¹ Long namba 3-yia bilong Jehoiakim i stap king bilong Juda, king Nebukadnesa bilong Babilon i kam long Jerusarem na banisim biktaun long na pasim olgeta samting long i no ken i kam insait o go insait. ² God i givim Nebukadnesa strong antap long Jehoiakim king bilong Juda, na em i givim em sampela samting holi long haus bilong God. Em i karim i go long graun bilong Babilon, long haus bilong god bilong em na em i putim ol holi samting insait long boks moni bilong god bilong em. ³ Na king i tokim Aspenas, lida bilong ol ofisa bilong em long kisim sampela manmeri bilong Israel, wantaim famili bilong king na ol man husat i wanlain insait long famili bilong king. ⁴ Ol yangpela man i nogat bararap long bodi bilong ol na gutpela tru long lukluk bilong em na i pulap long gutpela save na gutpela tingting na i gat save long wok long haus bilong king. Em bai skulim ol long rit na rait na tokples bilong Babilon. ⁵ King i kaunim na skelim ol switpela kaikai na sampela wain em i save dring inap long skel bilong wanwan dei. Ol dispela yangpela man bai i lainim long 3-pela yia na bihain long em, ol inap long wok long king. ⁶ Namel long ol dispela man husat i bin i stap wantaim ol, em Daniel, Hananaia, Misael, Asaria na sampela manmeri bilong Juda. ⁷ Dispela namba wan hetman i givim nem long ol: Daniel em i kolim em Beltesasa, Hananaia em kolim em Sadrak, Misael em kolim em Misek na Asaria em kolim em Abendigo. ⁸ Tasol Daniel i tingim pinis long tingting bilong em olsem em i no inap bagarapim em yet long ol switpela kaikai bilong king o wain king yet i save dring. Olsem na em i askim dispela nambawan hetman bilong ol ofisa na i kisim tok orait olsem em i no inap bagarapim em yet. ⁹ Nau God i mekim dispela nambawan hetman bilong ol ofisa long laikim Daniel na belgut long em long gutpela bel em i gat long em. ¹⁰ Lida bilong ol ofisa i tokim Daniel, "Mi pret long king na masta bilong mi, Em i tokim mi pinis long wanem kain kaikai na dring yu bai kisim. Wanem as na em bai i lukim yu luk nogut olsem yu no i stap wankain olsem ol poroman bilong yu a? King inap long rausim het bilong mi long pasin yu bai wokim." ¹¹ Bihain Daniel i tokim wanpela wokman dispela nambawan hetman bilong ol ofisa em i bin makim long i stap bosim Daniel, Hananaia, Misael na Asaria. ¹² Em i tok, "Plis traim mipela, ol wokman bilong yu, inap long 10-pela dei. Givim mipela sampela kumu tasol long kaikai na wara bilong dring. ¹³ Bihain yu ken skelim lukluk bilong mipela wantaim lukluk bilong ol man husat i save kaikai switpela kaikai bilong king na wokim long mipela, ol wokman bilong yu, antap long wanem yu lukim. ¹⁴ Olsem na wokman i wanbel long wokim olsem long ol, em i traim ol long 10-pela dei. ¹⁵ Bihain long 10-pela dei i go pinis lukluk bilong ol i luk moa gutpela na skin bilong ol i gutpela moa long ol yangpela man husat i save kaikai switpela kaikai bilong king. ¹⁶ Olsem na wokman i rausim ol switpela kaikai na wain na givim ol kumu tasol. ¹⁷ Olsem na long dispela 4-pela yangpela man, God i givim ol save na lukluk long bel na tingting long save long rit na rait long ol kainkain tokples wantaim gutpela tingting na Daniel inap long save long ol kainkain samting olsem driman na driman. ¹⁸ Bihain long taim king i bin makim long en i kamap long kisim ol i go insait, nambawan hetman bilong ol ofisa i kisim ol i go insait long pes bilong Nebukadnesa. ¹⁹ King i toktok wantaim ol na namel long olgeta lain em i skelim na lukim i nogat wanpela i wankain olsem Daniel, Hananaia, Misael na Asaria. Ol i sanap long pes bilong king na ol i redi long mekim wok bilong em. ²⁰ Long olgeta askim bilong gutpela save na tingting king i askim ol, em i painim aut olsem ol i winim 10-pela taim gutpela moa long ol glasman na ol man i save tok ol inap long toktok wantaim ol daiman na husat i stap aninit long kingdom bilong em. ²¹ Daniel i bin i stap inap long namba wan yia bilong King Sairus.