1
God Yawe i tokim Moses na Aron olsem,
2
Tokim ol lain manmeri bilong Israel olsem,i gat ol abus yupela i ken kaikai namel long olgeta samting i gat laip i stap long dispela graun.
3
Yupela i ken kaikai ol abus i save kaikai gras na i gat baret namel long pinga bilong ol.
4
Sampela animol i gat baret long pinga, na i save kaikai gras, em yupela i no ken kaikai. Yupela i no ken kaikai kamel, long wanem em i no klin, em i save kaikai grass, tasol i nogat baret long pinga bilong em.
5
Na mumut bilong wara em i no klinpela animol, long wanem em i save kaikai gras, tasol i no nogat baret namel long pinga,
6
na ol rebit tu i no klinpela animol,ol i save kaikai grass, tasol i nogat baret namel long pinga bilong ol.
7
Pik i no klinpela animol,long wanem em i gat baret long pinga, tasol em i no save kaikai gras.
8
Yupela i no ken kaikai mit bilong pig,o holim dai bodi bilong em.Em i no klin long kaikai.
9
Long olgeta abus bilong wara na bilong solwara o ol hanwara, yupela i ken kaikai sapos yupela i lukim ol i gat grile na hukhuk long baksait bilong ol.
10
Tasol yupela i no ken kaikai olgeta arapela abus bilong wara o solwara i nogat grile na hukhuk long baksait, ol i no klin long kaikai.
11
Ol dispela abus i doti, olsem na yupela i no ken kaikai mit bilong ol na yupela i no ken holim dai bodi bilong ol tu.
12
Ol abus bilong solwara na hanwara i no gat grile na hukhuk long baksait, ol i no klinpela animol na yupela i no ken kaikai.
13
Yupela i no ken kaikai ol dispela pisin; tarangau, na ol bikpela pisin i save kaikai ol dai samting,
14
na ol pisin i gat longpela wing na i save kaikai ol binatang, na ol pisin i gat longpela strongpela wing na i save flai kwik,
15
na olgeta bilakpela pisin bilong nait,
16
olgeta bikpela ai pisin bilong nait, waitpela pisin bilong wara i gat longpela lek na longpela wing na ol pisin i gat sotpela na raunpela wing na longpela teil.
17
Yupela i no ken kaikai ol liklik na bikpela pisin bilong nait i gat bikpela ai, na ol pisin i save painim pis,
18
na ol waitpela nait pisin i gat bikpela ai, na ol nait pisin i gat bikpela ai i save kaikai rat, na longpela lekhan, longpela nek na longpela nus pisin,
19
na pisin i gat tupela longpela wing na pisin i gat longpela nus na ol bilakbokis.
20
Ol binatang i gat wing na i save wokabaut long 4-pela lek i no klinpela binatang long yupela i ken kaikai.
21
Yupela i ken kaikai ol binatang i save flai na ol binatang i gat 4-pela lek na i ken kalap kalap.
22
Yupela i ken kaikai ol kainkain grasopa tu.
23
Tasol ol binantang i gat 4-pela lek na i save flai, em ol i no klin na yupela i no ken kaikai.
24
Sapos yu holim dai bodi bilong wanpela bilong ol dispela doti animol, bai yu kamap doti inap long san i go daun.
25
Wanpela man namel long yupela i kisim wanpela dai bodi bilong ol dispela doti animol, em i mas wasim klos bilong em na stap doti inap san i go daun.
26
Olgeta abus i gat tupela pinga tasol i nogat bikpela baret namel na i no save kaikai gras, em ol i doti. Ol man husat i holim ol dispela animol bai i kamap doti.
27
Namel long ol animol i save wokabaut long 4pela leg na ol animol i wokabaut long 4-pela pinga, ol i no klinpela animol.Husait ol manmeri i holim dai bodi bilong ol bai ol kamap doti inap long san i go daun
28
Husait i holim dai bodi bilong dispela animol i mas wasim ol klos bilong em na bai em i stap doti inap san i go daun long wanem ol dispela animol i doti.
29
Long olgeta abus i save wokabaut long graun, dispela ol animol i no klinpela animol,em ol liklik animol i save kaikai narapela animol na ol rat na ol kainkain bikpela na liklik liset.
30
Na ol geko na olgeta kainkain liset.
31
Long olgeta animol i save wokabaut long graun, dispela ol animol i doti, wanpela man namel long yupela i holim ol taim ol i dai, em bai i kamap doti inap san i go daun.
32
Sapos wanpela bilong ol dispela doti abus i dai na pundaun antap long wanpela samting, olsem hap diwai o klos o gras bilong sipsip o hap laplap. Ol i mas putim ol dispela samting long wara na bai i stap doti inap san i go daun, na bihain bai i kamap klin.
33
Sapos wanpela bilong ol dispela doti animol i dai na bodi bilong ol i pundaun insait long sospen, orait wanem samting i stap insait long dispela sospen bai i kamap doti, olsem na yupela i mas brukim dispela sospen na tromoi.
34
Sapos wara long dispela sospen i stap antap long ol kaikai, orait dispela kaikai i kamap doti. Wara bilong dring i stap insait long dispela sospen tu i kamap doti pinis.
35
Sapos dai bodi bilong ol doti animol i pundaun antap long wanpela samting, orait dispela samting i kamap doti, sapos i pundaun long aven bilong wokim paia, orait yupela i mas brukim na lusim, o em mas i stap doti olsem.
36
Ol han wara na hul wara bai i stap klin yet, tasol man i holim dai bodi bilong ol dispela animol tasol i kamap doti.
37
Sapos dai bodi bilong ol doti animol i pundaun antap long sid kaikai bilong planim, orait dispela sid i stap klin yet.
38
Tasol sapos wara i stap long sid kaikai na dai bodi bilong ol doti animol i pundaun antap long dispela sid, orait dispela sid i kamap doti.
39
Sapos wanpela animol i dai, man husait i holim dai bodi bilong dispela abus bai i kamap doti inap san i go daun.
40
Husait man i kisim dispela dai animol o kaikai dispela dai animol i mas wasim klos bilong em na stap doti inap san i go daun.
41
Yupela i no ken kaikai olgeta animol i save wokabaut long graun,ol i no klinpela animol.
42
Yupela i no ken kaikai ol animol i save wokabaut long bel bilong ol, o wokabaut long 4-pela lek na han wantaim na ol animol i gat planti lek na ol animol i save wokabaut long graun. Dispela ol animol i no klinpela animol.
43
Yupela i no ken mekim yupela i kamap doti wantaim ol animol i save wokabaut long graun. Yupela i no ken bagarapim yupela yet na mekim yupela i kamap doti wantaim ol kain animol.
44
Mi God Bikpela bilong yupela, Yupela i mas mekim yupela yet i stap holi,long wankain pasin olsem mi stap holi yupela tu i mas i stap holi. Yupela i no ken bagarapim yupela yet na kamap doti wantaim ol kain animol i save wokabaut long graun.
45
Mi God Bikpela bilong yupela, mi laik stap God bilong yupela na mi bin kisim yupela i kam ausait long ples Isip. Olsem na yupela i mas i stap holi , long wankain pasin olsem mi i stap holi.
46
Dispela em ol lo bilong tok klia long ol animol, ol pisin na olgeta animal long wara na ol animol i save wokabaut long graun.
47
Dispela lo i bilong soim ol klinpela animal na ol animol i no klin na ol animol bilong kaikai na i no bilong kaikai.