¹ Bihain long dispela, ol man bilong Moap na Amon, wantaim ol sampela man bilong Meun i kam long pait wantaim Jehosafat. ² Orait i gat sampela man i bin kam tokim Jehosafat na i tok, "Ol bikpela lain man i kam long pait wantaim yu i kam olsem long Det Si, long Idom. Ol i stap long Haseson Tama," em long Engedi. ³ Jehosafat i pret na i laik go long painim aut laik bilong God Yawe. Em i putim toksave long olgeta lain Juda long lusim kaikai na prea. ⁴ Ol Juda i bung wantaim long painim aut laik bilong God Yawe, ol i kam long olgeta biktaun bilong Juda long painim aut laik bilong God Yawe. ⁵ Jehosafat i sanap wantaim bikpela lain manmeri bilong Juda na Israel, long haus bilong God Yawe, long pes bilong nupela haus bilong God. ⁶ Na em i tok, "God Yawe, God bilong ol lain tumbuna bilong mipela, yu dispela God i no save stap long heven na yu no save lukautim olgeta kingdom bilong olgeta hap long graun, strong na biknem i stap long han bilong yu, olsem na nogat wanpela inap long winim yu. ⁷ God bilong mipela, yu rausim ol lain tumbuna bilong ol long dispela graun na givim long ol manmeri bilong yu ol Israel na givim olgeta i go long lain tumbuna bilong Abraham. ⁸ Ol i stap insait na wokim ples holi bilong yu long nem bilong yu na ol i tok, ⁹ 'Sapos bagarap i kam long mipela o ol i sutim mipela long bainat o ol i kotim mipela o mipela i sik o taim bilong hangre, mipela bai i go long dispela haus na long pes bilong yu (long wanem nem bilong yu i stap long dispela haus) na mipela bai krai long yu long ol dispela pen na wari, yu bai harim mipela na helpim mipela.' ¹⁰ Lukim ol manmeri bilong Amon, Moap, na maunten Seir husait yu no bin larim ol Israel pait na ronim ol taim ol i lusim graun bilong Isip, moabeta, ol Israel i givim baksait long ol na i no bagarapim ol. ¹¹ Olsem wanem na ol i laik bekim pait long mipela, ol i kam long rausim mipela long graun bilong yu we yu bin givim long ol lain tumbuna bilong mipela. ¹² God bilong mipela, yu bai no nap long skelim ol a? long wanem mipela i no gat strong long pait wantaim dispela bikpela lain ami i kam long pait wantaim mipela. Mipela i no save wanem mipela bai mekim, tasol ai bilong mipela i stap long yu. ¹³ Olgeta Juda i sanap long pes bilong God Yawe wantaim ol liklik lain na ol meri pikinini bilong ol. ¹⁴ Orait long namel bilong bikpela lain manmeri, spirit bilong God Yawe i bin kam long Jahasiel, pikinini man bilong Sekeraia, Sekaraia em pikinini man bilong Benaia, Benaia em pikinini man bilong Jeiel, Jeiel em pikinini man bilong Matania, em man Livai, wanpela bilong ol lain pikinini bilong Asaf. ¹⁵ Jahasiel i tok, "Harim, olgeta Juda na ol lain tumbuna bilong Jerusalem na king Jehosafat. Dispela em God Yawe i tok long yupela, 'Yupela i no ken pret na no ken tingting planti long ol dispela bikpela lain ami , bilong wanem dispela pait i no bilong yupela, tasol em bilong God. ¹⁶ Yupela i mas go na pait long ol tumoro. Ol i lusim rot i go long Sis na kam antap. Bai yu lukim ol long arere bilong ples daun, bipo long ples nating bilong Jeruel. ¹⁷ Yupela i no inap pait wantaim ol long dispela pait. Sanap long hap bilong yupela na stap isi, bai yupela i lukim God Yawe bai mekim yupela i kamap fri, Juda na Jerusalem. Yupela i no ken pret na tingting planti. Go pait long ol tumoro, long wanem God Yawe i stap wantaim yupela." ¹⁸ Jehosafat i daunim het bilong em wantaim pes bilong en i go daun long graun. Olgeta lain Juda na ol lain tumbuna bilong Jerusalem i brukim skru i go daun long pes bilong God Yawe na lotu long em. ¹⁹ Na ol Livai husait i lain tumbuna bilong Koha na Kora, ol