¹ God Yawe i toktok long Moses. Em i tok, ² "Toktok long Aron. Tokim em , 'Ol 7-pela lam i mas givim lait i go long pes bilong pos i holim ol lam taim yu putim lait long ol''. ³ Aron i mekim olsem. Em i laitim ol lam i stap antap long ol lam pos na givim lait i go long ol hap wea lait i mas kamap long pes bilong lam pos, olsem God Yawe i bin tokim Moses pinis. ⁴ Ol i bin wokim ol lam pos bihainim dispela kain wei God Yawe i tokim Moses long bihainim tu. Em i bin usim hama na nilim wantaim gol long namel i go antap long het bilong en, Em i olsem kap bilong plawa i kamap long san. ⁵ Bihain gen, God Yawe i toktok long Moses . Em i tok, ⁶ "Kisim ol Livai long namel bilong ol manmeri bilong Israel na mekim ol i kamap klin. ⁷ Mekim ol dispela wok long ol na mekim ol i kamap klin, Kapsaitim wara bilong wasim sin bilong ol .Tokim ol long katim gras long olgeta hap bilong bodi, Wasim ol klos na long dispela rot bai mekim ol yet i kamap klin. ⁸ Na bihain tokim ol long kisim yangpela bulmakau na ofa bilong wit wantaim gutpela plawa na wel. Larim ol i kisim narapela yangpela bulmakau bai i kamap olsem ofa bilong rausim sin. ⁹ Bai yu kisim ol Livai na sanapim ol namel long pes bilong haus sel bilong bung na sanapim olgeta manmeri bilong Israel. ¹⁰ Taim yu kisim ol Livai i kam long pes bilong God Yawe, ol manmeri bilong Israel i mas putim han antap long ol Livai. ¹¹ Aron i mas givim ol Livai igo long God Yawe, Olsem ofa bihainim pasin bilong ol israel long holim han na mekim ofa bai ol istap wokman bilong God Yawe. . ¹² Ol Livai i mas putim han bilong ol antap long het bilong ol bulmakau,ol i mas mekim ofa long wanpela bulmakau, olsem ofa bilong rausim sin na narapela bulmakau ol i kukim long paia olgeta i kam long Mi, long rausim sin bilong ol Livai. ¹³ Kisim ol Livai i kam sanap long pes bilong Aron na tu long pes bilong ol pikininini man bilong Aaron mas luk save long ol. Ol Livai i mas sanap na litimapim han bilong ol igo antap olsem ofa bilong holim long han na mekim i kam long Mi. ¹⁴ Long dispela kain pasin bai yu mas skelim ol Livai namel long ol lain manmeri bilong Israel. Ol Livai bai stap lain bilong Mi yet. ¹⁵ Bihain long dispela, ol Livai i mas i go insait long haus sel bilong bung na mekim wok. Yu mas mekim ol i kamap klin. Yu mas mekim ol i mas kamap klin bihainim ofa pasin bilong holim han... ¹⁶ Mekim olsem, long wanem ol dispela man em ol lain bilong Mi stret i stap namel long ol manmeri bilong Israel, bai ol i kisim ples bilong pikinini man husait i kamap namba wan pikinini. Namaba wan pikinini husait em i kamap long ol tumbuna bilong Israel , mi kisim ol Livai olsem bilong mi yet.. ¹⁷ Olgeta namba wan pikinini i kamap namel long ol manmeri bilong Israel bai i kamap olsem ol manmeri bilong Mi.Dispela tok em igo long ol manmeri na ol abus tu. Long despala dei Mi bin kisim laip bilong olgeta namba wan pikinnini man bilong ol Isip, em Mi bin makim ol i bilong Mi yet. ¹⁸ Mi bin kisim ol Livai namel long ol manmeri bilong Israel long kisim ples bilong olgeta namba wan pikinini. ¹⁹ Mi givim ol Livai olsem presen igo long Aron na ol pikinini man bilong em. Mi bin kisim ol namel long ol lain manmeri bilong Israel long mekim wok bilong ol lain Israel insait long haus sel. Mi bin givim wok long ol bilong mekim ofa bilong sin bilong ol manmeri bilong Israel olsem bai i nogat bagarap i kamap long ol manmeri taim ol i kam klostu long ples i holi". ²⁰ Moses, Aron na olgeta lain manmeri bilong Israel i bin mekim olsem long ol Livai. Ol i bin mekim olgeta samting God Yawe i bin tokim Moses, long ol Livai. Ol manmeri bilong Israel i bin mekim olsem wantaim ol. ²¹ Ol Livai i bin mekim ol yet i kamap klin na wasim klos bilong ol na Aron i bin givim ol olsem ofa bilong holim long han i kam long God Yawe. Na em i bin mekim ofa bilong rausim sin bilong ol na mekim ol i kamap klin. ²² Bihain long dispela, ol Livai i bin i go wok insait long haus sel bilong ples bung, i go pas long Aron na pikinini bilong Aron tu. Dispela em God Yawe i bin tokim Moses long ol Livai. Ol i bin mekim na lukautim ol Livai long dispela pasin. ²³ God Yawe i toktok gen long Moses.Em i tok, ²⁴ "Olgeta ol dispela samting, em bilong ol Livai husait igat 25 pela yia pinis na winim dispela yia tu. Dispela lain tasol i mas istap long dispela grupman husait bai mekim wok insait long haus sel. ²⁵ Ol i mas i stap long dispela wok inap long mak bilong 50 pela yia. Husait man i winim dispela yia na moa, em i noken mekim dispela wok moa. ²⁶ Ol bai helpim ol brata husait i wok long haus sel.Tasol ol i noken mekim wok moa.Yupela i mas tokim ol Livai long dispela tok".