1
Tasol nau God Yawe i tok olsem, em yet i bin wokim yu, Jekob na em yet i bin wokim yu, Israel. ''Yupela i noken pret long wanem mi bin kisim bek yupela pinis. Mi kolim nem bilong yupela na yupela i bilong mi.
2
Taim yu brukim ol wara, mi bai stap wantaim yu na ol wara bai i no inap karamapim yu. Taim yu wokabaut namel long paia bai em i no inap kukim yu na tang bilong paia bai ino inap bagarapim yu.
3
Mi God Yawe, God bilong yupela, Em i Holi God bilong Israel, Helpim bilong yupela. Mi bin givim Isip olsem pei bilong baim bek yupela, Kus na Seba olsem senis bilong yupela.
4
Yu dia tumas na narakain long ai bilong mi, mi laikim yu, olsem na bai mi givim ol manmeri long senisim yu na arapela ol man na bai yupela i kisim ples bilong ol.
5
Noken pret, long wanem mi stap wantaim yupela. Bai mi kisim ol pikinini bilong yupela i kam long hap san kamap na hap san i go daun na bungim yupela.
6
Bai mi tokim hap bilong not olsem, 'Kisim ol i kam long mi,' na long hap saut, 'Noken holim wanpela i stap long hap, ' long olgeta hap graun kisim ol pikinini man bilong mi i stap longwe i kam na ol pikinini meri i stap longwe hap graun i kam.
7
Olgeta man husait i kolim nem bilong mi. Em mi bin wokim ol long kisim biknem bilong mi yet. Long husait mi wokim, yes mi mekim ol.
8
Kisim ol ai pas manmeri i kam, maski ol i gat ai na ol yau pas i kam, maski ol i gat yau.
9
Olgeta kantri i bung wantaim na ol manmeri i stap wantaim. Husait inap tokaut klia long yumi long wanem ol samting bai i kamap bihain? Ol i ken kisim ol witnes bilong ol i kam bai yumi save olsem ol i tok tru, ol manmeri bai harim na tokaut olsem, 'Em i tru.'
10
Yupela i witnes bilong mi,'' God Yawe i tokaut, ''Na wokman bilong mi em mi makim pinis, olsem na bai yupela i save na bilip long mi na save olsem mi dispela God. I no gat wanpela god i stap paslain long mi na bai i no gat wanpela god i stap bihain long mi.
11
Mi, Mi yet God Yawe, i no gat wanpela man bilong kisim bek yupela, Nogat, em mi tasol.
12
Mi bin tokaut, mi bin kisim bek na mi bin autim tok olsem, i no gat narapela god i stap namel long yupela. Yupela ol witnes bilong mi, ''God Yawe i tok, ''Mi tasol mi God.
13
Long nau long dispela dei na i go, Em Mi Yet mi stap na nogat wanpela man inap rausim yupela long han bilong mi. Na husait inap sakim strong bilong mi na stopim mi?''
14
God Yawe i tok olsem, Man bilong kisim bek yupela em God Holi bilong Israel. ''Long yupela tasol mi salim ol soldia i go pait long Babilon na olgeta i ranawe na amamas bilong ol Babilon i tanim kamap sori na krai.
15
Mi God Yawe, mi God Holi, mi kamapim Israel, mi king bilong yupela.''
16
God Yawe i tok olsem, mi i mekim rot i kamap long bikpela solwara,
17
Em i kisim ol karis na ol hos, ami na ol bikpela lain ami. Ol i pundaun olgeta na i no inap kirap gen, ol i olsem lait bilong lam i go daun na i pinis.
18
''Noken tingting moa long ol samting i kamap pastaim na ol samting i kamap bipo.
19
Lukim, nau bai mi kamapiml nupela samting nau em i stat long kamap, yupela i no lukim? Mi bai mekim rot i kamap long ples nating na ol wara bai ron long ples nating.
20
Ol wel abus bilong ol hap graun bai i givim biknem long mi, ol wel dok na ol bikpela pisin, long wanem, mi save givim ol wara long bik bus na ol wara i ron long ples nating, bai ol manmeri bilong mi i dring,
21
mi wokim ol dispela manmeri bilong mi yet olsem na bai ol i litimapim biknem bilong mi.
22
Tasol Jekop, yu no bin singaut long mi, Israel yu les pinis long mi.
23
Yu no kisim wanpela sipsip bilong yu i kam long mi na mekim ofa bilong paia i kukim olgeta na lotu long mi. Mi no askim yupela long givim mi ofa bilong wit na givim hevi long yupela long ol ofa i gat gutpela smuk smel.
24
Yupela i no baim kanda i gat gutpela smel long moni, yupela i no givim mi gris bilong abus olsem ofa bilong yupela, tasol yupela i givim hevi long mi long ol sin na pasin nogut bilong yupela.
25
Yes, Mi Yet i save rausim ol pasin nogut bilong yupela long biknem bilong mi na mi no inap moa tingim ol sin bilong yupela.
26
Toksave long mi gen long wanem samting i bin kamap. Yumi mas stretim tok wantaim na bai mi save olsem yupela i nogat asua.
27
Nambawan papa bilong yupela i bin mekim sin na ol lida bilong yupela i no bihainim lo bilong mi.
28
Olsem na bai mi mekim ol pris i kamap doti, bai mi mekim Jekop i bagarap olgeta na ol bai tok bilas na daunim nem bilong Israel.''