1
Long dispela dei ol i bin singsing na amamas insait long graun bilong ol Juda. Mipela i gat stronpela biktaun na God Yawe i bin kisim bek mipela long han bilong ol birua.
2
Opim olgeta geit na ol stretpela manmeri husait i holim strong bilip ol i ken go insait.
3
Dispela tingting i stap long yu, yu bai i lukautim em wantaim gutpela bel isi, olsem em i bilip long yu.
4
Bilip long God Yawe ol taim nau na bihain tu na God Yawe bai i stap stronpela ston oltaim.
5
Em bai daunim ol man husait i save apim ol yet na ol strongpela taun i go daun long graun na ol bai i kamap wankain olsem das.
6
Olgeta bai i pundaun i go daun long lek bilong ol rabis man na ol man i sot long samting bai ol i krungutim.
7
Na rot bilong ol stretpela man i stret na long rot bilong ol stretpela yu mekim i stretpela.
8
Long rot bilong kot bilong bikpela God Yawe, mipela i wetim yu, nem bilong yu na pasin bilong yu em i hangre bilong mipela.
9
Mi bin tingting long yu long nait, tru tumas, spirit bilong mi i stap insait long mi i painim yu. Long taim kot bilong yu i kamap long dispela graun olgeta manmeri bai i save long stretpela pasin bilong yu.
10
Larim laikim bilong yu i mas kamap long ol man nogut, tasol ol i no inap long lainim stretpela pasin. Long graun bilong ol stretpela man, ol bai i kamap olsem ol man nogut na ol i no inap lukim biknem bilong God Yawe.
11
God Yawe, han bilong yu i go antap, tasol ol i no luksave. Tasol ol bai i lukim strong bilong yu long ol manmeri na bai ol i pilim sem, long wanem paia bilong birua bilong yu bai i bagarapim ol.
12
God Yawe, yu bai kisim bel isi bilong yu i kam long mipela, tru tumas, yu bin pinisim olgeta wok bilong mipela.
13
God Yawe bilong mipela, i gat narapela bos i lukautim mipela tasol mipela bai litimapim nem bilong yu wanpela tasol.
14
Ol i dai na ol bai i no inap stap laip gen. Ol i go daun na ol i no inap kirap gen na yu kam long skelim kot na bagarapim na mekim olgeta tingting bilong bipo bai pinis olgeta.
15
God Yawe yu bin mekim olgeta manmeri i kamap planti na yu kisim biknem na yu bin surukim mak bilong olgeta graun.
16
God Yawe, insait long hevi ol i lukluk long yu? Ol i bin prea isi taim yu bin mekim save long ol.
17
Olsem meri i gat bel na klostu tru i laik karim pikinini. Taim em i pilim pen na krai long taim bilong em long karim pikinini, mipela i bin mekim wankain long ai bilong yu Bikpela.
18
Mipela i bin i gat bel na mipela i bin i gat hatwok, tasol em i olsem mipela i karim win nating. Mipela i no bringim gutnius long dispela graun na bai olgeta manmeri bilong graun i no bin pundaun.
19
Olgeta lain bilong yu i dai bai ol i kirap bek gen . Kirap na singim song bilong amamas, yupela husat i stap long das bilong graun, liklik ren em i olsem ren bilong lait na graun bai i bringim dai bilong en i kam bek.
20
Ol manmeri bilong mi yupela i mas i go insait long rum bilong yupela na pasim dua bilong yupela na hait liklik taim na bai belhat bilong bikpela i abrusim yupela na i go.
21
Lukim, God Yawe i laik lusim ples bilong em na i kam bilong mekim save long olgeta manmeri long dispela graun, long olgeta pasin nogut bilong ol na dispela graun bai i no inap karamapim blut bilong en na em bai no inap haitim ol lain em i bin kilim.