¹ Jeosapat em i king bilong ol lain Juda na em i no bungim birua, em i go gut long haus bilong em long Jerusalem. ² Orait Jehu pikinini man bilong Anani, em i wanpela profet bilong God, em i wokabaut i go lo bungim King Jeosapat na em tokim em olsem, "Long wanem yu helpim ol lain bilong mekim pasin nogut? Na bilong wanem yu save laikim ol lain husat i givim baksait long God Yawe? Long dispela pasin, belhat bilong God bai i kam antap long yu. ³ Tasol, i gat sampela gutpela samting i stap insait long yu, long dispela as yu bin rausim giaman god Asera long dispela graun na yu bin stretim bel bilong yu long bihainim God. ⁴ Jeosapat em i stap long Jerusalem, tasol em i go bek long ol manmeri bilong ples Besiba na i go long maunten ples bilong Efraim na em i kisim ol lain i kam bek na lotu long God Yawe, God bilong papa bilong ol. ⁵ Em i makim ol man bilong harim kot na em putim ol long olgeta biktaun bilong Juda. ⁶ Em i tokim ol man bilong harim kot olsem, "Tingting gut long wanem samting yupela bai i mekim, long wanem yupela i no inap mekim long man, yupela bai i mekim long God Yawe, em bai stap wantaim yupela long taim bilong harim kot. ⁷ Nau harim, pret blong God Yawe bai i stap wantaim yupela. Yupela i mas tingting gut na mekim stretpela pasin bilong harim kot. Olsem tasol God Yawe, em i save laikim stretpela pasin na i no save bihainim tingting bilong man. ⁸ Long Jerusalem Jeosapat i makim sampela Livai na ol pris na sampela hetman bilong bosim haus bilong harim kot long Israel. Ol i wok olsem Jas na harim kot bilong ol lain husait i sakim tok bilong God Yawe na stretim hevi bilong ol lain i gat cross long namel long ol yet, olgeta i save stap long Jerusalem ⁹ Em i tokim ol olsem, "Yupela i mas mekim wok bilong God Yawe wantaim pret na olgeta bel na tingting bilong yupela. ¹⁰ Taim i gat sampela tok bek i kam long yu long ol brata bilong yu husait i stap insait long ol biktaun bilong ol, long pasin bilong kilim man na long pasin bilong bihainim lo. Yu mas tok strong long ol olsem ol i noken mekim wanpela asua long ai bilong God Yawe, o bai belhat bilong God bai i kam long yu na ol brata bilong yu. Yu mas mekim dispela na bai yu nogat asua. ¹¹ Amaria husait i hetman bilong ol pris bai i lukautim yu long olgeta hevi laik bungim yu taim yu mekim gut wok bilong God Yawe. Jebadia pikinini man bilong Ismael, hetman bilong haus long Juda, em i bosim olgeta samting bilong king na tu ol Livai bai kamap ofisa bilong yu. Stap strong na bihainim olgeta tok yu mekim na God Yawe bai stap wantaim ol lain husait i harim tok bilong yu na i bihainim.