24 ¹ Long taim bilong Jeoakim,Nebukatnesa king bilong ol Babilon pait wantaim ol Juda, Jeoakim em i wokman bilong em long tripela yia. Jeoakim tanim bek na birua wantaim Nebukatnesa. ² God Yawe i salim ol birua i go long Jeoakim ol lain Saldia , ol lain Aramian, Moeb na ol lain Amon i go bagarapim Juda , dispela i bihainim toktok bilong God Yawe, we ol wok boi bilong em ol Profet i tok pinis. ³ Em kam tru long maus bilong God Yawe, 0lsem displa kam lon uda,rausim ol long ai bilong em, long wanem long sin we Manase i bin meikim. ⁴ Em i inapim Jerusalem wantaim blut bilong ol manmeri we i nogat asua, God Yawe i no pilim sore long ol dispela hevi, ⁵ taim ol narapela samting Jeoakim i mekim, i no stap insait long buk bilong ol king bilong Juda. ⁶ Jehoiakim i slip wantaim ol lain tumbuna bilong em na pikinini man bilong em Jehoiakin i kamap king long ples bilong em. ⁷ King bilong ol Isip i no bin pait moa long graun bilong em, bilong wanem king bilong Babilon i kisim olgeta hap, we i stap aninit long king bilong Isip long mak long liklik wara i go inap long wara Yufretis. ⁸ Taim Jehoiakin em 18- krismas, em stat long lukautim; em i lukautim Jerusalem long tripela mun. Na nem bilong mama bilong em Nehusta; em i pikinini meri bilong Elnatan bilong Jerusalem. ⁹ Em mekim ol samting we i no gutpela long ai bilong God Yawe, em mekim olsem papa bilong em bin mekim. ¹⁰ Long dispela taim ol ami bilong Nebukatnesa king bilong Babilon i go insait long Jerusalem na banisim biktaun. ¹¹ Nebukatnesa king bilong Babilon i bin go insait long biktaun taim ol soldia i bin stap insait pinis, ¹² Na Jehoiakin king bilong ol Juda go autsait long lukim king bilong ol Babilon wantaim mama bilong em na ol wok boi wantaim pikinini na ol wok man na king bilong ol Babilon i holim pasim em insait long namba 8 krismas taim em stap king. ¹³ Nebukatnesa i rausim olgeta gutpela samting i bin stap insait long haus bilong God Yawe na ol samting i stap insait long pales bilong king na em katim i go liklik liklik ol samting Solomon king bilong ol Israil i bin mekim wantaim gol insait long haus bilong God Yawe, wankain olsem God Yawe i tok bai kamap olsem. ¹⁴ Em i kisim olgeta lain Jerusalem na olgeta lida na ol man bilong pait, 10- tausen manmeri em i kisim olsem kalabus bilong em, wantaim ol wok man nogat wanpela i stap bek, ol turangu lain tasol i stap bek. ¹⁵ Nebukatnesa i kisim Jehoiakin i go insait long Babilon, mama bilong king wantaim ol meri bilong em, wantaim ol wokman na ol lida bilong ples. Em i kisim ol i go, long Jerusalem i go inap long Babilon. ¹⁶ Olgeta ol man bilong pait, namba bilong ol em i go inap long 7,ooo na 1,000 wok man husait inap long pait, em kisim ol i go long kalabus long Babilon. ¹⁷ King bilong ol Babilon i mekim Matania, brata bilong papa bilong Jehoiakin, kamap king long ples bilong em na senisim nem bilong em i kamap Jedekia. ¹⁸ Jedekia em 21 -krismas taim em i kamap king bilong Jerusalem, long 11- pela yia em i bin lukautim Jerusalem, na nem bilong mama bilong en, em amutal; em pikinini meri bilong Jeremia long ples Libna. ¹⁹ Em i mekim ol pasin i no stret long ai bilong God Yawe, em i mekim wankain pasin we Jehoiakim i bin mekim. ²⁰ Tru long bel hat bilong God Yawe, ol dispela samting i kamap long Jerusalem na long Juda, inap em i rausim ol long peis bilong em na Jedekaia i bikhet na i no stap aninit long king bilong ol Babilon.