1
Long dei Moses i pinisim haus sel bilong lotu, em i welim na putim sait bilong God Yawe, wantaim olgeta bilas bilong en. Em i mekim wankain long alta na olgeta spon, plet na kap. Em i welim ol na putim sait bilong God Yawe.
2
Long dispela dei, ol lida bilong Israel na lida bilong tumbuna femili bilong ol i mekim ofa. Ol dispela man i lidim ol wanwan lain bilong Israel. Ol i bin bosim wok na kaunim nem bilong ol man.
3
Ol i bringim ofa bilong ol long God Yawe. Ol i bringim 6-pela karis i karamap na 12-pela bulmakau. Ol i kisim wanpela karis bilong ol tupela lida na ol wanwan lida i bringim wanwan bulmakau. Ol i givim ol dispela samting long dua bilong haus sel bilong lotu.
4
Orait God Yawe i tokim Moses olsem.
5
''Kisim ol ofa long ol na yusim ol dispela ofa long wok bilong haus sel bilong bung. Givim ol ofa long ol lain Livai, long wanwan inap long wok bilong ol."
6
Moses i kisim ol karis na bulmakau na em i givim long ol Livai.
7
Em i givim tupela karis na 4-pela bulmakau long tumbuna bilong Geson, long wanem ol i gat wok .
8
Em i givim 4-pela karis na 8-pela bulmakau long ol tumbuna bilong Merari, aninit long lukaut bilong Itamar pikinini man bilong Aron em Pris. Em i mekim olsem long inapim wok bilong ol.
9
Tasol em i no givim wanpela samting long ol tumbuna lain bilong Kohat, long wanem wok bilong ol bai kamap long ol samting bilong God Yawe bai ol karim long solda bilong ol yet.
10
Ol lida i ofaim ol samting bilong ol long makim alta long dei Moses i welim alta. Ol lida i mekim ofa long pes bilong alta.
11
God Yawe i tokim Moses, "Wan wan lida i mas mekim ofa long dei em i laik long makim alta.
12
Long dei namba wan, Nason pikinini man bilong Aminadap, long lain bilong Juda i bringim ofa bilong em.
13
Ofa bilong em i wanpela bikpela silva plet hevi bilong en 130 sekel na wanpela silva dis hevi bilong en 70 sekel, i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
14
Em i givim wanpela gol dis hevi bilong en 10 sekel na em i pulap long smok i gat gutpela smel.
15
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
16
Na em i givim wanpela man meme olsem ofa bilong sin.
17
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Nason pikinini man bilong Aminadap.
18
Long dei namba 2, Netanel pikinini man bilong Suar, lida bilong lain bilong Isaka, i bringim ofa bilong em kam.
19
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
20
Na em i givim wanpela gol dis hevi bilong en 10 sekel na i pulap long smok i gat gutpela smel.
21
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
22
Na em i givim wanpela man meme olsem ofa bilong sin.
23
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Netanel pikinini man bilong Suar.
24
Long dei namba 3, Eliap pikinini man bilong Helon, lida bilong lain bilong Sebulun, i bringim ofa bilong em.
25
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
26
Na em i givim wanpela gol dis hevi bilong en 10 sekel na i pulap long smok i gat gutpela smel.
27
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
28
Na em i givim wanpela man meme olsem ofa bilong sin.
29
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Eliap pikinini man bilong Helon.
30
Long dei namba 4, Elisar pikinini man bilong Sedeu, lida bilong lain bilong Ruben i bringim ofa bilong em.
31
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
32
Na em i givim wanpela gol dis hevi bilong en 10 sekel na i pulap long smok i gat gutpela smel.
33
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
34
Na em i givim wanpela man meme olsem ofa bilong sin.
35
Em i givim tupela bulmakau, 5-pela man sipsip, 5-pela man meme, na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Elisur pikinini man bilong Sedeur.
36
Long dei namba 5, Selumiel pikinini man bilong Zurisadai, lida bilong lain bilong Simeon, i bringim ofa bilong em.
37
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
38
Na em i givim wanpela gol dis hevi bilong en 10 sekel na i pulap long smok i gat gutpela smel.
39
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
40
Na em i givim wanpela man meme olsem ofa bilong sin
41
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Selumiel pikinini man bilong Surisadai.
42
Long dei namba 6, Eliasap pikinini man bilong Deuel, lida long lain bilong Gad, i bringim ofa bilong em.
43
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
44
Na em i givim wanpela gol dis hevi bilong en 10 sekel na i pulap long smok i gat gutpela smel.
45
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
46
Na em i givim wanpela man meme olsem ofa bilong sin.
