¹ Pikinini man bilong mi, stap isi na harim gutpela tingting bilong mi na wanem yu harim bai yu save, ² olsem na bai yu lainim long wokabout long rot na maus bilong yu bai lukautim tingting bilong yu. ³ Orait maus bilong meri i save mekim pasin nogut i pulap wantaim switpela kaikai na maus bilong em i gutpela tumas na winim oil, ⁴ tasol long pinis bilong en, em i winim marasin diwai ol i katim olsem bainat i sap tumas. ⁵ Lek bilong em i go daun long ples bilong dai man na traim long bihainim lek mak bilong ol. ⁶ Em i no givim gutpela tingting long rot bilong wokabout long laip. Na lek mak bilong em i go nabaut na em i no save wanem hap em i go. ⁷ Nau, pikinini man bilong mi, yu mas harim mi na yu no ken givim baksait long toktok i kam long maus bilong mi. ⁸ Lukautim wokabaut bilong yu na stap longwe long em na no ken kam klostu long dua bilong haus bilong em. ⁹ Long dispela rot bai yu i no inap givim biknem i go long ol arapela lain o yia long laip bilong yu long ol turangu manmeri, ¹⁰ ol man bilong arapela ples bai i no inap i go long bikpela kaikai bilong ol man i gat planti samting, wanem samting yu bin wokim bai i no inap i go long haus bilong ol man bilong narapela hap. ¹¹ Taim laip bilong yu i pinis, yu bai pilim pen long bodi na olgeta samting long bodi bilong yu bai i pinis. ¹² Bai yu tok olsem, "Bilong wanem mi les tru long bihainim skul tok na bel bilong mi i no laik bai ol i ken helpim mi! ¹³ Bai mi no inap bihainim tok bilong ol tisa bilong mi o bai mi yet mi harim long yau bilong mi long wanem samting tisa i tok. ¹⁴ Klostu taim tru bai mi bagarapim na pinisim olgeta man namel long ol ples insait long bikpela bung bilong ol manmeri." ¹⁵ Dring wara long baket bilong yu na dring wara i save ran long hulwara bilong yu yet. ¹⁶ Sapos ol liklik wara i pulap na kapsait long olgeta hap na ol liklik wara i ran insait long ples we ol manmeri i save raun long em? ¹⁷ Larim ol i mas stap ol yet tasol na i no bilong ol arapela lain stap wantaim yu. ¹⁸ Bai yu inap larim pasin bilong yu i kamap blesing long arapela na yu mas amamas long meri bilong yu taim yu stap yangpela yet. ¹⁹ Nau em i kamap olsem meri bilong laikim na i pulap long marimari. Larim em i givim kaikai long inapim yupela long olgeta taim na bai yupela i go yet na bai yupela i pilim amamas olsem em i laikim yupela. ²⁰ Olsem wanem long yu pikinini man bilong mi, em i laik kam autsait long pasin nogut, bilong wanem yu wari tumas long susu bilong meri bilong arapela man? ²¹ God Yawe i lukim olgeta samting ol man i save mekim na em i save lukim olgeta lek mak em i save wokabout long en. ²² Ol bai holim ol les man long ol pasin nogut bilong ol, rop bilong sin bilong em bai i holim em tait. ²³ Em bai i dai bilong wanem em i painim gutpela rot, em i kisim ol i go long rot nogut na em i mekim pasin i no stret.