¹ Dispela em wanem samting God Yawe i soim mi. Lukim, basket i pulap wantaim ol pikinini kaikai! ² Em i bin tok, "Yu lukim wanem samting, Amos?" Orait mi tok olsem, "basket i pulap wantaim ol pikinini kaikai". Bihain God Yawe i tokim mi olsem "Pinis bilong olgeta samting bai i kamap long ol lain manmeri bilong Israel, bai mi pinisim olgeta bilong ol. ³ Ol song bilong haus lotu bai pinis long dispela dei, dispela em God Yawe i tok, planti ol manmeri i dai nambaut na ol i bin tromoi long olgeta hap istap isi !" ⁴ Harim dispela tok, yupela husait i mekim nogut long ol man i nidim samting na rausim ol man i nogat samting long graun. ⁵ Ol i tok, "Wanem taim bai nupela mun bai i pinis na bai yumi ken salim rais bilong yumi gen? Wanem dei Sabat bai i pinis na bai yumi salim wit gen? Yumi bai skelim na putim prais i go antap, na giamanim ol wantaim long skel bilong givim prais. ⁶ Dispela i ken kamap na bai yumi salim ol bagarap wit bilong yumi na givim mani long ol rabis man na baim sendol bilong ol man i nogat samting. ⁷ God Yaweh i tok promis long Jakop olsem," tru tumas mi bai ino inap lus tingting long ol pasin ol i mekim." ⁸ Mi bai ino inap sruk long dispela na olgeta lain husait i stap long hap bai istap long wari? Olgeta bai kirap olsem wara Nail na em bai igo nambaut na igo daun gen olsem wara Isip. ⁹ " Dispela dei bai i kam, God Yaweh i tok olsem, mi bai mekim san igo daun long belo taim na bai mi mekim ples i kamap tudak long dei taim. ¹⁰ Mi bai i tanim bikpela amamas dei bilong yu i kamap olsem dei bilong wari na olgeta song bai i olsem wari na bel hevi. Bai mi mekim olgeta lain manmeri bai werim bruk klos na i gat kela long het bilong ol. Mi bai mekim olsem wanpela pikinini man i dai na ol istap long wari na bikpela pen long olgeta dei inap long las dei. ¹¹ Lukim, ol dispela dei em bai i kam, dispela em i God Yawe i tok, taim mi salim bikpela hangre i kam long olgeta hap long graun, ino hangre long bret tasol, o i no hangre long wara , tasol long harim tok bilong God Yawe. ¹² Ol bai i painim long olgeta hap bilong solwara, ol bai igo long olgeta hap bilong dispela graun, long san i kamap na long san i go daun long painim tok bilong God tasol ol bai ino inap painim. ¹³ Long dispela dei ol naispela yangpela meri na ol yangpela man bai i dai long hangre. ¹⁴ Husait ol i tok promis long god bilong Sameria na tok, god bilong mipela istap yet, Dan wantaim As 'rot igo long Besiba istap yet' ol bai i pundaun na ino inap kirap gen."