¹ Namba 3 yia bilong king Belsasa i bin i stap king, wanpela driman i bin kamap long mi, Deniel. (bihain long wanpela i bin kamap long mi nambwan taim). ² Dispela driman i kamap long mi na mi lukim, ol bikpela banis pait bilong biktaun Susa long provins Elam. Mi lukim dispela driman olsem, mi sanap arere long wara Ulai Kenal. ³ Mi lukluk i go antap na mi lukim wanpela sipsip i gat tupela kom, em i stap arere long dispela wara Kenal. Dispela sipsip i gat tupela kom, wanpela kom em i longpela tru na narapela em i sotpela, tasol longpela kom i kamap isi isi na winim sotpela. ⁴ Mi lukim dispela sipsip i laik mekim olgeta lain manmeri bilong west, not na saut i mas i stap aninit long em tasol, nogat wanpela animol bai sanap paslain long em. Na nogat wanpela lain bai kisim bek ol long han bilong em. Em i mekim wanem em i laikim long en, bilong wanem em i gat bikpela strong. ⁵ Taim mi tingting long dispela i stap na mi lukim wanpela man meme i kam long west, em i go long olgeta hap long graun. Em i ran hariap na em i no tatsim graun. Dispela meme i gat longpela kom namel long tupela ai bilong em. ⁶ Em i kam long dispela sipsip i gat tupela kom na i tok, mi lukim sipsip i sanap arere long dispela wara Kenal na meme i ran strong i kam long dispela sipsip. ⁷ Mi lukim meme i kam klostu long sipsip, em i belhat nogut tru long sipsip na em i paitim dispela sipsip na brukim tupela kom bilong em. Nau dispela sipsip i nogat strong moa long sanap long peis bilong em. Meme i rausim strong bilong em na tromoi i go daun long graun na krunkutim em. Nogat man long helpim na kisim bek sipsip long strong bilong meme. ⁸ Orait meme i kamap bikpela na em i kisim strong na bikpela kom bilong em i bruk. Antap long dispela kom i bruk, 4-pela narapela kom i gro na i go long 4-pela kona we win i save i kam na i go long ol heven. ⁹ Wanpela bilong ol dispela kom, wanpela kom i kamap long liklik taim tasol na kamap bikpela tru long saut, ist na long graun em i gutpela. ¹⁰ Em i kamap bikpela na i go long pait wantaim ol soldia bilong heven. Sampela soldia wantaim ol sta i stap antap, ol i tromoi i go daun long graun na ol i krunkutim ol. ¹¹ Em i mekim em yet i kamap bikpela man we i go paslain long ol soldia. Em i rausim ol sampela ofa ol i bin kukim pinis na dispela ples holi em i bagarap. ¹² Pasin bilong ol i no gutpela na ol i putim dispela strong long kom bilong meme na ofa bilong kukim long paia bai i pinis. Na dispela kom bai i tromoi tok tru i go daun long graun na em bai kamap gut long wanem em i bin mekim. ¹³ Mi harim wanpela holi man i toktok na narapela holi man i bekim tok bilong em, "Ol dispela samting bai i stap longpela taim a? Dispela driman bilong kukim ofa long holi ples, ol i bin rausim na long dispela pasin tasol sin i bringim bikpela hevi na bagarap i kam, bai soldia bilong heven i krunkutim antap?" ¹⁴ Em i tokim mi olsem, "Dispela hevi bai i stap inap long 2,300 apinun na moning. Bihain long dispela ol bai putim ples holi i kamap stret." ¹⁵ Taim mi, Deniel i lukim dispela driman, mi bin traim long luksave long dispela. Orait wanpela i sanap klostu long mi, em i olsem wanpela man. ¹⁶ Mi harim maus bilong wanpela man i singaut namel long dispela wara Ulai kenal. Em i tok, "Gebriel, helpim dispela man long em i ken luksave long driman." ¹⁷ Orait na em i kam sanap klostu long mi. Taim em i kam, mi pret nogut tru long em na mi putim peis bilong mi i go daun long graun. Na em i tokim mi olsem , "Pikinini bilong man, yu tingim, dispela driman yu lukim, em bai i kamap long arere bilong dispela graun." ¹⁸ Taim em i toktok long mi, mi putim peis bilong mi i go daun long graun na mi slip. Na em i holim mi na i kirapim mi bek. ¹⁹ Em i tok, "Lukim, bai mi soim yu wanem hevi bai i kamap long bihain taim, bilong wanem dispela driman i makim taim bilong em long arere bilong graun. ²⁰ Dispela sipsip yu i bin lukim long driman, wanpela i gat tupela kom bilong en i makim tupela kantri, kantri bilong Midia na kantri bilong Pesia. ²¹ Na dispela man meme em i king bilong Grik. Bikpela kom i stap namel long tupela ai bilong en, em i makim nambawan king bilong ol Grik. ²² Dispela kom i bruk pinis long en, narapela 4-pela kom i gro gen long dispela. 4-pela kantri bai i kamap long dispela taim, tasol i no wantaim bikpela strong bilong ol. ²³ Bihain taim bilong ol dispela kantri, taim ol man bilong mekim ol pasin nogut i kamap long mak bilong ol, man husait i gat gutpela save em bai i kamap long dispela taim, dispela man em i king nogut. ²⁴ Strong bilong em bai i go bikpela moa, tasol i no long strong bilong em yet. Em bai i kirap nogut long ol samting em i bagarapim, em bai mekim long kamapim gut gen. Em bai i bagarapim ol strongpela manmeri namel long ol stretpela manmeri. ²⁵ Wantaim giaman toktok bilong em, em bai i trikim ol gut tru. Em bai kamap bikpela long tingting bilong em yet. Em bai i no inap tingting na bagarapim planti manmeri. Em bai pait wantaim King bilong ol king, na em bai brukim ol, tasol i no long han bilong wanpela man. ²⁶ Dispela driman bilong monin na ainun em i tru, tasol em i karamapim dispela driman, long wanem em bai i kamap long bihain taim. ²⁷ Na mi, Deniel mi bin winim dispela tasol bodi bilong mi i nogat strong long sampela dei. Orait na mi go bek na mekim wok bilong king, tasol mi pret long dispela driman na i no gat wanpela i luksave long dispela driman.