47
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Eliasap pikinini man bilong Deuel
48
Long dei namba 7, Elisama pikinini man bilong Amihud, lida bilong lain bilong Efraim, i bringim ofa bilong em.
49
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
50
Na em i givim wanpela gol dis hevi bilong en 10 sekel na i pulap long smok i gat gutpela smel.
51
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
52
Na em i givim wanpela man meme olsem ofa bilong sin.
53
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Elisama pikinini man bilong Amihud.
54
Long dei namba 8, Gamaliel pikinini man bilong pedasu, lida bilong lain bilong Manase, i bringim ofa bilong em.
55
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
56
Na em i givim wanpela gol dis hevi bilong en 10 sekel na i pulap long smok i gat gutpela smel.
57
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
58
Na em i givim wanpela man meme olsem ofa bilong sin.
59
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Gamaliel pikinini man bilong Pedasu.
60
Long dei namba 9, Abidan pikinini man bilongn Gidioni , lida long lain bilong Benjamin i bringim ofa bilong em.
61
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
62
Na em i givim wanpela gol dis hevi bilong en 10 sekel na i pulap long smok i gat gutpela smel.
63
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
64
Na em i givim wanpela man meme olsem ofa bilong sin.
65
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Abidan pikinini man bilong Gidioni.
66
Long dei namba 10 Ahieser pikinini man bilong Amisadai, lida bilong lain bilong Dan, i bringim ofa bilong em.
67
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
68
Na em i givim wanpela gol dis hevi bilong en 10 sekel na i pulap long smok i gat gutpela smel.
69
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
70
Na em i givim wanpela man meme olsem ofa bilong sin.
71
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Ahieser pikinini man bilong Amisadai.
72
Long dei namba 11, Pagiel pikinini man bilong Okran, lida bilong lain bilong Aser i bringim ofa bilong em.
73
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
74
Na em i givim wanpela gol dis hevi bilong en 10 sekel na i pulap long smok i gat gutpela smel.
75
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
76
Na em i givim wanpela man meme olsem ofa bilong sin.
77
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Pagiel pikinini man bilong Okran.
78
Long dei namba 12, Ahira pikinini man bilong Enan, lida bilong lain bilong Naptalii bringim ofa.
79
Em i mekim ofa bilong en long wanpela silva plet hevi bilong em 130 sekel na wanpela silva dis hevi bilong em 70 sekel i bihainim skel mak bilong haus sel bilong lotu. Dispela tupela samting wantaim gutpela plaua ol i tanim wantaim wel bilong mekim ofa bilong pikinini kaikai.
80
Na em i givim wanpela gol dis hevi bilong en 10 sekel na i pulap long smok i gat gutpela smel.
81
Em i givim wanpela yangpela bulmakau olsem ofa bilong kukim long paia wantaim wanpela man sipsip na wanpela pikinini sipsip i gat wanpela yia.
82
Na em i givim wanpela man meme olsem ofa bilong sin.
83
Em i givim tupela bulmakau, 5-pela man sipsip, 5-pela man meme na 5-pela pikinini man sipsip i gat wanpela yia, olsem ofa bilong bung wantaim. Dispela em i ofa bilong Ahira pikinini man bilong Enan.
84
Ol lida bilong ol Israel i makim ol dispela samting long dei Moses i bin welim alta. Ol i makim 12-pela silva plet, 12-pela silva dis na 12-pela gol dis.
85
Wanwan silva plet hevi bilong em 130 sekel na wanwan dis hevi bilong em 70 sekel. Olgeta silva kontena hevi bilong ol 2,400 sekel i bihainim skel mak bilong haus sel bilong lotu.
86
Wanwan bilong ol 12-pela gol dis, i pulap long smok i gat gutpela smel, hevi bilong em 10 sekel i bihainim skel mak bilong haus sel bilong lotu. Olgeta gol dis hevi bilong ol 120 sekel.
87
Ol i makim olgeta abus bilong mekim ofa, 12-pela bulmakau, 12-pela sipsip na 12-pela man sipsip i gat wanpela yia. Ol i givim olsem ofa bilong pikinini kaikai. Ol i givim 12-pela man meme olsem ofa bilong sin.
88
Long olgeta bulmakau bilong ol, ol i givim 24-pela man bulmakau, 60 sipsip, 60 man meme na 60 man sipsip i gat wanpela yia, olsem ofa bilong bel isi. Dispela em i makim bilong alta bihain ol i welim.
89
Taim Moses i go insait long haus bilong bung long toktok wantaim God Yawe, em i harim nek bilong God i toktok long em. God Yawe i toktok long em antap long ples bilong lusim sin i stap long bokis kontrak namel long tupela ensel. Na em i toktok long Moses.