¹ Tokim ol wantok bilong yu Israel, Ol manmeri bilong God na tokim ol susa mi laikim ol, Yu i bin soim pasin bilong sori. ² Ol pikinini tokim mama bilong yu, nau em i no moa meri bilong mi, na tu mi no man bilong em. Tokim em long lusim pasin bilong brukim marit na pasin pamuk em i mekim. ³ Sapos nogat, bai mi brukim klos bilong em na larim em i stap as nating na bai ol i lukim skin bilong em olsem long dei mama i karim em. Bai mi mekim em i olsem ples nating, olsem graun i drai long hot san na bai mi mekim nek bilong em i drai long wara. ⁴ Mi bai i no inap sori long ol pikinini bilong em, long wanem, ol pikinini i kamap long pamuk pasin. ⁵ Long wanem, mama bilong ol i bin stap olsem pamuk meri na meri husait i karim ol i kamapim sem pasin. Em i tok, Bai mi go bihainim ol man husait mipela i mekim pasin pamuk wantaim, long wanem ol i givim mi bret na wara, gras bilong sipsip na gutpela kolos, wel na wain. ⁶ Olsem na bai mi pasim olgeta hap rot bilong dispela meri wantaim gras i gat nil. Bai mi wokim strongpela banis na bai em i nogat rot bilong em. ⁷ Dispela meri bai i bihainim ol man em i mekim pasin pamuk wantaim ol tasol, em bai i no inap winim ol. Em bai painim ol tasol em bai i no inap lukim ol. Nau em bai i tok, Bai mi go bek long namba wan man bilong mi na bai mi stap gut olsem bipo nau ol man i les long mi. ⁸ Long wanem, dispela meri i no save olsem mi tasol i save givim em pikinini kaikai bilong diwai, nupela wain na wel na mi man husait i kapsaitim silva na gol antap long em, nau em i kisim ol dispela samting na givim i go long Bal, dispela giaman god . ⁹ Olsem na bai mi kisim bek kaikai bilong mi long taim bilong kaikai i redi long kisim na nupela wain bilong mi long taim em i mao. Bai mi kisim bek gras bilong sipsip na gutpela laplap long haitim sem bilong em. ¹⁰ Na bai mi rausim ol klos bilong em na em bai i stap as nating long ai bilong ol man i mekim pasin pamuk wantaim em na no gat wanpela man bai i rausim em long han bilong mi. ¹¹ Na tu bai mi mekim olgeta amamas bilong em i pinis, ol taim bilong bikpela kaikai, amamas bilong em long ol nupela mun, Sabat bilong em na olgeta arapela ol bung bilong amamas samting em i makim. ¹² Bai mi bagarapim wain na ol fik diwai bilong em, long dispela em i bin tok, Dispela em i pei ol man i bin mekim pasin pamuk wantaim mi i givim mi. Bai mi mekim ol i kamap olsem bikbus na ol wel animol bai i kaikaim ol.. ¹³ Bai mi mekim save long dispela meri long taim bilong bikpela kaikai bilong ol giaman god, Bal. Taim em i mekim ofa bilong kamapim gutpela smel i go long ol, taim em i putim moa bilas antap long em yet wantaim ol rin na ol ston i dia tumas na i lusim mi na bihainim ol man em i save mekim pasin pamuk wantaim. God Yawe yet i tokaut olsem. ¹⁴ Olsem na nau bai mi kisim em bek. Bai mi kisim em i go long ples nating na bai mi mekim toktok gut long em. ¹⁵ Bai mi givim em bek ol gaden wain bilong em na ples daun bilong Akor olsem dua i gat gutpela kaikai bihain. Em bai i harim mi olsem em i save mekim taim em i stap yangpela meri yet. Olsem long dispela taim em i bin kam aut long graun bilong Isip. ¹⁶ Long dispela taim bai yu kolim mi, Man bilong mi, na yu bai i no inap kolim mi, Bal, giaman god. ¹⁷ Bai mi rausim ol nem bilong ol Bal long maus bilong em na em bai i no inap toktok moa long nem bilong ol gen. ¹⁸ Long dispela dei bai mi mekim kontrak wantaim ol long wel animol, na ol pisin na ol samting i save wokabaut long bel. Bai mi rausim ol bunara, bainat na, bikpela pait na bai mi mekim yu i stap isi na gutpela. . ¹⁹ Bai mi tok promis long stap olsem man bilong yu oltaim. Bai mi promis i stap man bilong yu long stretpela pasin, kontrak na long marimari pasin. ²⁰ Bai mi bihainim promis bilong mi na makim yu bilong mi long trupela pasin na bai yu save long God Yawe. ²¹ Long dispela dei bai mi bekim tok olsem dispela em i toktok bilong GodYawe,bai mi bekim tok long heven na bai ol i bekim tok long graun. ²² Na bai graun i bekim wit, nupela wain na oliv nabai ol i bekim Jesril. ²³ Bai mi planim ol long graun bilong mi na bai mi marimari long ol samting. Bai mi laikim ol lain mi no save laikim na bai mi kolim ol lain bilong mi em ol lain mi no save kolim ol lain bilong mi na bai ol i tok osem, Yu God bilong mi.