¹ Olsem na king Seksis wantaim Haman i go long kaikai na dring wantaim kwin Esta. ² Long namba tu dei ol i kam bung bilong dring na kaikai, taim ol wokman i kapsaitim wain na givim ol, king Haman i tokim Esta olsem, "Kwin Esta, yu laikim wanem samting? Yu tokim mi na bai mi givim yu wanem samting yu askim. Sapos yu askim long hap bilong ol samting istap aninit long King i lukautim, bai mi givim yu." ³ Orait Kwin Esta i bekim tok, "King, sapos yu luksave long mi na yu amamas long mi, yu ken givim mi bek laip bilong mi. Em wanem mi askim na mi laik yu bai mekim long ol manmeri bilong mi tu. ⁴ Long wanem ol man i bin salim mipela long ol birua bai bagarapim mipela na kilim mipela i dai. Sapos ol i bin salim mipela olsem ol wok man na wok meri nating, mi inap pasim maus bilong mi tasol mi toktok long wanem dispela bel hevi bai inap tru long mekim yu King i tingting planti." ⁵ Orait King Seksis i askim Kwin Esta olsem, "Husait tru em dispela man? Em i stap long wanem hap. Em i gat tingting nogut i pulap long bel bilong em long mekim dispela samting nogut?" ⁶ Esta i tokim dispela king olsem, "Dispela man bilong narapela hap em i no gutpela man. Em i birua bilong mipela, em i Haman! Haman i pret nogut tru long ai bilong king na Kwin Esta. ⁷ King i belhat nogut tru na i lusim wain na i kirap i go aut long flawa gaden i stap long haus bilong em long kamapim tingting, Haman istap na sindaun wantem Kuin Esta long askim Kuin long givim bek laip bilong em. Long wanem em i luksave pinis olsem king bai i kamapim tingting long kilim em. ⁸ Bihain king i kam bek long flawa gaden i stap long haus bilong em na i go insait rum bilong haus ol i bin kapsaitim wain na givim em. Haman i pundaun i go daun long sia Kwin Esta i sindaun long en. King i tok olsem, "Em bai mekim pasin pamuk wantaim kwin long ai bilong mi insait long haus bilong mi?" Taim king i tok orait long kilim em, ol wokman bilong king i karamapim pes bilong Haman. ⁹ Orait Habona, wanpela was ami ofisa bilong king i tok olsem, "I gat hap diwai bilong kilim man na hangamapim i stap autsait long haus bilong Haman. Dispela hap diwai em 23 mita longpela bilong en i go antap. Em yet Haman i bin mekim long hangamapim Modekai, em man husait i mekim gutpela tok lukaut long sevim king." Na king i tok, "Hangamapim em long dispela hap diwai." ¹⁰ Olsem na ol i hangamapim Haman antap long hap diwai em i bin redim bilong hangamapim Modekai na belhat bilong king i go daun.