¹ Na Jop i bekim na i tok, ² 'Mi save tru long dispela. Tasol olsem wanem bai man i kamap wankain olsem God Yawe. ³ Sapos yu laik kros pait wantaim God Yawe , em bai i no inap bekim toktok bilong yu long planti taim. ⁴ God Yawe i pulap wantaim gutpela bel na olgeta strong; husat inap long strongim em yet bai winim em? ⁵ em husat i save brukim maunten em i no save givim tok lukaut long ol manmeri taim em i bagarapim ol insait long belhat bilong em. ⁶ Em husat i save mekim graun i guria na ol samting i strongim graun. ⁷ Em dispela God Yawe tasol i save tokim san long noken kamaut na i save karamapim ol sta, ⁸ husat em yet i save surukim maunten bilong heven na brukim solwara, ⁹ husat wokim Bea, Orion, Pleiades na ol stas grup long sait saut. ¹⁰ Em i save wokim ol bikpela na ol gutpela gutpela samting we ol man i no inap tingting na kauntim. ¹¹ Lukim, em i go wantaim mi na mi no lukim em; em i kam i go tu, tasol mi no inap long filim em. ¹² Sapos em i kisim wanpela samting i go, husat bai inap long pasim em? Husat bai inap long toktok long em, 'Yu mekim wanem samting?' ¹³ God Yawe bai i no inap rausim belhat bilong em, ol lain bilong helpim bunara bilong Rahap bai i stap aninit long em. ¹⁴ Bai mi tok wanem long bekim em, wanem kain toktok bai mi kamapim long toktok wantaim em. ¹⁵ Maski sapos mi stretpela man na mi i no inap bekim wanpela toktok long em, i ken singaut tasol long marimari bilong em wantaim pasin bilong skelim. ¹⁶ Maski sapos mi singaut na em harim mi orait mi bai i no inap bilip olsem em i harim singaut bilong mi. ¹⁷ Em i save brukim mi wantaim belhat na kamapim planti sua taim nogat as bilong en. ¹⁸ Em i no larim mi kisim win tasol em pulapim mi wantaim nogut. ¹⁹ Sapos em samting bilong strong, larim em i strong tumas. Sapos em samting bilong kot, husat bai inap long kotim en? ²⁰ Maski mi save mi tok tru, maus bilong mi yet bai bagarapim mi na maski mi save mi no asua toktok bilong mi bai mekim mi asua.. ²¹ Mi save mi no mekim asua, tasol mi no tingting planti long mi yet. Mi yet i ting olsem mi samting nating. ²² Em i no wanpela samting, em olsem na mi tok olsem em bai i bagarapim ol manmeri i nogat asua wantaim ol manmeri i save mekim bikhet pasin. ²³ Taim dispela stik i givim bagarap, em bai i tok bilas long ol gutpela man. ²⁴ Dispela graun i stap long han bilong ol man nogut. God i save karamapim ol pes bilong ol lo man. Sapos em i no bin mekim em bai husat mekim? ²⁵ Wanwan dei bilong mi i wok long ron olsem man i save kisim toktok i go, ol dei bilong mi i wok long lus nating, ol i no lukim gutpela samting long olgeta hap. ²⁶ Ol i save ron hariap olsem basket bout na olsem tarangau i kam daun na laik kisim abus bilong en. ²⁷ Sapos mi tok olsem mi bai lus tinting long ol hevi bilong mi, em bai mi lusim dispela sori pes bilong mi na bai mi amamas. ²⁸ Mi bai poret long ol hevi bilong mi, long wanem mi save yu bai tok mi no stretpela man. ²⁹ Bai mi kisim bagarap bilong wanem na o bai mi mekim nating? ³⁰ Sapos mi wasim han bilong mi wantaim waitpela wara bilong sno long mekim mi kiln tru. ³¹ God Yawe bai i putim mi i go daun long bikpela hul na ol klos bilong mi bai bagarap wantaim mi. ³² God Yawe i no man olsem mi na bai mi bekim toktok long em na bai mipela i kam bung long kot. ³³ I nogat namel bilong stretim hevi bilong mitupela wantaim long kot. ³⁴ Nogat narapela namel man inap long rausim belhat bilong God Yawe long mi, husat inap long pasim strong bilong em long mi. ³⁵ Na mi ken toktok na i no poret long em. Tasol sapos ol samting i olsem, nau bai mi no inap mekim olsem.