1
Sapos wanpela man i laik givim ofa long lotuim God Yawe wantaim bulmakau, sipsip o meme,man o meri, orait em mas givim ol dispela gutpela we i nogat asua long en.
2
Em bai putim han bilong em antap long het bilong dispela abus na kilim em long dua bilong haus sel bilong bung. Na ol pikinini man bilong het pris Aron bai kapsaitim blut bilong ol long sait bilong alta.
3
Dispela man bai i mekim ofa bilong lotu taim em i kukim dispela abus long paia igo long God Yawe. Dispela gris i karamap na i pas wantaim ol insait hap blong en,
4
na tupela kidni na gris istap, tupela i pas wantaim long sem ples, long raunpela hap mit bilong liva, wantaim kidni. Em i mas rausim olgeta dispela.
5
Ol pikinini man bilong Aron,ol bai kukim ol antap long alta wantaim ol ofa bilong kukim long paia, we i stap antap long paiawut long paia. Dispela bai givim switpela smel igo long God Yawe. Dispela ol bai i ofarim na kukim long paia igo long em.
6
Sapos ofa bilong man i lotu wantaim God Yawe i kam long ol sipsip, meme o bulmakau man o meri, em i mas givim ofa i nogat asua long en.
7
Sapos em i givim yangpela sipsip man olsem ofa, em i mas givim i go long God Yawe.
8
Em bai putim han bilong em long het bilong sipsip o meme na kilim ol autsait long haus sel bilong bung. Ol pikinini man bilong Aron bai kapsaitim blut arere long alta.
9
Dispela man bai kukim sipsip, meme o bulmakau antap long paia olsem ofa bilong lotu wantaim God Yaweh. Ol gris long teil ol i katim i kam aut long baksait bun na gris we i karamapim insait na gris i stap long insait hap.
10
Na tupela kidni wantaim gris na gris istap long seim ples na raunpela mit bilong liva, wantaim tupela kidni- em imas rausim olgeta dispela.
11
Nau Pris bai kukim olgeta antap long alta olsem ofa ol i kukim long paia i go long God Yawe.
12
Sapos ofa bilong man em i meme, orait em bai givim long God Yawe.
13
Em mas putim han bilong em antap long het bilong meme na kilim autsait long haus sel bilong bung. Na ol pikinini man bilong Aron bai kapsaitim blut antap long alta.
14
Na dispela man bai givim ofa em i kukim long paia igo long God Yaweh.Em bai rausim ol gris i karamapim insait na ol gris istap arere long insait.
15
Em bai rausim 2-pela kidni na gris istap wantaim long seim ples na raunpela mit long liva wantaim kidni.
16
Pris bai kukim olgeta ofa antap long alta olsem ofa ol i kukim long paia long givim switpela smel. Olgeta gris hap i blong God Yawe.
17
Em bai kamap lo bilong stap olgeta taim long ples na stap long ol lain tumbuna, tumbuna, i kam bihain long olgeta hap yupela i kamapim ples na stap, olsem bai yupela ino ken kaikai ol gris na blut bilong ol abus."