¹ Pasu, pikinini man bilong pris Ima, em man i go pas long ol ofisa i harim Jeremaia i mekim ol dispela tok profet long haus bilong God Yawe. ² Olsem na Pasu i paitim profet Jeremaia na i kalabusim han lek bilong em wantaim ol hap palang i stap long Antap Dua bilong ol lain Benjamin long haus bilong God Yawe. ³ Em i kamap long narapela dei we Pasu i rausim Jeremaia long kalabus. Nau Jeremaia i tokim em olsem, "God Yawe i no givim yu dispela nem Pasu, nem bilong yu tru em Mako Misabib. ⁴ Long wanem God Yawe i tok olsem, 'Lukim, bai mi mekim yu kamap olsem samting bilong pret, yu wantaim ol lain husat i dia tumas long yu, bai yu lukim yet na ol bai i pundaun long bainat bilong ol birua bilong ol. Bai mi givim ples Juda i go long han bilong king bilong Babilon na em bai kilim ol wantaim bainat na kisim ol i go kalabusim ol long Babilon. ⁵ Bai mi givim em olgeta gutpela samting bilong biktaun na olgeta kago, olgeta ol samting i dia tumas na olgeta moni na kago samting bilong ol king bilong Juda. Bai mi lusim olgeta samting long han bilong ol birua bilong yupela na ol bai kisim. Ol bai kisim i go long Babilon. ⁶ Tasol yu, Pasu na olgeta ol lain lo asples long wanwan ples bilong Juda bai i go kalabus. Yu bai i go long Babilon na dai long hap. Ol bai planim yu long hap wantaim olgeta ol lain i dia tumas long yu husat yu i save tok giaman long ol." ⁷ "God Yawe, yu giamanim mi na mi ting tru. Yu gat bikpela strong na yu antap tumas long mi. Ol manmeri i tok pilai long mi na lap long mi olgeta taim. ⁸ Olgeta taim mi save tok, mi save singaut na tok aut long Kros pait na bagarap.' Tok bilong God Yawe i save kamap olsem tok nogut long mi olgeta dei. ⁹ Taim mi tok, 'Bai mi no inap tingting tumas long God Yawe na bai mi no inap sanap antap long nem bilong em.' Nau em i save kamap olsem paia i kukim bel bilong mi insait long ol bun bilong mi. Olsem na mi traim long pinisim tasol mi no inap. ¹⁰ Mi harim ol tok win bilong pret i kam long ol manmeri long olgeta hap. 'Tok aut na Yumi mas tokim ' Ol lain husat i stap klostu long mi i lukluk i stap long lukim, nogut bai mi pundaun. 'Olsem, mipela i ken giamanim em. Sapos em orait, yumi ken winim em na bekim bek wanem em i bin mekim long mipela.' ¹¹ Tasol God Yawe i stap wantaim mi olsem strongpela man bilong pait, olsem na ol dispela lain i tok long bagarapim mipela bai ol i suruk. Ol bai i no inap winim mi. Ol yet bai pilim bikpela sem, bilong wanem ol bai i no inap win. Sem bilong ol bai i no inap pinis na ol manmeri i no inap lus tingting. ¹² Tasol God Yawe, papa bilong olgeta samting, yu skelim ol gutpela manmeri na lukim bel na tingting bilong ol. Larim mi i lukim bel hat long bekim bilong yu antap long ol long wanem mi givim hevi bilong mi long yu pinis. ¹³ Singsing na litimapim nem bilong God Yawe.Long em i bin kisim bek ol lain husat i stap long hevi long han bilong ol lain bilong mekim pasin nogut. ¹⁴ Larim dei mama i karim mi i bagarap. Noken larim dei mama i karim i pulap wantaim amamas. ¹⁵ Larim husat man i toksave long papa bilong mi i mas bagarap, man husat i tok, 'Yu gat wanpela pikinini man nau,' i kamapim bikpela amamas. ¹⁶ Larim dispela man i mas kamap olsem ol biktaun God Yawe i bagarapim na i no bin i gat marimari long ol. Larim em i harim singaut bilong helpim long olgeta moning na singaut bilong pait long abinun, ¹⁷ long wanem, em i no bin kilim mi insait long bel bilong mama na bel bilong mama bai kamap matmat bilong mi na bai i gat bel wantaim pikinini i stap oltaim. ¹⁸ Bilong wanem na mi kam aut long bel bilong mama na lukim ol hevi na bikpela pen na i pulapim ol dei bilong mi wantaim sem?"