¹ Mi lukim Bikpela i sindaun klostu long alta na em i tok olsem, "Paitim antap long het bilong pos na bai as bilong pos i guria. Brukim ol pos i go liklik long olgeta het na mi bai kilim ol liklik lain bilong ol wantaim bainat. I no gat wanpela bilong ol bai i ranawe na igo aut. ² Maski ol i digim hul go daun long ples bilong dai man, tasol han bilong mi bai i kisim ol long dispela hap. Maski sapos ol i go antap long heven, bai mi kisim ol i kam daun. ³ Maski ol i hait antap long het bilong maunten Kamel, mi bai painim ol na kisim ol. Maski ol i hait long ai bilong mi na hait aninit long as bilong solwara, mi bai givim wok long bikpela snek masalai na bai em i kaikaim ol. ⁴ Maski ol i go insait long ples kalabus, birua bilong ol bai i kisim ol i go insait, long dispela hap bai mi kilim ol wantaim bainat. Mi bai putim ai bilong mi long ol na bagarapim ol na bai mi no inap mekim gut long ol." ⁵ God Yawe, em i as bilong ol samting olsem na em i holim graun na i lus nabaut, olgeta manmeri husait i stap insait i krai, olgeta bai i tait olsem wara na drai gen olsem wara bilong Isip. ⁶ Long em tasol husait i mekim rot i go long skai na kamapim matmat antap long graun. Em i singautim ol wara bilong solwara na kapsaitim antap long ples graun, nem bilong em, God Yawe. ⁷ "Yu no luk olsem ol lain manmeri bilong kus long ai bilong mi, manmeri bilong Israel a? Dispela em i tok bilong God Yawe. Yu ting mi no kisim ol Israel i kam aut long graun bilong Isip, Filistia bilong Krit na Aramia bilong Ki? ⁸ Lukim, ai bilong God Yawe i stap long kingdom bilong sin manmeri olsem na mi bai bagarapim na rausim ol long dispela graun, tasol mi bai no inap long bagarapim olgeta haus bilong Jekop, dispela em i tok klia bilong God Yawe. ⁹ Lukim, mi bai givim tok orait na bai mi skelim haus bilong Israel namel long olgeta lain manmeri, olsem wanpela man i save skelim wit long waia na rausim ol pipia. Olsem na i no gat wanpela liklik hap ston bai i pundaun long graun. ¹⁰ Sapos wanpela man husait i tok olsem, "Bagarap bai i no inap abrusim yumi o bungim yumi.' Orait olgeta dispela sin manmeri bai i dai long bainat. ¹¹ Long dispela taim mi bai kirapim haus sel bilong Devit i bin pundaun na pasim olgeta han bilong en. Mi bai kirapim ol samting i bin bagarap na wokim gen olsem bilong bipo em istap. ¹² Olsem na bai ol i kisim olgeta taun i stap long Idom na olgeta lain manmeri husait mi makim ol bai i save olsem dispela em tok bilong God Yawe olsem na em i mekim dispela. ¹³ Lukim, taim bilong en bai i kamap, dispela em God Yawe i tokaut olsem, taim man bilong digim graun bai winim man bilong bungim kaikai na man bilong krugutim wain bai i winim man husait i planim kaikai. Ol maunten bai kamapim gutpela wain na olgeta liklik maunten bai i karim wankain kaikai. ¹⁴ Mi bai bringim bek ol manmeri bilong mi Israel long ples kalabus. Ol bai i stretim biktaun i bagarap na kisim, bai ol i planim ol diwai wain na dring wain, bai ol i mekim ol gaden na kisim kaikai bilong ol. ¹⁵ Bai mi putim ol long graun bilong ol na bai ol i no inap kamautim ol long graun mi bin givim long ol, "God Yawe em God bilong yupela i tok olsem.