¹ "Long dispela taim Michael, em i bikpela pikinini bilong King, husait i save was long ol manmeri bai i kirap. Bai ol i gat taim nogut olsem bipo i no save kamap long ol kantri i stap bipo i kam inap nau. Long dispela taim ol manmeri bai i kisim helpim,na husait nem bilong ol istap long buk. ² Planti husait i slip long das bilong graun bai i kirap, sampela bai i go i stap laip oltaim oltaim na sampela bai sem na i go long ples nogut. ³ Ol lain husait i gat gutpela tingting bai i lait olsem skai antap, na husait i tanim planti i go long stretpela pasin bai i stap olsem sta oltaim oltaim. ⁴ Tasol yu Daniel, pasim ol dispela toktok, pasim buk inap long arere bilong taim. Planti bai i ron igo i kam, na kainkain save bilong man bai i go antap." ⁵ Na mi, Daniel, lukluk na tupela arapela i sanap i stap. Wanpela i sanap long dispela sait bilong wara, na narapela i sanap long hap sait long wara. ⁶ Wanpela bilong ol i kirap na tok i go long man i pasim gutpela kolos, husait i stap antap long wara i kam daun long en na askim, "Wanem taim bai ol dispela gutpela samting bai i kamap?" ⁷ Mi harim dispela man i bilas long gutpela kolos, husait i stap antap long het bilong wara- na i apim han sut na han kais igo antap long heven na tok aut long nem bilong bikpela husait i stap oltaim oltaim na i tok olsem em bai kamap long taim na ol arapela taim gen na hap taim tasol. Taim strong bilong ol stretpela man i bruk pinis na bihain ol dispela samting bai i kamap. ⁸ Mi harim,tasol mi no kisim tok gut. Olsem na mi askim, "Bosman, wanem samting bai i kamap long ol dispela samting?", ⁹ Na em i tok, "Daniel, yu mas i go yet, tok i pas pinis na em bai istap olsem inap long arere bilong taim. ¹⁰ Planti bai igo kamap stret na klin na igo insait long hevi na kam autsait tasol ol bikhet man nogut bai igo bagarap olgeta. Ol dispela bagarap lain bai ino inap luksave na i stap stret, tasol ol bilip manmeri bai kisim save. ¹¹ Bihain long dispela gutpela taim long kukim sakrifaes i pinis, ol kainkain taim nogut tru bai i kamap inap 1,290- pela dei. ¹² Marimari na bel isi bilong bikpela i stap wantaim man husait inap wait igo long arere long 1,335-pela dei. ¹³ Yu mas i go long rot bilong yu inap arere na bai kisim malolo. Yu bai kirap long ples mi givim yu long en na long arere long ol dispela dei.