¹ Pikinini meri bilong ol ami, kam bung wantaim na redi long pait! Ol birua i raunim biktaun bilong mipela. Wantaim wanpela stik ol paitim hetman bilong Israel long wisket bilong em. ² Tasol yu Betlehem Efrata, maski yupela liklik ples namel long ol hauslain bilong ol Juda, wanpela bai kam aut long yupela bai makim mi long lukautim Israel. Dispela man husait ol tumbuna lain bilong em i bin stap bipo tru na stap oltaim bipo. ³ Olsem na God Yawe bai givim beksait long ol, inap long dispela taim meri i pilim pen long karim pikinini na ol narapela brata bilong ol bai i kam bek long manmeri bilong Israel. ⁴ Long dispela taim, em bai sanap na i go paslain long lukautim ol sipsip bilong en, insait long strong long nem bilong God Yawe bilong em. Ol bai i stap gut na em bai i kamap bikpela bilong olgeta manmeri long olgeta hap long dispela graun. ⁵ Long dispela taim em bai i mekim gut long mipela taim ol Asiria i kam insait long graun bilong mipela long pait wantaim mipela. Na mipela bai i makim ol 7-pela wasman na 8-pela lida long pait wantaim ol. ⁶ Ol ami bilong Israel bai pait wantaim ol Asiria long bainat na insait long ol biktaun bilong Nimrot. Em bai i helpim mipela long han bilong ol Asiria taim ol i abrusim mak na kam insait long graun bilong mipela. ⁷ Tasol ol liklik lain bilong Jekop bai i stap namel long ol planti lain manmeri, wankain olsem wara bilong nait i kam long God Yawe, olsem liklik ren antap long ol gras. Na nau yupela i noken weit long ol man na ol liklik pikinini bilong ol man. ⁸ Long namel bilong olgeta kantri na olgeta manmeri, ol liklik lain manmeri bilong Israel bai i stap strong wankain olsem wanpela laion i stap namel long ol animol bilong bikpela bus. Na olsem yangpela laion i stap namel long ol sipsip. Taim dispela laion i wakabaut namel long ol, em bai i kaikaim ol na katim ol i go liklik liklik na bai i nogat wanpela man long helpim ol. ⁹ Yupela manmeri bilong Israel bai apim strong bilong yupela i go antap long bagarapim ol birua bilong yupela. ¹⁰ God Yawe i tok olsem, "Long dispela taim, mi bai bagarapim olgeta hos bilong yupela na ol karis bilong yupela. ¹¹ Mi bai bagarapim ol dispela biktaun bilong yupela na brukim daun olgeta strongpela banis bilong biktaun bilong yupela. ¹² Mi bai bagarapim ol poisin man i stap wantaim yupela na wanpela glasman bai i no inap stap wantaim yupela. ¹³ Mi bai bagarapim ol giaman god bilong yupela, ol i mekim long diwai na ston pos i stap wantaim yupela. Yupela bai i no inap moa lotu long ol samting ol man i mekim long han. ¹⁴ Mi bai kamautim Asera pos, makim giaman meri god i stap wantaim yupela na bagarapim ol biktaun bilong yupela. ¹⁵ Antap long belhat, mi bai givim hevi long ol manmeri bilong olgeta ples graun husait i no save harim tok bilong mi."