¹ Bihain long dispela, Job i opim maus bilong em na mekim tok nogut long dei mama i bin karim em long en. ² Em i tok, ³ "Larim dispela dei mi bin kamap long en i mas bagarap olgeta na long dispela nait ol i bin tok olsem, 'Wanpela pikinini man em mama i bin karim em.' ⁴ Larim dispela dei i mas kamap tudak na larim God Yawe i stap antap i no inap tingim na painim na tu larim san i lait antap long em. ⁵ Larim tudak na spirit bilong dai i kisim i go long wok bilong em yet. Larim wanpela klaut bai i karamapim em na larim olgeta samting i mekim dispela dei i stap tudak inap poretim em. ⁶ Na long nait taim, larim bikpela tudak i bosim em. Larim em mas i noken amamas namel long ol dei bilong yia na larim em i noken kam bung wantaim namba bilong ol mun. ⁷ Lukim olsem dispela nait i mas stap nating tru na bai nogat singaut bilong amamas i kamap insait long en. ⁸ Larim ol i mekim tok nogut long dispela dei, husat ol lain i save long kirapim Leviatan, (dispela spirit nogut bilong solwara.) ⁹ Larim ol sta bilong moning taim i mas kamap tudak. Larim dispela dei bai painim lait, tasol em bai i no inap lukim wanpela samting na tu larim em bai i no inap lukim tulait i kamap, ¹⁰ long wanem, em i no bin pasim dua long bel bilong mama bilong mi na em i no bin haitim ol hevi long ai bilong mi. ¹¹ Bilong wanem na mi no laik dai, taim mi kam autsait long bel bilong mama bilong mi? Bilong wanem na mi no laik lusim spirit bilong mi taim mama bilong mi i karim mi? ¹² Bilong wanem na ol lek bilong em i wanbel na kisim mi? Bilong wanem na susu bilong em i redi na kisim mi long kisim kaikai long en? ¹³ Olsem bai nau mi inap slip isi tru. Mi inap long slip na kisim gutpela malolo ¹⁴ wantaim ol king na ol kaunsel bilong graun, husat i bin wokim ol matmat bilong ol yet nau i stap long bikpela bagarap. ¹⁵ O mi inap long slip wantain ol pikinini man bilong king husat i gat gol na husat i pulmapim haus bilong ol wantaim silva. ¹⁶ O mi no laik stap yet long bel bilong mama olsem ol liklik pikinini ol i no lukim lait yet. ¹⁷ Long hap ol pasin nogut i pinis long hevi na long hap ol man i nogat moa strong i malolo. ¹⁸ Long hap ol kalabus man i stap isi wantaim na ol i no harim singaut bilong man i bosim ol. ¹⁹ Ol bikpela na liklik manmeri i stap wantaim long hap, ol wokman i stap long laik bilong ol na nogat man bilong bosim ol i stap long hap. ²⁰ Bilong wanem na lait i go long man husat i no stap amamas? Bilong wanem na laip i go long man husat bel bilong em i no stap gut, ²¹ i go long man husat i painim dai tasol dai i no kam long em na i go long man husat i rausim graun long painim dai moa long ol man i painim gol samting i stap hait? ²² Bilong wanem na ol i givim lait i go long man husat i amamas tru taim em i painim matmat? ²³ Bilong wanem na ol i givim lait i go long man husat pasin bilong em i stap hait, wanpela man husat God i givim baksait long em? ²⁴ Long wanem, mi bin pulim win bikpela tru long taim mi inap long kaikai na ol bel hevi bilong mi i kapsait olsem wara. ²⁵ Long wanem, ol samting mi save poret long en ol i kam antap long mi na wanem ol samting mi save poret long en i kam long mi. ²⁶ Mi i no stap bel isi, mi i no stap isi na mi nogat malolo, long wanem ol hevi i wok long kam long mi."