¹ God Yawe i save les tru long ol skel i no stret, tasol em i save amamas tru long skelim samting long mak bilng em stret. ² Ol man i save apim nem bilong ol yet ol bai kisim sem na ol man i daunim ol yet ol bai i kisim gutpela tingting. ³ Stretpela man bai bihainim stretpela pasin tasol ol giaman man bai bagarap long pasin bilong ol yet. ⁴ Planti moni samting bai i kamap samting nating long taim bilong belhat tasol pasin bilong mekim gutpela wok bai kisim bek yu long ples bilong dai. ⁵ Stretpela pasin bilong man i no gat asua bai helpim em long wokabaut long stretpela rot tasol man nogut bai lus long pasin nogut bilong em. ⁶ God i save amamas long man i save mekim stretpela pasin na i save larim em i stap gut, tasol man husat i save mekim pasin nogut i save stap kalabus long pasin nogut bilong em. ⁷ Taim man nogut i dai, tingting bilong em i save bagarap na strong bilong dispela tingting tu i save kamap samting nating. ⁸ Stretpela man i save stap longwe long ol pasin nogut na bagarap i save pundaun antap long ol man nogut. ⁹ Wantaim maus bilong man i save mekim tok nogut i save bagarapim arapela bilong em, tasol gutpela save bilong ol stretpela manmeri bai i karamapim ol long stap gut. ¹⁰ Taim stretpela manmeri i kamap gut, biktaun i save amamas, tasol taim ol man nogut i dai, ol manmeri i save singaut na amamas. ¹¹ God i amamas long ol gutpela presen bilong ol manmeri olsem na biktaun bilong ol i kamap bikpela, tasol long maus bilong ol man nogut i save bagarapim biktaun. ¹² Man i tok nogut long wantok bilong em i nogat gutpela tingting, tasol man i gat gutpela save i pasim maus tasol na i no save mekim wanpela tok. ¹³ Husat man i save giaman raun bai i tokaut long ol hait tingting, tasol man husat i stap insait long stretpela manmeri bai hait insait long karamap bilong ol. ¹⁴ Sapos i nogat gutpela tingting bilong givim stia long wokabaut, kantri bai i pundaun, tasol sapos i gat planti man long givim gutpela tingting long gavman, orait kantri i bai stap gut. ¹⁵ Sapos wanpela man i dinau long man bilong arapela hap, em bai kism bagarap, tasol husat wanpela i no save laik givim dinau, em bai i stap gut. ¹⁶ Meri i save mekim gutpela pasin i save kisim biknem, tasol ol manmeri nogut i save laik holim pasim planti gutpela samting tasol. ¹⁷ Gutpela pasin man i save inapim em yet, tasol man bilong mekim pasin nogut bai bagarapim em yet. ¹⁸ Ol man nogut i mekim giaman tok long kisim pei bilong ol, tasol man husat i mekim stretpela pasin bai i kisim pei tru. ¹⁹ Man husat i save mekim stretpela pasin bai i stap laip, tasol man husat i save mekim pasin nogut, bai i dai. ²⁰ God Yawe i save les long ol lain husat bel bilong ol i no stap stret, tasol em i save kamap ples klia long ol lain i nogat asua. ²¹ Yumi mas save long dispela samting, ol man nogut bai i no inap long abrusim bagarap, tasol ol tumbuna lain bilong ol stretpela manmeri bai stap gut. ²² Olsem gol ring i save stap long nus bilong pik, em i gutpela meri we i no save tok baksait long ol arapela. ²³ Bel kirap bilong ol stretpela man bai i kamapim ol gutpela samting tasol ol man nogut bai kamapim bagarap tasol. ²⁴ Man husat i save givim ol samting i go long ol narapela man,em bai i gat planti samting moa tasol man husat i no save givim samting long ol narapela man, em bai kamap turangu man. ²⁵ Man bilong givim ol samting long ol narapela bai i gat planti samting na man i givim wara long narapela man, wara long haus bilong em bai i stap yet. ²⁶ Ol manmeri i save tok baksait long man i no save skelim samting, tasol gutpela toktok i save go long husat i save skelim samting. ²⁷ Man i painim gutpela pasin bai gutpela samting i kamap long em, tasol man i painim pasin nogut, em bai painim yet. ²⁸ Man i putim bilip bilong em long ol mani samting bilong em, laip bilong em bai i lus, tasol ol stretpela man bai stap gut olsem ol nupela lip bilong diwai. ²⁹ Man husat i kamapim hevi long haus bilong em, olgeta samting bilong em bai i lus. Bai ol i larim em i kamap wokman bilong man husat i gat gutpela bel. ³⁰ Stretpela man bai stap olsem diwai bilong givim laip, tasol man bilong kamapim kros bai bagarapim laip bilong em. ³¹ Harim! stretpela man bai kisim gutpela samting long wanem em i wokim, tasol olsem wanem long ol man nogut na ol sin manmeri!