¹ Tasol em i kamap olsem long namba 7-mun Ismael pikinini man bilong Netanaia, em pikinini man bilong Elisama bilong lain famili bilong King wantaim 10-pela ofisa bilong king, ol i go lukim Gedalaia pikinni man bilong Aikam na ol i kaikai wantaim na stap long Mispa ² Tasol Ismael pikinini man bilong Netanaia na 10-pela man i stap wantaim em ol i kirapim pait wantaim Gedalaia pikinini man bilong Aikam, em i pikinini man bilong Sapan. Na Ismael i kilim Gedalaia wantaim bainat, dispela man King bilong Babilon i makim em long lukautim kantri. ³ Na Ismael i kilim olgeta lain man bilong Juda ol i stap wantaim Gedalaia long Mispa na em tu i kilim olgeta man bilong pait bilong ol Kaldia ol i painim ol i stap long dispela hap. ⁴ Na bihain long tupela dei i go pinis long kilim Gedalaia, nogat wanpela man i save long dispela samting. ⁵ Sampela man i bin kam long Sekem, sampela long Silo na sampela long Samaria, olsem 80 man ol i katim maus gras, brukim klos na katim skin bilong ol long soim pasin bilong sori, ol i kisim ol ofa na paura i gat gutpela smel i go long haus bilong God Yawe. ⁶ Orait Ismael pikinini man bilong Netanaia i kirap na i go bungim ol long ples Mispa ol i wokabaut na mekim bikpela krai sori. Na taim em i bungim ol, em i tokim ol olsem, "Kam long Gedalaia pikinini man bilong Aikam. ⁷ Na taim ol i go insait long biktaun, Ismael pikinini man bilong Netanaia i kilim olgeta bilong ol na tromoi ol i go daun long hul bilong graun em wantaim ol lain bilong em i mekim dispela pasin. ⁸ Tasol i gat 10-pela man namel long ol i tokim Ismael, "Yu noken kilim mipela, mipela i gat sampela kaikai long gaden bai mipela givim long yu olsem pei, ol wit, kon, wel na hani samting." Olsem na em i no kilim ol wantaim ol wanlain bilong ol. ⁹ Na dispela hul bilong holim wara Ismael i tromoi olgeta bodi em i kilim long en, em i bikpela hul bilong holim wara King Asa i wokim long banisim King Basa bilong Israel long taim bilong pait. Ismael pikinini bilong Netanaia pulapim dispela hul wantaim ol dai man. ¹⁰ Bihain gen Ismael i go kalabusim olgeta narapela manmeri husat i stap long Mispa, ol lain pikinini meri bilong king na olgeta lain manmeri ol i stap yet long Mispa, husat namba wan ofisa Nebukadnesa i bin makim ol long stap aninit long Gedalaia pikinini man bilong Aikam. Orait Ismael pikinini man bilong Netanaia i kalabusim ol na ol i go long hapsait bilong ol lain Amon. ¹¹ Tasol Johanan pikinini man bilong Karea na ol kapten bilong Ami i harim stori bilong olgeta dispela samting nogut tru Ismael pikinini man bilong Netanaia i bin mekim. ¹² Orait ol i kisim olgeta man bilong pait na i go pait wantaim Ismael piknini man bilong Netanaia. Ol i painim em i stap long bikpela raun wara bilong Gibion. ¹³ Na em i kamap olsem taim olgeta manmeri husat i bin stap wantaim Ismael i lukim Johanan pikinini man bilong Karea na olgeta kepten bilong ol ami i kam wantaim em, ol i amamas tru. ¹⁴ Orait olgeta manmeri husat Ismael i kalabusim ol long Mispa i tanim na stat bihainim Johanan pikinini man bilong Karea. ¹⁵ Tasol Ismael pikinini man bilong Netanaia i pret na ranawe wantaim 8-pela man long pes bilong Johanan. Em i go stap wantaim ol lain Amon. ¹⁶ Johanan pikinini man bilong Karea na olgeta kepten bilong ami i kisim ol manmeri long mispa ol i ranawe long han bilong Ismael pikinini man bilong Netanaia. Bihain tasol long Ismael i kilim Gedalaia pikinini man bilong Aikam. Johanan na ol wanwok bilong em i kisim ol strongpela man, ol man bilong pait, ol meri na pikinini, wantaim ol man ol i rausim bol bilong ol pinis, ol lain man ol i bin helpim ol long Gibeon. ¹⁷ Na bihain ol i go na stap liklik long ples Gerut Kimam, i stap klostu long taun Betlehem. Ol i wokabaut i go long kantri Isip, ¹⁸ long wanem ol i pret long ol lain Kaldia. Pastaim Ismael pikinini man bilong Netanaia i bin kilim Gedalaia pikinini man bilong Aikam, man husat king bilong Babilon i makim em long bosim dispela kantri.