¹ Driman bilong Aisaia, pikinini man bilong Amos em i bin lukim ol lain Juda na Jerusalem insait long ol taim bilong Usia, Jotam, Ahas na Hesekia, king bilong ol Juda. ² Harim heven i putim yau long dispela graun, God Yawe i bin tok. "Mi bin givim gutpela kaikai na kamapim ol pikinini bilong ol tasol ol i kirap na mekim nogut long mi. ³ Bulmakau i save long man i save lukautim em na donki i save long ples kaikai bosman i save givim long em tasol ol Israel i no save harim gut." ⁴ Sori tru, dispela kantri, ol manmeri bilong mekim sin, ol man i mekim pasin nogut, ol pikinini bilong ol lain tu i mekim pasin nogut na ol pikinini man husat i save mekim na bihainim ol tingting nogut. Ol i lusim God Yawe, ol i givim baksait long Holi man bilong ol Israel na ol istap longwe long em. ⁵ Bilong wanem yu wok long daunim yu yet? Bilong wanem yupela i mekim nogut long mi moa yet? Olgeta man i gat sik na bel bilong ol i nogat strong. ⁶ Long daunbilong long lek i go antap long het, i nogat wanpela hap istap orait. Ol sua tasol wantaim ol kaskas long bodi bilong ol na dispela sua i olsem nau tasol ol i katim skin na i op tru, ol i no bin pasim na klinim ol na karamapim ol na putim marasin bilong ol. ⁷ Kantri bilong yupela i bagarap, paia i kukim ol biktaun bilong yupela na ol hap graun bilong yupela long ai bilong yupela. Ol man bilong narapela ples i bagarapim yupela na rausim yupela, larim bagarap istap olsem i go inap narapela ples bai i bosim ol. ⁸ Pikinini meri bilong Saion i olsem liklik haus i stap insait long gaden wain na i olsem haus win i stap insait long gaden kukamba olsem wanpela biktaun ol ami i raunim em. ⁹ Sapos God Yawe, papa bilong olgeta samting i no larim ol liklik hap ples i stap yet, bai mipela i kamap olsem Sodom na Gomora. ¹⁰ Harim tok bilong God Yawe, yupela ol man i save bosim Sodom na harim ol lo bilong God bilong mipela, yupela ol manmeri bilong Gomora. ¹¹ "Wanem bikpela namba bilong ol samting yupela i save mekim ofa long mi?" God Yawe i tok. Mi les pinis long ol man sipsip yupela i save kukim olsem ofa, ol fatpela animol na blut bilong ol bulmakau, pikinini sipsip o ol meme, mi i no save amamas. ¹² Taim yu kamap ples klia long ai bilong mi, husait i bin mekim ol dispela samting i pulap long ples bung bilong mi. ¹³ Noken kisim ol ofa i nogat as bilong ol i kam long mi bilong kamapim paura bilong givim gutpela smel, nogat, em i save givim smel nogut long mi na bung yupela i save mekim ol nupela mun na long dei Sabat, mi i no inap tingim ol dispela bung bilong yupela. ¹⁴ Mi i no laikim ol bung yupela i save mekim long ol nupela mun na ol pati yupela yet i makim, ol i givim hevi long mi na mi les long lukim ol i stap. ¹⁵ Na taim yu opim han bilong yu long beten, mi karamapim ai bilong mi long yu, maski yu mekim planti beten, bai mi i no inap harim, bilong wanem blut i pas long han bilong yu. ¹⁶ Mekim yu yet klin na rausim olgeta pasin nogut long ai bilong mi, maski long mekim doti pasin, ¹⁷ Biahinim gutpela pasin, mekim stretpela kot na noken daunim narapela, mekim gutpela pasin long ol pikinini i nogat papa na helpim ol meri man bilong ol i dai pinis long taim ol i go insait long hevi ." ¹⁸ "Kam nau na yumi stretim tok wantaim," God Yawe i tok. Maski sin bilong yupela i bulap, ol bai kamap wait gen olsem sno, maski ol i lukim olsem tudak, ol bai i kamap olsem gras bilong pikinini sipsip gen. ¹⁹ Sapos yupela i laik harim na bihainim, yupela bai kaikai ol gutpela kaikai bilong dispela graun, ²⁰ Tasol sapos yupela i les na mekim pasin nogut, bai yupela bagarap long bainat," em maus bilong God Yawe i tok olsem. ²¹ Olsem wanem na biktaun bilong harim tok i kamap olsem pamuk meri, em i pulap tru long ol stretpela pasin tasol nau em i pulap tru long ol man bilong kilim man. ²² Silva bilong yupela i kamap doti na wain bilong yupela i pulap long wara. ²³ Ol pikinini man bilong ol king bilong yupela i kamap man nogut tru na ol i poroman wantaim ol stilman, olgeta i laik mekim wok long mani tasol na kisim plati mani long wok ol i mekim. Ol i no save mekim gut long ol pikinini i nogat papa na ol meri man bilong ol i dai pinis long taim ol i bringim ol hevi na wari i kam long ol. ²⁴ Olsem na God Yawe, papa bilong olgeta samting i tok, em i strongpela man bilong ol Israel, "Sori tru, bai mi kisim bek ol long han bilong ol birua bilong mi na bai mi yet i pait long ol birua bilong mi, ²⁵ Bai mi i no inap mekim nogut long yupela, nogat bai mi rausim olgeta sin bilong yupela olsem strongpela marasin. ²⁶ Bai mi putim gen ol loman bilong yupela wantaim ol hetman bilong yupela i go bek olsem bipo, bihain long dispela bai ol i kolim yupela olsem biktaun bilong stretpela pasin, taun bilong harim tok na bihainim. ²⁷ Bai mi kisim bek Saion wantaim stretpela kot na ol manmeri bai tanim bel na kamapim gutpela pasin. ²⁸ Bai mi daunim ol manmeri aninit long lek bilong mi na mekim wankain long ol lain i givim baksait long mi na bai ol i go wantaim ²⁹ "Bai yupela i pilim sem long dispela man i holi, yupela i save laikim em na yupela bai pilim nogut tru long ol man yupela yet i bin makim. ³⁰ Bai yupela i olsem diwai ollip i drai pinis na olsem ol gaden i nogat wara." ³¹ Strongpela man bai i kamap olsem samting bilong statim paia na wok bilong em i olsem man bilong statim paia, tupela bai i paia wantaim na nogat wanpela man bai kapsaitim kolwara bilong inapim laik bilong tupela.