¹ Ol man bilong lain Efraim i tokim Gidion olsem," Dispela em wanem kain samting yu mekim long mipela, yu no singautim mipela taim yu laik go pait long ol lain Midia. Na ol i kirapim kros wantaim em. ² Na em i tokim ol olsem," Wanem mi mekim nau yupela skelim, wain bilong ol lain Efraim i gutpela moa long ol lain Abiesa ol i pikim planti moa wain? ³ God i givim ol pikinini man bilong ol lain Midia, Oreb na Seb na yupela i winim ol. Wanem gutpela samting mi kamapim long skelim bilong yupela," Belhat bilong ol i go daun taim ol i harim em i mekim dispela tok. ⁴ Gidion i kam long wara Joden na ol i laik brukim wara, em wantaim 300-pela man bilong pait husait i stap wantaim em. Ol i nogat strong moa, tasol ol i go yet . ⁵ Na em i tokim ol man bilong Sukot olsem, Plis givim sampela bret long ol dispela lain i bihainim mi, long wanem ol i nogat strong na mipela bai i go moa yet long kisim Seba na Salmuna, ol king bilong Midia, ⁶ Olsem na ol ofisa i tok, "Tru ol Seba na Salmuna nau i stap long han bilong yupela? Bilong wanem na mipela bai givim bret long ol ami bilong yu. ⁷ Na Gidion i tok, Taim God Yawe i givim ol lain Seba na ol lain Salmuna i kam long han bilong mipela na mipela i pinisim ol, bai mipela i kam bek long yupela na brukim skin bilong yupela wantaim ol nil i save kamap long ples i drai. ⁸ Na em i go antap long ol lain Peniel na mekim wankain tok long ol manmeri, tasol ol man bilong Peniel i bekim wankain tok olsem ol lain Sukot. ⁹ Na em tokim tu ol lain man bilong Peniel na i tok, Taim mi kam bek wantaim bel isi, bai mi putim daun dispela tawa. ¹⁰ Nau ol ami bilong Seba na Salmuna i stap long Karko, klostu olsem 15,000-pela man, olgeta husait i stap aut long dispela bikpela ami bilong ol lain manmeri bilong hap san kamap, long dispela hap ol i bin lusim 120,000-pela man long maus bilong bainat. ¹¹ Gidion i go antap long rot na i holim pas ol birua long Noba na Jokbeha. Em i winim olgeta ami bilong ol birua, long wanem ol i no ting bai ol i kirapim pait wantaim ol. ¹² Seba na Salmuna i ranawe, taim Gidion i go kamap long ol, em i holim pas tupela king bilong ol Midia em Seba na Salmuna na mekim olgeta ami bilong ol i pret. ¹³ Gidion, pikinini man bilong Joas i kam bek gen long pait na i go olgeta gen long Heres. ¹⁴ Em i holim pas wanpela yanpela man bilong lain Sukot na i askim em. Dispela yanpela man i raitim nem bilong 77-pela bikman na ol hetman bilong ol lain Sukot. ¹⁵ Gidion i kam long ol man bilong lain Sukot na i tok, Lukim Seba na Salmuna, em husait yupela i bin tok bilas long mi na tok, yupela i holimpas pinis Seba na Salmuna, mipela i no save olsem mipela inap givim bret long ol ami bilong yu. ¹⁶ Gidion i kisim ol hetman bilong biktaun na bagarapim ol man Sukot wantaim ol liklik diwai i gat planti nil i save kamap long ples drai. ¹⁷ Na bihain em i kisim dispela taua bilong ol lain Peniel na kilim i dai olgeta man i stap long dispela biktaun. ¹⁸ Na Gidion i askim ol lain Seba na ol lain Salmuna olsem, "Wanem kain ol man yupela i kilim long taun Tabo. Na ol i bekim tok olsem, Olsem yupela na ol i stap long wanem hap. Olgeta bilong ol i wankain olsem ol pikinini man bilong king. ¹⁹ Gidion i tok, em ol brata bilong mi na ol pikinini bilong mama bilong mi. Olsem God Yawe i stap oltaim, sapos yupela i helpim ol na ol i stap laip, bai mi no inap kilim yupela. ²⁰ Orait em i tokim nambawan pikinini man bilong en Jeta, Kirap na kilim ol,Tasol dispela yangpela man i no pulim bainat long wanem em i pret na tu em i yangpela mangi yet. ²¹ Orait Seba na Salmuna i tok, Yupela yet kirap na kilim mipela, long wanem yu man i gat bikpela strong orait Gidion i kirap na kilim i dai Seba na Salmuna. Na tu em i kisim ol gutpela bilas long nek bilong kamel bilong ol. ²² Na bihain ol Israel i tokim Gidion olsem," Lukautim mipela, yu na pikinini bilong yu na tumbuna pikinini bilong yu, long wanem yupela i banisim gut mipela na rausim mipela long han bilong ol Midia. ²³ Gidion i bekim tok bilong ol olsem, mi wantaim ol pikinini man bilong mi bai i no inap lukautim yupela tasol God Yawe yet bai i lukautim yupela. ²⁴ Na Gidion i tokim ol, Larim mi askim yupela long wanpela samting, mi laik bai yupela i givim mi olgeta yau ring samting bilong yupela. Long wanem ol Midia i kam long ples Ismael. ²⁵ Ol i bekim tok olsem, Mipela i amamas long givim yu ol dispela samting. Ol i kisim wanpela laplap na wokim bet long graun na givim ol yau ring. ²⁶ Hevi bilong ol dispela yau ring ol i wokim long gol i olsem 1,700 kilo. Tasol ol narapela ol samting olsem ol gutpela bilas long nek na ol retpela laplap king bilong ol Midia i save werim na ol sen ol i save putim long nek bilong kamel. ²⁷ Gidion i mekim wanpela god giaman na putim long biktaun bilong em Ophra, na olgeta Israel i lotuim dispela god giaman na mekim pasin pamuk wantaim ol yet. Dispela i kamap olsem wanpela trap long Gidion na femili bilong em. ²⁸ Olsem na ol Midia i daunim ol yet long ol Israel na i no moa apim het na lukluk gen. Long taim Gidion i stap, graun bilong ol bai i stap gut inap long 40-pela yia. ²⁹ Jeru Bal pikinini man bilong Joas i go na i stap long haus bilong em yet. ³⁰ Gidion i gat planti meri na 70-pela pikinini man na tumbuna. ³¹ Meri bilong Gidion i stap long Sekem na i karim wanpela pikinini man na em i kolim nem bilong en Abimelek. ³² Gidion pikinini man bilong Jaos i lapun na i dai, ol i planim em long matmat bilong papa bilong en Jaos long taun Ophra long tumbuna lain bilong Abisai. ³³ Dispela samting i kamap long taim Gidion i dai , ol manmeri bilong Israel i mekim pasin pamuk long ol yet na lotuim wanpela god Bal. Ol i mekim Bal Bet olsem god. ³⁴ Ol manmeri bilong Israel i no tingim na givim biknem long God Yawe, husait i bin rausim ol long han bilong ol birua. ³⁵ Ol i no tingim dispela tok promis ol i bin mekim long haus bilong Jeru Bal em Gidion na long olgeta gutpela pasin em i mekim long ol long Israel.