¹ Dispela em ol hetman bilong ol famili bilong ol lain tumbuna husait i lusim Babilon wantaim mi long taim bilong King Ataseksis. ² Gesom long lain bilong Finias. Daniel long lain bilong Itama. Hatus long lain bilong Devit, ³ husait i bilong lain bilong Sekania na Sekaraia husait i bilong lain bilong Paros na 150 man long lain bilong en i bin i kam wantaim em. ⁴ Elioenai, pikinini man bilong Serahia, long lain bilong Pahat Moap, 200 man i bin i kam wantaim em. ⁵ Ben Jahasiel, long lain bilong Satu, 300 man i bin i kam wantaim em. ⁶ Ebet, pikinini man bilong Jonatan, long lain bilong Adin, 50 man i bin i kam wantaim em. ⁷ Jesaia, pikinini man bilong Atalia, long lain Elam, 70 man i bin i kam wantaim em. ⁸ Sebadia, pikinini man bilong Mikael, long lain bilong Sepatia, 80 man i bin i kam wantaim em. ⁹ Obadia, pikinini man bilong Jehiel, long lain bilong Joap,-218 man i bin i kam wantaim em. ¹⁰ Selomit, pikinini man bilong Josifia, long lain bilong Bani, 160 man i bin i kam wantaim em. ¹¹ Sekaraia, pikinini man bilong Bebai, long lain bilong Bebai, 28 man i bin i kam wantaim em. ¹² Johanan, pikinini man bilong Hakatan, long lain bilong Asgat, 110 man i bin i kam wantaim em. ¹³ Ol lain bilong Adonikam i kam bihain. Dispela em nem bilong ol, Elifelet, Jeuel, Semaia na 60 man i bin i kam wantaim ol. ¹⁴ Utai na Sakur, bilong lain Bigvai, 70 man i bin i kam wantaim ol. ¹⁵ Mi bungim ol lain bilong wokabaut long rot bilong wara i go long Ahava na mipela i stap tripela dei long dispela hap. Mi wok painim aut long ol manmeri na ol pris, tasol mi i no painim ol lain bilong Livai long hap. ¹⁶ Olsem na mi salim i go bilong Eliesa ol dispela man, Ariel, Semaia, Elnatan, Jarib na narapela Elnatan, Natan, Sekaria na Mesulam, em ol hetman, Joiarib na Elnatan, em ol tisa. ¹⁷ Bihain mi salim ol i go long Ido, em hetman long Kasifia. Mi tokim ol long wanem tok bai ol i toktok long Ido na ol lain famili bilong en, ol wokman bilong tempel i stap long Kasifia, olsem, salim i kam long mipela ol wokman bilong haus bilong God. ¹⁸ Long gutpela han bilong God, ol i salim wanpela man i kam long mipela, nem bilong en Serebia, man bilong lukautim gut ol samting. Em i bilong lain Mali, pikinini man bilong Levi, em i pikinini man bilong Israel. Em i kam wantaim 18-pela pikinini man na ol brata bilong en.. ¹⁹ Hasabia i kam wantaim em. Jesaia tu, wanpela bilong ol pikinini man bilong Merari wantaim ol brata na ol pikinini man bilong en, 20 man olgeta. ²⁰ Long ol lain i bin wok insait long tempel, husait Devit na ol ofisa bilong en i bin givim bilong helpim ol Livai, em 220 nem bilong ol i stap long wanpela list. ²¹ Bihain mi tokaut long lusim kaikai long Wara Ahava bilong daunim mipela yet long ai bilong God, long painim, stretpela rot long em bilong mipela, ol pikinini bilong mipela na olgeta samting bilong mipela. ²² Mi bin sem long askim king long wanpela ami o ol soldia bilong sindaun antap long hos bilong was long mipela long ol birua long rot, pastaim mipela i tokim king. Han bilong God bilong mipela i stap antap long ol lain husait i painim em long gutpela, tasol bikpela belhat i stap antap long ol lain i lusim tingting long em. ²³ Olsem na mipela i lusim kaikai na tokim God long dispela na mipela i askim em. ²⁴ Bihain mi makim 12-pela man long lida bilong ol Pris, Serebia, Hasabia na 10-pela brata bilong ol. ²⁵ Mi skelim i go long ol, silva, gol, ol samting na ol ofa bilong haus bilong God we king, ol kaunsel bilong en, ol ofisa bilong en na ol Israel i bin givim nating olsem ofa. ²⁶ Olsem na mi skelim i go long han bilong ol, 22,100 kilo silva, 3,400 kilo, ol samting ol i mekim wantaim silva, 3,400 kilo gol, ²⁷ 20 gol dis inap long mak bilong 8-kilo na 400-gram na tupela dis bras ol i wokim gut tru olsem gol. ²⁸ Bihain mi tokim ol,"Yupela i stretim na klinim yupela yet long God Yawe, ol dispela samting tu, silva na gol em ol ofa long laik bilong yupela i go long God Yawe, em God bilong ol lain tumbuna bilong yupela. ²⁹ Lukautim gut na holim ol inap taim yupela i skelim i go long ol lida bilong ol Pris, ol Livai na ol hetman bilong ol tumbuna bilong lain Israel long Jerusalem insait long ol rum bilong haus bilong God." ³⁰ Ol Pris na ol Livai i kisim ol dispela silva, gol na ol narapela samting, ol i skelim na putim ol gut bilong kisim i go long Jerusalem, long haus bilong God. ³¹ Mipela i go autsait long bikpela baret wara bilong Ahava long namba 12 dei bilong namba wan mun long i go long Jerusalem. Han bilong God bilong mipela i stap antap long mipela, em i was long mipela long han bilong ol birua na ol lain husait i laik bagarapim mipela long rot. ³² Na mipela i go insait long Jerusalem na stap tripela dei. ³³ long namba 4 dei ol silva, gol na ol samting ol i skelim i go autsait long haus bilong God i go long han bilong Meremot, pikinini man bilong Pris Uria, em i stap wantaim, Eliasa, pikinini man bilong Finias, Josabat, pikinini man bilong Jesua na Noadia, pikinini man bilong Nidui, em i Livai. ³⁴ Ol namba na hevi bilong olgeta samting i kamap gut na olgeta samting tu i stap gut. Olgeta hevi bilong dispela samting ol i raitim i go daun long buk long dispela taim. ³⁵ Ol lain husait i kam bek long kalabus, ol lain manmeri i bin kalabus na i kam aut na ol i mekim ofa bilong paia i kukim olgeta i go long God bilong Israel, 12-pela bulmakau bilong olgeta Israel, 96 sipsip man, 77 pikinini sipsip na 12-pela meme man olsem ofa bilong sin. Olgeta i ofa bilong paia i kukim olgeta bilong God Yawe. ³⁶ Bihain ol i givim ol lo bilong king i go long ol Het Pris na ol gavana bilong Provins i go long Hapsait bilong Wara na ol i helpim ol manmeri na haus bilong God.