i sanap long litimapim nem bilong God Yawe, em God bilong Israel, wantaim bikpela nois. ²⁰ Long moning taim tru ol i kirap na i go long ples nating bilong Tekoa. Taim ol i go, Jehosafat i sanap na i tok, Harim tok bilong mi, yupela ol Juda na yupela ol lain tumbuna bilong Jerusalem! Bilipim God Yawe em God bilong yupela na bai yupela i ken kisim strong long em. Bilip long ol profet bilong em na bai yupela i orait." ²¹ Bihain long em i painim aut laik bilong God wantaim ol manmeri, em i makim ol lain bilong singim song long God Yawe na litimapim nem bilong em long lukautim na mekim gutpela pasin long ol taim ol i go long pes bilong ami na Tok tenkyu long God Yawe, long mekim gut kontrak bilong en i stap oltaim." ²² Taim ol i stat long singim ol song na litimapim nem bilong em, God Yawe i makim ol man i hait i stap long pait wantaim ol manmeri long Amon, Moap na Maunten Seir, ol lain husait i kam long pait wantaim ol Juda. Olgeta i bagarap. ²³ Na ol manmeri bilong Amon na Moap i kirapim pait long hap ol i stap long maunten Seir, ol i laik kilim ol na bagarapim ol. Taim ol i pinis wantaim ol man i stap long hap bilong Maunten Seir, olgeta i helpim long kilim ol. ²⁴ Taim ol Juda i kam raun na lukluk i go kam long ples nating, ol i lukim ol ami. Ol i kirap nogut na i lukim ol i dai na pundaun long graun, nogat wanpela i ranawe. ²⁵ Taim Jehosafat na ol lain bilong em i kam long kisim ol gutpela samting long ol, ol i painim ol planti gutpela samting, ol klos na ol samting i dia tumas, we ol i kisim planti inap long ol i karim i go. Ol i kisim inap long tripela dei long karim ol dispela samting ol i kisim long pait i go, em i planti tru. ²⁶ Long namba 4 dei ol i bung long ples daun bilong Beraka. Long hap ol i litimapim nem bilong God Yawe, olsem na nem bilong dispela ples em ol i kolim "Ples daun bilong Beraka" Na ol i kolim dispela nem inap nau. ²⁷ Orait ol i kam bek, olgeta man bilong Juda na Jerusalem, Jehosafat i go paslain long ol, long go bek long Jerusalem wantaim amamas, God Yawe i mekim ol i amamas long ol i winim ol birua bilong ol. ²⁸ Ol i kam long Jerusalem long haus bilong God Yawe wantaim mambu, gita na biugel bilong mekim musik. ²⁹ Pret bilong God i stap long olgeta kingdom na kantri. Taim ol i harim olsem God Yawe i pait wantaim birua bilong Israel, ³⁰ Olsem na kingdom bilong Jehosafat i stap isi tru, God bilong em i givim bel isi long em na olgeta lain stap wantaim.. ³¹ Jehosafat i kamap king bilong Juda, em i kamap 35 yia na em i kamap king. Em i kamap king bilong Jerusalem 25 yia. Nem bilong mama bilong em, Asuba, pikinini meri bilong Silhi. ³² Em i bihainim pasin bilong papa bilong em Asa, em i no givim baksait long ol, em i mekim samting i stret long ai bilong God Yawe, ³³ Maski, em i no rausim ples ol i save lotuim god giaman. Ol manmeri i no stretim bel bilong ol long God bilong ol tumbuna bilong ol. ³⁴ Olgeta samting King Jehosafat i mekim, stat long namba wan dei i go inap long las dei, ol i raitim long stori buk bilong Jehu pikinini man bilong Hanani, em ol i raitim pinis long buk bilong ol king bilong Israel. ³⁵ Bihain long dispela, Jehosafat king bilong Juda i laik wok wantaim Ahasia king bilong Israel, husait i mekim planti pasin nogut. ³⁶ Em i wok bung wantaim em long wokim sip na go long Tasis. Ol i wokim sip long Esion Geba. ³⁷ Orait Eliesa pikinini man bilong Dodavahu bilong Maresa, mekim tok profet long Jehosafat na i tok, "Bilong wanem yu bin mekim yu yet wok wantaim Ahasia, God Yawe i bagarapim wok bilong yu." Ol sip i bagarap pinis olsem na ol i no inap long ron long sol wara.