¹ Dispela em ol tok bilong Jeremaia pikinini bilong Hilkaia, wanpela long ol pris long Anato long graun bilong Benjamin. ² Tok bilong God Yawe i kam long em long ol dei bilong Josaia pikinini man bilong Amon, King bilong Juda, inap 13- pela yia bilong en. ³ Na tu em i kam long ol dei bilong Jehoiakim pikinini man bilong Josaia, King bilong Juda, inap 5-pela mun long 11-pela yia bilong Zedekia pikinini man bilong Josaia, King bilong Juda, taim ol i kisim ol manmeri bilong Jerusalem i go na kalabusim ol. ⁴ Tok bilong God Yawe i kam long mi, na i tok, ⁵ '' Taim yu no kamap yet long bel bilong mama, mi makim yu pinis, mi putim yu na makim yu long kamap profet long ol kantri." ⁶ ''Bikpela God Yawe.'' Mi tok, '' Mi no save long toktok, mi yangpela tumas.'' ⁷ Tasol God Yawe i tok olsem long mi, ''No ken tok mi yangpela tumas, yu mas go long olgeta hap mi salim yu, yu mas tokaut long wanem mi tokim yu! ⁸ No ken pret long ol, mi stap wantaim yu long lukautim yu, God Yawe i tokaut olsem.'' ⁹ Na God Yawe i putim han bilong em i kamaut na tatsim maus bilong mi na i tok, '' Nau mi putim tok bilong mi long maus bilong yu. ¹⁰ Mi makim yu tudei long ol kantri na long ol kingdom bilong kamautim na brukim, bagarapim na tromoi olgeta na wokim na planim.'' ¹¹ Tok bilong God Yawe i kam long mi na i tok, ''Yu lukim wanem, Jeremaia?'' Mi tok, "Mi lukim han bilong diwai almon.'' ¹² Yawe i tok long mi, ''Yu bin lukim gut, mi save lukluk long tok bilong mi i mas karim kaikai." ¹³ Tok bilong God Yawe i kam long mi namba tu taim na i tok, "Yu lukim wanem samting?'' Mi tok, "Mi lukim sospen i hot, antap bilong en i boil na kapsait i kamaut long not.'' ¹⁴ God Yawe i tok long mi, "Hevi bai i kamap long not antap long olgeta husat i stap long dispela graun. ¹⁵ Olsem na mi singautim olgeta lain manmeri long ol kingdom i stap long not, God Yawe i tokaut. Ol bai i kam na olgeta bai i redim sia king bilong ol long dua bilong Jerusalem, long olgeta banis i raunim na long olgeta biktaun bilong Juda. ¹⁶ Mi bai tokaut long belhat bilong mi na olgeta nogut ol i mekim long mi, long pasin bilong kukim sanda i smel long ol narapela god giaman. Na lotu long god giaman ol yet i wokim long han bilong ol. ¹⁷ Redim yu yet! Sanap na tokim ol wanem samting mi bai tokim yu. Yu Noken suruk long ol o bai mi mekim yu suruk long pes bilong ol! ¹⁸ Harim! Tudei mi bin wokim yu olsem strongpela biktaun, ain pos na bras banis long olgeta graun, long ol king bilong Juda wantaim ol ofisa na ol pris na ol manmeri long dispela hap graun. ¹⁹ Ol bai i pait wantaim yu, tasol ol bai i no inap winim yu, bai mi stap wantaim yu long helpim yu, dispela em God Yawe i tok,"