¹ Josaia i kamap king taim em i stap 8-pela krismas; em i stap king bilong Jerusalem long 31-yia. Nem bilong mama bilong en,. em Jedida( em pikinini meri bilong Adaia bilong Boskat.) ² Em i mekim stretpela pasin long ai bilong God Yawe. Em i bin wokabaut long rot bilong Devit tumbuna bilong en na em i no bin tanim i go long han sut o long han kais. ³ Bihain long 18-pela yia bilong king Josaia, em i salim Sefan pikinini bilong Asalia, pikinini bilong Mesullam, saveman bilong Lo, i go long haus bilong God Yawe na i tok, ⁴ "Go lukim het pris Hilkia na tokim em long kaunim moni ol i bin kisim i go long haus bilong God Yawe, ol wasman bilong Tempol i bin kisim long ol manmeri na bungim i stap. ⁵ Ol i mas givim i go long ol wokman husait i save lukautim haus bilong God Yawe na larim ol i givim i go long ol wokman husait i stap long haus bilong God Yawe, long ol i ken stretim ol bagarap insait long Tempol. ⁶ Larim ol i givim moni i go long ol man bilong wok wantaim ol plang na ol man bilong wok wantaim ol ston na ol man bilong mekim haus, bai ol i ken baim ol plang na katim ol ston bilong stretim tempol." ⁷ Tasol ol i no askim long ripot bilong ol moni ol i bin givim long ol, long wanem, ol i save mekim wok gut. ⁸ Het pris Hilkia i tokim Safan, saveman bilong lo olsem, "mi painim buk bilong lo insait long haus bilong God Yawe." Orait Hilkia i givim buk long Safan, na em i ritim. ⁹ Safan i bin kisim buk igo long king, na tu em i tokim em olsem, "wokman bilong yu i bin kisim moni ol i bin painim long tempol na ol i givim long han bilong ol wokman husait bai i was na lukautim haus bilong God Yawe." ¹⁰ Orait Safan, saveman bilong lo i bin tokim King olsem," Pris Hilkia i givim mi buk," Orait Safan i ritim long King. ¹¹ Taim King i harim ol dispela toktok bilong lo, em i brukim klos bilong en. ¹² Orait king i tok strong long pris Hilkia, Aikam pikinini man bilong Safan, Akbok pikinini man bilong Mikaia, Sefan saveman bilong lo na Asaia, wokman bilong en, em i tok, ¹³ " Go na toktok wantaim God Yawe long mi na long olgeta lain manmeri bilong Juda olsem, long wanem, toktok bilong dispela buk ol i bin painim. Bikpela belhat bilong God Yawe bai i kamap long mipela, long wanem, ol tumbuna bilong mipela ino bin harim toktok bilong dispela buk na bihainim wanem samting ol i bin raitim long mipela i mas bihainim." ¹⁴ Orait pris Hilkia, Aikam, Akbor, Safan na Asaia i go long profet Hulda, meri bilong Salum pikinini man bilong Tikva pikinini man bilong Hahas, wasmeri bilong ol klos, em i save stap long Jerusalem na ol i toktok wantaim em. ¹⁵ Em i tokim ol olsem, ''dispela em i God Yawe, God bilong ol Israil,'' em i tok olsem..''Tokim man husait i salim yu i kam long mi,'' ¹⁶ Dispela em i wanem God Yawe i tok, ..''Lukim, mi bai bagarapim dispela ples na hap yu stap long en, inap olgeta tok ol i bin raitim pinis long dispela Buk King bilong Juda i ritim. ¹⁷ Long wanem, ol i givim baksait long mi na mekim ofa i go long ol arapela god, olsem na ol i putim bikpela belhat long mi long ol samting nogut ol i kamapim, olsem tasol belhat bilong mi bai i kamap long dispela ples na em bai i no inap pinis.'' ¹⁸ Tasol long King bilong Juda, husait i salim yu long askim laik bilong em, dispela em wanem yu bai tok long en., em wanem yu mas tokim God Yawe. God bilong Israil i tok olsem , long ol toktok yu i harim, ¹⁹ Bel bilong yu i stap isi na yu daunim yu yet aninit long God Yawe, taim yu harim ol tok mi mekim long dispela ples na hap yu i stap long en, olsem bikpela bagarap na hevi bai kamap na yu brukim klos bilong yu na krai nogut tru. Mi harim yu, God Yawe mi tokaut. ²⁰ Lukim, mi bai putim yu long matmat bilong ol tumbuna bilong yu wantaim bel isi. Na ai bilong yu ino inap lukim ol bagarap bai i kamap long dispela ples. Orait ol man i kisim tok i go bek long King.