¹ Long namba tu yia taim Darius i stap king, insait long 6-pela mun bilong dispela mun, tok bilong God Yawe i kam long profet Haggai na i go long gavana bilong ol Juda, Zerubabel pikinini man bilong Sialtiel na het pris Joshua pikinini man bilong Sehosadak na em i tok, ² "God Yawe bikpela bilong yumi i tok, Ol dispela man meri ol i tok, 'Em ino taim bilong yumi long kam or wokim haus bilong God Yawe" ³ Bihain tok bilong God Yawe i kam long han bilong Profet Haggai na i tok, ⁴ "Ating em taim bilong yupela yet long wokim gutpela haus bilong yupela na taim haus bilong mi i bagarap yet a? ⁵ Olsem na God Yawe bikpela bilong yumi i tok olsem, Lukluk gut na tingim ol pasin bilong yupela! ⁶ Yu planim planti kaikai tasol yupela i kamautim liklik tasol, yupela kaikai tasol yupela i no pulap, yupela dring tasol yupela i no spak. Yupela putim kolos tasol yupela kol yet, yupela tuhat na painim moni long wok bilong yupela tasol yupela putim long poket i gat bikpela hul! ⁷ God Yawe bikpela bilong yumi i tok olsem, "Lukluk gut na tingim pasin bilong yupela! ⁸ Igo antap long maunten na kisim diwai i kam daun na wokim haus bilong mi orait bai mi amamas na stap insait long en na kisim biknem! God Yawe i tok." ⁹ Yu wok long painim planti tasol harim! yu kisim liklik tru i kam long haus, bilong wanem mi rausim i go nambaut! Bilong wanem?" God Yawe bikpela i tokaut. "Bilong wanem haus bilong mi i bagarap i stap, taim olgeta man meri i tuhat long wokim haus bilong ol yet. ¹⁰ Long dispela pasin ol heven i holim bek liklik rain wara long yupela na graun i no moa givim gutpela kaikai. ¹¹ Mi tok strong long kisim ol bagarap i kam long graun, long maunten, kainkain sid, antap long nupela wain, antap long oil na kaikai long graun, antap long ol manmeri na wel abus na olgeta tuhat wok bilong han bilong yu. ¹² Bihain Serubabel piknini man bilong Sialtiel na ol het pris bilong Joshua pikinini man bilong Sehosadak wantaim ol liklik lain manmeri ol i harim tok bilong God Yawe, God bilong ol na profet Haggai, bilong wanem God Yawe, God bilong ol i bin salim em long ol manmeri na ol i pret long pes bilong God Yawe. ¹³ Bihain profet Haggai mausman bilong God Yawe i tokim ol manmeri na i tok olsem, "Mi i stap wantaim yupela! Dispela em tok God Yawe i tok aut." ¹⁴ Olsem na God Yawe i kirapim spirit bilong gavana bilong ol Judah, Serubabel pikinini man bilong Sialtiel na spirit bilong het pris Joshua pikinini man bilong Sehosadok na spirit bilong ol liklik lain manmeri, long ol go na wok long haus bilong Bikpela God Yawe i gat olgeta strong, God bilong ol, ¹⁵ insait long namba 24 dei bilong namba 6 mun long taim king Darius i stap king.2-pela yia pinis.