¹ God Yawe i toktok long Moses. Em i tok, ² "Mekim tupela silva biugel. Paitim dispela silva long hama long kamapim biugel. Yu mas winim biugel long singautim ol manmeri long kam bung na long singautim ol manmeri long rausim sel haus na wokabaut. ³ Ol pris i mas winim biugel long singautim ol manmeri long kam bung long dua bilong haus sel bilong bung. ⁴ Sapos ol pris i winim wanpela biugel em bilong ol lida na hetman bilong ol Israel i mas kam bung wantaim yu. ⁵ Taim yu winim bikpela krai bilong biugel ,ol lain manmeri long hap ples san i kamap i mas stat long wokabaut. ⁶ Taim yu winim bikpela krai bilong biugel namba tu taim, ol manmeri long saut sait i mas stat wokabaut. Ol i mas winim bikpela krai bilong biugel na wokabaut. ⁷ Taim ol manmeri i kam bung, winim biugel, tasol i no bikpela tumas. ⁸ Ol pikinini man bilong Aron, em dispela pris , i mas winim biugel. Dispela wok mak i mas i stap wantaim yupela na bilong ol lain manmeri i kam bihain. ⁹ Taim yupela i go pait wantaim ol birua husait i save mekim nogut long yupela long graun bilong yupela, orait yupela i mas winim krai bilong biugel. Mi God Yawe bilong yupela, bai tingting long yupela olsem ol lain bilong mi na helpim yupela long ol birua. ¹⁰ Olsem tasol, long taim bilong bung lotu na olgeta wankain bung olsem na long de bilong nupela mun, yu mas winim biugel i go wantaim ofa ol i kukim long paia na wantaim ofa bilong mekim lotu. Dispela bai kamap olsem mak bilong tingim mi, olsem God bilong yu. Mi God yawe bilong yu. ¹¹ Long namba 2- yia ,insait long namba 2- mun, long namba 20- dei, klaut i kirap antap long haus lotu bilong bokis kontrak. ¹² Ol pipol bilong Israel i wokabaut lusim ples drai bilong Sanai. Na klaut i stop long ples drai bilong Paran. ¹³ Ol i mekim namba wan wokabaut long bihainim ol toktok bilong God Yawe i bin givim long Moses. ¹⁴ Ol lain manmeri i stap aninit long tumbuna lain bilong Juda i wokabaut i go pas, wantaim ol wanwan ami bilong ol. Nason pikinini man bilong Aminadap i go pas long ami bilong Juda. ¹⁵ Nataniel pikinini man bilong Sua i stap hetman bilong tumbuna lain bilong Isaka. ¹⁶ Eliab pikinini man bilong Helon i lidim ol lain tumbuna bilong Sebulon. ¹⁷ Ol tumbuna lain bilong Geson na Merari, husait i save lukautim haus sel bilong bung , kisim haus sel na wokabaut i go. ¹⁸ Bihain ,ol lain ami i stap aninit long Ruben i kirap na wokabaut i go. Elisur pikinini man bilong Sedeu i go pas long ol ami bilong Ruben. ¹⁹ Selumiel pikinini man bilong Jurisadai i go pas long ami bilong ol lain tumbuna biolng Simeon. ²⁰ Eliasap pikinini man bilong Deuel i go pas long ami bilong ol lain tumbuna bilong Gad. ²¹ Ol lain Koat i karim ol samting bilong Rum Tambu na i go. Ol narapela lain i go pas bai sanapim haus sel pastaim na ol Koat bai i go kamap long narapela kemp. ²² Ol ami i stap aninit long Efreim i bihainim na wokabaut i go na Elisama pikinini man bilong Amiut i go pas long ami bilong Efreim. ²³ Gamaliel pikinini man bilong Pedasu i go pas long ami bilong ol tumbuna lain bilong Manase. ²⁴ Abidan pikinini man bilong Gideon i go pas long ami bilong ol lain tumbuna bilong Benjamin. ²⁵ Ol ami i stap aninit long ol lain tumbuna bilong Dan i go bihain. Aiesa pikinini man bilong Amisadai i go pas long ami bilong Dan. ²⁶ Pagiel pikinini man bilong Okram i go pas long ol ami bilong ol lain tumbuna bilong Asa. ²⁷ Aira pikinini man bilong Enan i go pas long ami bilong ol lain tumbuna bilong Naptali. ²⁸ Dispela em rot ol ami bilong Israel i bin wokabaut long en . ²⁹ Moses i toktok wantaim Hobab pikinini bilong Reuel bilong ples Medien. Reuel em i papa bilong meri bilong Moses. Moses i tokim Hobab na tok. Yumi i wokabaut i go long wanpela ples God Yawe i tokaut long en. God Yawe i tok. "Bai mi givim long yupela. Kam wantaim mipela na bai mipela i mekim gut long yu. God Yawe i promis long mekim gut long ol Israel. ³⁰ Tasol, Hobab i tokim Moses." Mi no inap i go wantaim yu. Mi bai go bek long ples bilong mi na ol lain manmeri bilong mi" ³¹ Na Moses i bekim tok."Plis noken lusim mipela. Yu save long we long mekim kem long ples i no gat man long en. Yu mas was gut long mipela. ³² Sapos yu go wantaim mipela, mipela bai mekim gutpela pasin long yu olsem God Yawe i save mekim long mipela". ³³ Ol i wokabaut long maunten bilong God Yawe inap long 3 pela dei . Bokis kontrak bilong God Yawe i go pas long ol inap 3 pela dei long painim ples bilong ol long malolo. . ³⁴ Klaut bilong God Yawe i karamapim ol long dei, taim ol i wokabaut. ³⁵ Taim bokis kontrak i go pas, Moses i save tok," Kirap, God Yawe. Rausim nambaut ol birua bilong yu. Mekim ol birua bilong yu i ranawe long yu." ³⁶ Long taim bokis kontrak i stop,Moses i save tok, "Kam bek," God Yawe i stap wantaim ol panti 10 tausen manmeri bilong Israel."