¹ Bihain long ol dispela samting, King Ahasuerus i makim Haman pikinini man bilong Hamedata bilong Agak na givim em sia na namba bilong lukautim na bosim olgeta lain ofisa i wok wantaim em. ² Olgeta wokman bilong king istap long bikpela dua bilong king i save brukim skru na daunim het long Haman, olsem king i givim tok orait long ol i mas mekim, tasol Modekai ino save brukim skru na daunim het. ³ Olsem na ol wokman bilong king istap long bikpela dua bilong king i askim Modekai, "Bilong wanem na yu no save bihainim tok orait king i tok long en?" ⁴ Ol i toktok wantaim Modekai wanwan dei, tasol em ino laik long bihainim tok bilong ol. Olsem na ol i toktok wantaim Haman, long lukim sapos dispela hevi bilong Modekai bai istap olsem na em i tokim ol olsem em i man bilong Juda. ⁵ Taim Haman i lukim olsem Modekai ino brukim skru na daunim het bilong em, Haman i belhat. ⁶ Em ino laikim na i gat tingting long kilim Modekai i dai, long wanem ol wokman bilong King i tokim em, ol lain bilong Modekai i wanem kain manmeri. Haman i laik kilim na bagarapim olgeta lain Juda, ol lain bilong Modekai i stap long bikpela kantri bilong King Serksis. ⁷ Long namba wan mun [em mun bilong Nisan], long 12-pela yia bilong King Serksis bilong Pur. Dispela em i pilai bilong tromoi koin long pes bilong Haman long makim dei na mun. Ol i pilai na tanim dispela koin inap dispela koin i pundaun long namba 12-mun [em mun bilong Ada]. ⁸ Na bihain, Haman i tokim King Serksis, "I gat sampela manmeri istap nabaut na pulapim taun bilong kantri bilong yu. Ol lo bilong ol i no wankain olsem ol narapela manmeri na ol i no save bihainim ol lo bilong king ,olsem na em ino gutpela long King i larim ol istap. ⁹ Sapos em i orait long king, givim oda long kilim ol na bai mi putim long skel 34,000- kilogrem silva long han bilong husait man i lukautim ol kago bilong King, bai ol i putim insait long haus mani bilong King. ¹⁰ Na bihain king i kisim rin i gat mak long en na givim igo long Haman, pikinini man bilong Hamadata bilong Agak, ol birua bilong ol Juda. ¹¹ Na king i tokim Haman, "Bai mi lukim olsem ol i givim bek mani bilong yu na ol manmeri bilong yu. Yu bai mekim wanem samting, yu laik mekim wantaim en. ¹² Ol saveman long lo bilong king i kam bung long 13-pela dei bilong namba wan mun na ol lo Haman i bin givim oda long en, ol i raitim igo long olgeta gavana na ofisa bilong king, husait ol istap long olgeta provins wantaim ol manmeri bilong ol, ol i raitim long wanwan tokples bilong ol yet. Ol i raitim long nem bilong King Serksis na pasim wantaim han rin mak. ¹³ Ol man bilong karim tok i givim olgeta stori istap long pepa igo long olgeta provins, long kilim na bagarapim olgeta lain Juda, long yangpela igo long ol lapun, ol pikinini na ol meri insait long wanpela dei tasol, long dei 13-long namba 12-mun [em i mun bilong Ada] na kisim olgeta samting bilong ol. ¹⁴ Dispela wankain toksave pepa ol i mekim i kamap lo bilong olgeta provins. Long olgeta provins dispela lo i kamap klia long olgeta manmeri i mas redi long dispela dei. ¹⁵ King i salim ol wokman bilong em long karim toksave pepa igo aut hariap na givim olgeta manmeri . Dispela lo ol i tokaut igo namel long strongpela banis bilong pait insait long Susa tu. King na Haman i sindaun na dring, tasol biktaun bilong Susa i no stap gut.