¹ Dispela em wanem God Yawe i bin soim mi. Lukim, em i mekim bikpela lain grasopa i kamap taim ol nupela gras i stat long kamap, em ol kaikai i kamap bihain long taim ol i katim ol kaikai long gaden bilong king. ² Taim ol i kaikai pinis olgeta gras na lif samting bilong dispela graun, orait mi tok, " Bikpela God Yawe, plis lusim rong bilong ol manmeri bilong yu, bai Jekop i stap olsem wanem? Ol i liklik lain tasol." ³ God Yawe senisim tingting na i tok, "Dispela samting bai i no inap kamap." ⁴ Dispela em wanem Bikpela God Yawe i bin soim mi. Lukim, Bikpela God Yawe i tokim paia long mekim save long ol manmeri. Em bai draim olgeta wara i stap aninit long graun na bai bagarapim graun wantaim. ⁵ Tasol mi tok, "Bikpela God Yawe, plis noken bagarapim ol, bai olsem wanem long wokman Jekop? Bilong em i liklik tru." ⁶ Bikpela God Yawe i bin senisim tingting na i tok, "Dispela samting bai i no inap kamap." ⁷ Dispela em wanem em i bin soim mi, "Lukim" Bikpela i sanap pinis arere long banis wantaim wanpela klinpela mak long han bilong em. ⁸ God Yawe i bin tokim mi, "Amos, yu lukim wanem samting?" Na mi bin tok, " Mi lukim wanpela klinpela mak long han bilong yu." Orait Bikpela i bin tok, "Lukim, bai mi putim wanpela stretpela mak namel long ol manmeri bilong mi Israel. Bai mi i no inap marimari long ol moa. ⁹ Ol ples lotu bilong Aisak na haus lotu bilong ol Israel mi bai bagarapim na mi bai kamapim birua long ol lain bilong Jeroboam wantaim bainat." ¹⁰ Orait Amasia, pris bilong Betel i bin salim tok i go long Jeroboam, king bilong Israel. "Amos i pasim tok wantaim ol lain Israel long bagarapim yu. Ol i no harim tok bilong em. ¹¹ Amos i tok olsem, Mi bai kilim Jeroboam i dai wantaim bainat na mi bai rausim ol Israel long graun bilong ol.''' ¹² Amasia i bin tokim Amos, " Man bilong lukim samting i stap hait, go bek long graun bilong Juda na kaikai bret na autim tok profet long ol. ¹³ Tasol noken mekim tok profet moa long ol lain husait i stap long Betel, long wanem, em haus lotu bilong king na haus bilong ol femili bilong king." ¹⁴ Orait Amos i bin tokim Amasia, " Mi no profet o pikinini man bilong profet. Mi wanpela wasman bilong bulmakau na mi save long lukautim ol sikamo diwai fik. ¹⁵ Tasol God Yawe i bin kisim mi long wok bilong lukautim ol bulmakau na i tokim mi, "Go na autim tok profet long ol manmeri bilong mi Israel." ¹⁶ Nau harim tok bilong God Yawe. "Yu tok, "Noken tok profet long ol Israel na noken toktok long haus bilong Aisak." ¹⁷ Long wanem, dispela God Yawe i tok, "Meri bilong yu bai kamap pamuk meri long dispela biktaun, ol pikinini man na pikinini meri bilong yu bai oli kilim ol long bainat, ol birua bai i kisim olgeta graun bilong yu, bai ol i kisim yu i go long ples bilong ol ino klin na kilim yu i dai na ol Israel bai i go kalabus long narapela ples."