¹ Na Jerub Bal (em Gidion) em i kirap long moning na ol man husait i stap wantaim em na ol i mekim haus sel long sait bilong Harot. Na kem bilong Midia i stap long not sait long hap ples daun klostu long maunten More. ² God Yawe i tokim Gidion, ''Igat planti ami tumas long mi bai mekim yu long winim ol Midia, tasol ol Israel i no ken apim nem bilong ol yet na tok, 'strong bilong mipela yet i helpim mipela,' ³ Nau tokaut long yau bilong ol man na tok, 'husait i pret na tingting planti, larim em i go lusim Maunten Gilet.'''Tasol 22,000 lain man i go na 10,000 ami tasol i stap bek. ⁴ God Yawe i tokim Gidion, ''Ol man i planti tumas. Kisim ol i go daun long wara na bai mi mekim namba bilong ol i go daun liklik inap long yu, Sapos mi tokim yu, 'Dispela man bai go wantaim yu,' em bai go wantaim yu; tasol sapos mi tok, 'Dispela man i no inap go wantaim yu,' em i no inap go.'' ⁵ Na Gidion kisim ol man i go daun long wara na God Yawe i tokim em, ''Skelim olgeta man husait i dring wara long tang olsem dok i save dring, taim ol narapela i brukim skru na dring.'' ⁶ Na 300 man i dring long tang, Na ol narapela man i brukim skru i go daun na dring wara. ⁷ God Yawe i tokim Gidion, ''Wantaim ol 300 man husait i dring long tang, mi bai kisim bek yu na mekim yu winim ol Midia. Larim ol narapela man i go bek long ples bilong ol.'' ⁸ Tasol husait ol i makim ol i kisim kaikai na trampet bilong ol, Gidion i salim olgeta man bilong Israel i go, olgeta man istap long haus sel bilong em, tasol em i larim 300-pela man, Nau ol Midia i stap long kem bilong ol long ples daun. ⁹ Long dispela nait God Yawe i tokim em,''Kirap na go daun long kem bilong ol, mi bai givim yu strong inap yu winim ol. ¹⁰ Sapos yu pret long go daun, go daun long kem wantaim Pura wokman bilong yu, ¹¹ na harim wanem ol i toktok na tok bilong ol bai givim strong long pait long kem. ''Olsem na Gidion i go wantaim Pura wokman bilong em long hap we wasman bilong kem i save was i stap long en. ¹² Ol Midia na ol Amalek na ol man bilong hap san kamap istap nambaut long ples daun, ol i kamap olsem grasopa i bung na kamap olsem bikpela klaut. Na kamel i kamap planti i no inap long kaunim; em planti namba olsem wit na wesan bilong nambis. ¹³ Taim Gidion i kamap long dispela ples, dispela man i tokim driman bilong em long poroman bilong em. Na dispela man i tok, ''Lukim, mi gat wanpela driman na mi lukim wanpela bret ol i wokim long wit bali i pundaun insait long kem bilong Midia. Em kam long haus sel na em i pundaun nogut tru antap na tanim tanim inap em i slip stret long graun. ¹⁴ Na narapela i tok, ''Dispela i no narapela samting em bainat bilong Gideon (pikinini bilong Joas) long Israel. God Yawe i givim strong na em i winim ol Midia na ol ami bilong ol," ¹⁵ Taim Gidion i harim olgeta stori bilong driman na mining bilong driman, em i brukim skru na lotu. Em i go bek long kem bilong Israel na i tok, ' Kirap, God Yawe givim strong long yupela long winim ami bilong Midia. ¹⁶ Em i brukim 300 man i go long tripela grup na em i givim ol biugel na sospen nating wantaim lait istap insait long olgeta sospen. ¹⁷ Na em i tokim ol,'' lukim mi na mekim wankain olsem mi mekim. Was, taim mi kam long arere bilong kem, yu mas mekim olsem mi mekim. ¹⁸ Taim mi winim biugel, mi wantaim ol lain i stap wantaim mi, yupela tu winim biugel bilong yupela long olgeta hap bilong kem na singaut, 'Long God Yawe na long Gidion! ''' ¹⁹ Gidion na ol 100 man i stap klostu wantaim em i kam long arere bilong kem long stat bilong namel bilong was. Bihain tasol ol Midia i senisim ol wasman bilong ol. Ol i winim biugel na brukim sospen istap long han bilong ol. ²⁰ Ol tripela grup i winim biugel na brukim sospen. Ol i holim lait long han kais na biugel long han sut long winim. Na Ol i singaut, "Bainat bilong God Yawe na Gidion.'' ²¹ Olgeta man i sanap insait long ples bilong ol na raunim kem na ol ami bilong Midia i ran. Ol i singaut na ranawe. ²² Taim ol i winim 300 biugel, God Yawe mekim olgeta Midia man i kilim poroman bilong ol yet na ami bilong ol wantaim bainat. Na ol ami i ranawe go inap long Betsita i go long Serera na i go inap mak bilong Abel Mehola klostu long Tabat. ²³ Na ol man long Israel long lain bilong Naptali, Aser, na Manase i singaut na ol i bihainim ol Midia ²⁴ Gidion i salim man bilong kisim toksave i go long olgeta hap bilong maunten Efraim, em tok, ''Go daun na pait long ol Midia na bosim wara Jodan na i go inap long Bet Bara long pasim ol. ''Olsem na olgeta man long Efraim i bung wantaim long bosim dispela wara, i go inap long Bet Bara na wara Jodan. ²⁵ Ol i holim tupela pikinini meri bilong king bilong Midia, Oreb na Sib. Ol i kilim Oreb antap long ston bilong Oreb na ol i kilim Sib antap long haus bilong krugutim pikinini wain long Sib. Ol i go bihainim Midia na ol i kisim het bilong Oreb na Sib i kam long Gidion long hapsait long wara Jodan.