1
Wok bilong man long dispela graun em i hat a? Ol taim bilong em long stap long dispela graun em i wankain olsem ol taim bilong ol wokboi?
2
Taim bilong man i olsem ol wokboi nating ol i laikim tumas tutak i mas kamap hariap, olsem ol wokman i save tingting long pei bilong ol.
3
olsem na ol i bin mekim mi i kisim taim nogut long planti mun, long olgeta nait ol i mekim mi i pulap wantaim ol hevi.
4
Taim mi slip, mi tok olsem long mi yet, "Wanem taim bai mi kirap na wanem taim bai nait i go pinis?" Mi tanimtanim i go i kam i nap tulait i kamap.
5
Ol das na ol liklik snek bilong graun ol i karamapim bodi bilong mi olsem ol klos, ol soa long skin bilong mi ol i kamap strong na pinis na ol i kamap gen.
6
Taim bilong mi i save go hariap tru i winim ron bilong masin bilong man i save wokim ol klos, ol i go aut nating.
7
God Yawe i save, laip bilong mi i olsem win i kam aut long maus bilong mi, na mi dai na i go, ai bilong mi bai i no inap lukim ol gutpela samting.
8
God Yawe i save lukim mi, ai bilong em i no i nap lukim mi moa, ai bilong God Yawe bai i stap long mi, tasol bai mi no inap i stap laip.
9
Olsem klaut i go lus nating na go pinis, olsem tasol man husat i go daun long ples bilong ol man i dai pinis em bai i no inap kam antap gen na stap laip.
10
Em bai i no inap i go bek gen long haus bilong em, na tu ol lain long ples bilong em ol i no inap save long em gen.
11
Olsem na bai mi no inap pasim maus bilong mi, bai mi larim spirit bilong mi i save pilim hevi i ken tokaut, bai mi larim sol bilong mi i save pilim nogut tru i ken toktok planti.
12
Mi no solwara o bikpela strongpela kain abus bilong solwara i birua long yu na yu wok long putim was long mi.
13
Taim mi tok,'Bet bilong mi bai i mekim gut long mi na sia bilong mi bai mekim bel hevi bilong mi isi,'
14
na yu poretim mi wantaim ol driman na yu mekim mi i pret nogut tru long ol samting i olsem ol driman.
15
olsem na mi i nap makim dai bilong mi long ol i ken holim na tanim nek bilong mi na mi no ken holim tumas laip bilong mi.
16
Bodi bilong mi i sting na i smel; mi nogat laik long stap laip long dispela graun olgeta taim; larim mi i stap olsem laip bilong mi i no gat gutpela wok bilong en.
17
Man em i wanem samting na yu save wari tumas long em, na bai yu putim tingting bilong yu long em,
18
olsem bai yu was long em olgeta moning na traim em olgeta taim?
19
Ai bilong yu i stap oltaim long mi na wanem taim bai yu lukluk i go long narapela hap na larim mi i stap mi yet longpela taim liklik inap mi ken daunim spet bilong mi yet?
20
Maski sapos mi bin mekim sin, em bai i mekim wanem long yu, yu husat i save was long ol man? Bilong wanem na yu save lukluk long mi tasol olsem mi tasol i save givim hevi long yu?
21
Mi brukim lo bilong yu pinis na bilong wanem yu no sori long mi na rausim sin bilong mi? Long wanem bai mi dai nau na ol bai planim mi long graun na bai yu painim mi gut tru, tasol bai mi i no i stap laip moa.''