
9
Dispela olgeta tok i stret long man husat i gat gutpela tingting i harim na bihainim, tok bilong mi em gutpela long ol lain husat i painim gutpela save.
10
Kisim gutpela tingting na bihainim wanem mi bin tokim yu em i gutpela moa long yu bihainim silva, kisim gutpela tingting na save moa long yu painim gol stret.
11
Long wanem gutpela save i winim tru gol na silva i dia tumas,nogat moni na kago i wankain olsem em.
12
''Mi, Gutpela save, mi stap wantaim pawa na mi papa bilong gutpela tingting na mi fri long mekim olgeta samting.
13
Pret long God Yawe em taim yu givim baksait long pasin nogut, mi no save laikim pasin bilong apim ol yet na tok em mi tasol, ol rot nogut, wantaim ol kainkain toktok i no stret. Mi givim baksait long dispela olgeta.
14
Mi gat gutpela stia tok na em i tok long gutpela save,Mi yet mi gutpela tingting, strong em samting bilong mi.
15
Long mi tasol na ol king i save stap oltaim na ol lidaman i save putim lo na ol i stap strong.
16
Long mi tasol na ol pikinini man bilong ol king i bosim graun, ol man i gat nem na husat ol lain i save mekim gutpela wok wantaim stretpela pasin.
17
Mi save laikim ol man husat i save laikim mi na ol lain husat i painim mi, bai ol i lukim mi.
18
Wantaim mi olgeta gutpela bilas samting na biknem i stap, samting bai i stap oltaim na gutpela stretpela pasin tu.
19
Frut bilong mi i winim gol, maski em i gutpela gol tru,kaikai i kamap long hatwok bilong mi i winim gutpela silva.
20
Mi wokabaut long rot bilong gutpela pasin, namel tru long rot i go long pasin i stret.
21
Long dispela as, mi mekim ol dispela lain husat i laikim mi tumas i ken kisim olgeta gutpela samting. Mi pulapim mani kago bilong ol.
22
God Yawe i bin wokim mi paslain, mi stap pastaim long ol arapela samting em i wokim.
23
Bipo bipo tru mi bin kamap- long nambawan taim, long stat bilong olgeta samting.
24
Taim ol bikpela solwara i no kamap yet, ol i bin karim mi- bipo long ol gutpela hap i pulap wantaim wara.
25
Bipo long ol maunten i sanap na ol gutpela graun i stap olsem, mi bin kamap.
26
Mi bin kamap paslain taim God Yawe i wokim dispela graun o ol gutpela gras, o tu ol das bilong graun.
27
Mi bin stap pinis taim em i kamapim heven, taim em i wokim mak bilong raunim antap na daun bilo.
28
Mi bin stap pinis taim em i putim ol klaut long antap na i mekim ol wara i ron long rot bilong em.
29
Mi bin stap pinis taim em i putim solwara long mak bilong em inap wara i noken abrusim mak bilong em, taim em i makim, em i bin putim antap long graun i drai.
30
Mi bin stap klostu long em, olsem man i save gut long katim piksa long ston na diwai, mi bin amamas long em inap long wanwan dei na amamas oltaim long em.
31
Mi bin i gat bikpela amamas tru antap long dispela olgeta hap graun bilong em, olsem na mi amamas long olgeta pikinini i stap long graun.
32
Ol pikinini man bilong mi, yupela harim, husat i harim tok bilong mi na i bihainim pasin bilong mi, em bai kisim planti gutpela samting.
33
Putim yau gut long ol skul tok bilong mi na kisim gutpela save, noken les long harim.
34
Wanpela man husat i harim tok bilong mi bai em i amamas. Em bai was long dua bilong mi long olgeta dei, em bai putim was arere long ol pos bilong dua bilong mi.
35
Husat man i painim mi, em i painim laip, em i painim laikim tru bilong God Yawe long laip bilong em.
36
Tasol husat i no bihainim, em i bagarapim laip bilong em yet, ol lain husat i givim baksait long mi, ol i laikim tumas dai.''